ლენტეხის რაიონი

ვიკიპედიიდან

ლენტეხის რაიონი

ლენტეხის რაიონი - ადმინისტრაციულ-ტერიტორიული რაიონი რაჭა-ლეჩხუმის და ქვემო სვანეთის მხარეში. რაიონის ტერიტორია 1917-მდე შედიოდა ქუთაისის გუბერნიის ლეჩხუმის მაზრაში, 1921-დან - ლეჩხუმის მაზრაში, 1930-დან დამოუკიდებელი რაიონია. 1953 წლამდე ქვემო სვანეთის რაიონი ეწოდებოდა.

[რედაქტირება] ბუნება

რაიონის ტერიტორია მთიანია, ჭარბობს საშუალო და მაღალმთიანი რელიეფი. რაიონის ფარგლებშია კავკასიონის მთავარი წყალგამყოფის მონაკვეთი, შემოფარგლულია სვანეთის, ლეჩხუმისა და ეგრისის ქედებით. ტერიტორია - 1344 კვ.კმ., მათ შორის სასოფლო-სამეურნეო სავარგულებს უკავია 440 კვ.კმ. რაიონის ტერიტორიაზე მიედინება მდინარე ცხენისწყალი და მისი შენკადები: ხელედულა, ლასკადურა, ზესხო, ლეუშერი, ხოფური და სხვა. მთავარი წიაღისეული სიმდიდრეა დარიშხანი (ცანის საბადო), მარმარილო და კვარციტები, მინერალური წყალი.

[რედაქტირება] მოსახლეობა

მოსახლეობის რიცხოვნობა - 9 ათასი კაცი; სიმჭიდროვე - 7 კაცი კვ.კმ-ზე. რაიონში 59 დასახლებული პუნქტია: 1 დაბა და 58 სოფელი.

[რედაქტირება] მმართველობა

რაიონის ადგილობრივი თვითმმართველობის უმაღლესი ორგანოა რაიონის საკრებულო, აღმასრულებელი ორგანო - რაიონის გამგეობა. მმართველობის ადმინისტრაციული ერთეულებია:

დაბის საკრებულო - 1: ლენტეხი;
თემის საკრებულო - 7: ჟახუნდრის, რცხმელურის, ჩიხარეშის, ჩოლურის, ცანის, ხელედის, ხოფურის.

[რედაქტირება] ეკონომიკა

წამყვანი დარგია მეცხოველეობა. სასოფლო-სამეურნეო კულტურებიდან მოჰყავთ სიმინდი, კარტოფილი და პარკოსანი მცენარეები. მისდევენ ასევე მებაღეობასაც. რაიონში არის სხვადასხვა პროფილის მცირე საწარმოები. ადგილობრივი მნიშვნელობის კურორტია მუაში. რაიონში არის ტურბაზა, ალპიური ბანაკი “აილამა”.

[რედაქტირება] კულტურა

რაიონში 28 სახელმწიფო ზოგადსაგანმანათლებლო სკოლაა, 23 ბიბლიოთეკა, 1 თეატრი და 1 მუზეუმი.

[რედაქტირება] ღირშესანიშნაობანი

ისტორიული ძეგლები: ჟახუნდრის წმ. გიორგის ეკლესია, დადიანის ციხე-დარბაზის კომპლექსი ლენტეხში, ლექსურის კოშკები, ტვიბის მთავარანგელოზის ეკლესია.

რაჭა-ლეჩხუმის და ქვემო სვანეთის მხარე
ამბროლაურის რაიონი \| ლენტეხის რაიონი \| ონის რაიონი \| ცაგერის რაიონი

Retrieved from "http://ka.wikipedia.org../../../%E1%83%9A/%E1%83%94/%E1%83%9C/%E1%83%9A%E1%83%94%E1%83%9C%E1%83%A2%E1%83%94%E1%83%AE%E1%83%98%E1%83%A1_%E1%83%A0%E1%83%90%E1%83%98%E1%83%9D%E1%83%9C%E1%83%98.html"

კატეგორიები: საქართველოს რაიონები | რაჭა-ლეჩხუმის და ქვემო სვანეთის მხარე