Guerra de Secesión
De Uiquipedia
La Guerra de Secesión o Guerra Civil Estaunidense foi un conflictu perimportante na historia de los Estaos Xuníos ente 1861 y 1865 onde s'enfrentaron les fuerces de los estaos del norte escontra los Estaos Confederaos d'América, que yeren 11 estaos del sur que reclamaben la so independencia. Entrambos bandos morrieron más de 635.000 persones.
Tabla de conteníos |
[editar] Causes
Tres mercar Luisiana a Francia, La Florida a España y anexonase Texas y Nuevu México na guerra escontra México, el territoriu controláu yera inmensu. Esto provocó graves problemes pa controlar los conflictos internos ensin qu'éstos desaniciaren el país.
Les polítiques contraries dafechu de los Estaos Norteños (basaes na industria, el comerciu y los intereses financieros) y la de los Estaos Sureños (basaes nel mantenimientu de les plantaciones algodoneres mediante el conservadurismu de la exclavitú), llevaron a grandes tensiones ente bandos.
La primera constitución foi creada col propósitu d'otorgar la máxima independencia ente Estaos, dexando muncho que desear pa resolver problemes interestatales.
La nueva Constitución afitada en principios federalistes dexó marxen pa la interpretación por ambos bandos hacia los sos postulaos.
Nel norte, col oxetivu de protexer les sos xóvenes industries de les industries europees, créanse los aranceles, imponiendo-yos éstos al sur, siendo una torga pergrande dichos aranceles pa la economía agraria sureña y tresformándose asina nuna nueva razón pal desencuentru.
La esclavitú quedó abolída nel norte ente 1781 y 1804, siendo ésti el motivu más importante pal desencadenamientu de la guerra ya qu'esta mano d'obra yera clave pal sistema económicu agrariu del sur.
Les incorporaciones de nuevos estaos facíense siguiendo un modelu de paridá, pa nun romper el fráxil equilibriu existente, pero cola incorporación de California y Nuevu México esta paridá rómpese a favor del Norte.
Na década de 1850 el camudamientu económicu repercutió enormemente nes polítiques, camudando el exe económicu Norte-Sur en otru Norte*Oeste-Sur. Esti nuevu exe fizo perder fuercia económica al Sur, aínda asina gozaba de gran vitalidá.
En 1857 la gran depresión económica del Norte, dio-y ales al Sur, camudando la so mentalidá, faciendo atalantar a éstos que'l so modelu económicu agrariu yera superior al del Norte.
En 1859 nel congresu yeren mayoría los abolucionistes.
L'admisión de Kansas (estáu esclavista), y el casu Dred Scott onde'l tribunal rechazó un casu d'un esclavu escontra l'amu, ofendió tremendamente a los abolucionistes. Éstos vieron que la Constitución nun daba autoridá al congresu pa abolir la esclavitú y según ésta los esclavos nun teníen derechos.
Tres los continuos ataques por grupos abolucionistes nel Sur, éstos tomaron la decisión unilateral de romper cola Xunión. El primer estáu en separtase foi Carolina del Sur, siguiendolu depues Mississippi, Florida, Alabama, Georgia, Louisiana, Texas, Virginia, Arkansas, Tennessee y Carolina del Norte proclamándose estau independiente baxo'l nome de Estaos Confederaos d'América entamando asina la guerra.
[editar] Bandos
Nel aniciu la guerra nun quedó bien delimitada la llínea que´stremaba un bandu d'otru, mas que los estaos alineábense dun u otru llau na vida cotidiana ésto nun yera tan fácil, lluchando xente de mentalidá abolucionista nel Sur por mor del so llugar de naciencia, o terratenientes suraños nel bandu de la Xunión a escontra de los sos intereses por mor d'un sagráu deber hacia la patria republicana y democrática. Siendo vezu usual families con soldaos n'ambos bandos.
Del llau de la Xunión la guerra plantegose como una cruzada por acabar col estáu confederáu ya qu'una salida pactada supondría de toes a toes una derrota, debíu al gran territoriu controláu pelos Confederaos ésto yera practicamente imposible.
Del llau Confederáu, sabiendo de la so inferioridá de tropes y d'armes plantegaben la guerra como una cuetión de supervivencia a la espera de ser reconocíos como nación internacionalmente, y desti mou esperar la intervención de les potencies europees.
[editar] El trescursu de la guerra
Al entamu la guerra los Confederaos contaben con unos 200.000 fusiles y armes de artillería provenientes de los saqueos de los fuertes federales, pero básicamente nun tenía industria armamentística alcontrándose ésta nel Norte, polo tanto dependíen del comerciu marítimu pa facese con armamentu, siendo consciente desto, la Xunión procedió a bloquiar los puertos Confederaos siendo amás superiores marítimamente.
La defensa terrestre basáronla en dos puntos la defensa de les llinees ferroviaries y la defensa de la capital Richmond, llueu trasladá a Montgomery.
La Confederación nació col propositu de la prevalización de les propies leyes de caún de los estaos miembros, siendo éstos básicamente independiente pa escoyer el so futuru, nesta política tuvo el so mayor enemigu por nun ser a plantegar una defensa común al enemigu.
Nel primer añu la Xunión algamó importantes victories en Estaos fronterizos permitiendo ésto llevar la guerra al coral mesmu del territoriu Confederáu.
Les tropes Confederáes teníen al mandau del so exércitu al xeneral Robert E. Lee. Con soldaos y mandos adriestraos pero inferiores en númberu. Formaron tropes auxiliares (les milicies populares), tando constituyíes por soldados-campesinos-guerrilleros usando táctiques de guerrilla, lluchando básicamente nos sos Estaos cola idega de defender les sos tierres a sabiendes que de ser derrotaos finaría el so mou de vida.
Les tropes Xunionistes taben formaes comu'n exércitu tradicional, intentando llevar la llucha a campu abiertu, si bien teníen ala escontra la inexperiencia de los sos oficiales, ya que la mayoría de los oficiales veteranos combatíen del bandu de Robert E. Lee.
En Mayu de 1861 tropes de la Xunión mandaes por Irwin McDowell avancen sobre Virginia col propósitu de alcontrase col exércitu Confederáu de Beauregard. Ambos bandos carecíen de experiencia, produciéndose una gran confusión al ser tan parecíes les banderes asina polos collores tan varios dentro d'un mesmu exércitu(Azul, el verde de los Tiradores de Precisión, el roxu de los Zuavos de Nueva York), la batalla si bien diba a favor de la Xunión al entamu torciose encuantu toparon coles tropes del míticu “Stonewall” Jackson siendo derrotaes el 21 de Xunetu na batalla de Bull Run. Tres desta derrota McDowell foi sustituyíu per George B. McClellan siendo ésti nomáu comandante del Exércitu del Potomac.
Nel teatru naval la táctica del bloqueu nun dio resultau fasta 1863 siendo míticu'l enfrentamientu ente El Monitor (Unión) y El Merrimac (Confederación), siendo ésti el primer enfrentamientu ente buques acorazáos.
En 1862 el exércitu de Potomac avanzó ente los ríos James y York cola intención de sitiar Richmond. Na batalla de Fair Oaks y Seven Pines (31 de mayu-1 de xunu) repelió un ataque Confederáu del cual resultó feríu Joseph E. Johnston que mandaba a los Sureños, siendo ésti sustituyíu nel mandu por Robert E. Lee. Lee previendo la inferioridá numbérica fizo que les tropes de “Stonewall” Jackson cruzasen el Potomac comu maniobra de distracción, la cuala salió perfecta al nega-y a McClellan el altu mandu Xunionista los refuerzos que precisaba pa tomar Richmond.
Ente los díes 25 de Xunu y 1 de Xunetu les tropes de Lee apoyaes poles de Jackson enfrentáronse a les tropes Xunionistes de McClellan cerca de Richmont si bien el resultáu foi inciertu les tropes de McClellan tuvieron de retirase evitando asina que sitiaren Richmont.
McClellan conservó'l mandu del exércitu del Potomac si bien Lincoln descontentu con ésti dio-y el mandu del nuevu exércitu de Virginia al xeneral John Pope que algamase ya dalguna victoria nel Oeste.
El 30 d'agostu na segunda batalla de Bull Run les tropes Confederaes vencieron a les de la Xunión, faciendo replegase a éstes sobre Washington, un nuevu xeneral Xunionista John Pope foi sustituyíu, y ye que les fuercies Xunionistes nun lleren a vencer a Lee.
Lee garrando por sorpresa a la Xunión presentose en Maryland con 50.000 homes, queriendo algamar con ésto el reconocimientu de la Confederación polos estaos Europeos.
Nel Oeste una contraofensiva Confederada anula la llabor de Grant que algamase victoria tras victoria hasta aquel momentu, los Confederaos aseguraron Kentucky y pretendíen tomar Ohio.
Mientres Lee pretendía ganar Maryland pa la Confederación, de algamalo cortaria les comunicaciones ente Washington y el Norte y desti mou podríen atacar Filadelfia o Baltimore, de llograr ésto practicamente hubiesen ganao la guerra.
Na batalla de Antietam, McClellan detien el avance de Lee, asina y too McClellan ye sustutuyíu por nun perseguir a Lee,el so sucesor foi Ambroise E. Burnside. Con esta victoria Lincoln decidiose a firmar el acta d'emancipación de los esclavos.
A fin d'añu Ambroise E. Burnside reinició el ataque sobre Richmond siendo derrotáu na batalla de Fredericksburg, en Virginia, siendo tamién destitiyíu por Lincoln siguiendo cola so política de tiesta per derrota.
Nel Oeste el panorama pa la Xunión yera totalmente contrariu ya que el xeneral Ulysses S. Grant capturó Fort Henry y Fort Donelson cola ayuda de la marina, colo que tuvo campu llibre pa marchar sobre Mississippi.
Les tropes de la Xunión derrotaron a les Confederaes en Pea Ridge, Arkansas, colo que controlaben tamién Missouri
Na batalla de Siloh, Grant vuelve a derrotar a los Confederaos que pretendíen formar una nueva llinea defensiva nel Mississippi.
En Xunu de 1862 la Xunión controlaba practicamente tou Tennessee y el sur del Mississippi fasta Memphis.
N'una estratexia combiná les fuercies Xunionistes marcharon al norte del Missisipi y xunto a les fuercies navales del capitán David Glasgow Farragut rompieron les fuercies Confederáes y tomaron Nueva Orleans.
El xeneral Confederau Braxton Bragg enfrentose al Xunionista Buell na batalla de Chattanooga (Tennessee) con resultau inciertu.N'avientu Braxton Bragg enfrentase na batalla de Murfreesboro (Tennessee) con William S. Rosencrans que yera'l sustitutu de Buell, venciendo los Xunionistes, obligando a replegase a los Confederaos.Mientres Grant prepárase pal asaltu a Vicksburg (Mississippi), últimu bastión confederau nel Oeste.
Nel Este el xeneral Joseph Hooker, quiso invertir la situación derrotista de la Xunión y decidió atacar en Fredericksburg con 130.000 homes baxo el so mandu, pero una fuercia combina de les tropes de Lee y Jackson derrotaronlu na batalla de Chancellorsville (Virginia), col altu preciu pa la Confederación de la muerte de Jackson a manes de les sos propies tropes.
Lee tomando la iniciativa tresládase al norte col so exércitu, asitiándose en Pennsylvania, cortando les llinies de comunicación de Washington, intentando forzar un acuerdu con Abraham Lincoln.
En Xunu el exércitu de Lee (75.000 ánimes), enfrentose al exércitu de Potomac(85.000 ánimes) de nueu, mandau agora pel xeneral George Meade, na famosa batalla de Gettysburg (1-3 de Xunetu de 1863), Pennsylvania. Lee salió derrotau desta batalla perdiendo la mitá los sos homes.
Mientres nel Oeste Grant asedió Vicksburg durante tres meses, y el 4 de Xunetu, un dia depués de la derrota de Lee en La batalla Gettysburg, la guarnición Confederada rindiose.Llogrando desti mou dixebrar la Confederación en dos.
Na seronda de 1863 Rosencrans toma Chattanooga col so exércitu de 55.000 homes, anque llueu foi derrotau pelos homes de Bragg. Grant col mandu absolutu de la Xunión, expulsa a los Confederaos del Oeste de Tennessee, Alabama y Georgia. Sustituyendo a Rosencrans por George H. Thomas atacó col exércitu de Cumberland, Chattanooga, durando la batalla tres dies expulsando ala fin al exércitu Sureñu, retirándose ésti'n desbandá.
Tres la derrota de Gettysburg yla dixebración delos Estaos Confederaos en dos, el conflictu púsose a favor claramente del Norte.
Grant convirtiéndose ya en comandante en xefe de tou l'exércitu de la Xunión y decidió dar otru reves al Sur, con un ataque conxuntu coles tropes de Meade enfrentose a Lee nel Norte de Virginia, pa depués avanzar sobre Richmond. Mientres Sherman avanza dende Chattanooga adentrándose en Georgia y tomando Atlanta, otru exércitu comandau por Philip Sheridan corta les llinies de suministru a Lee.
Tres una serie de escaramuces, Grant sitió Petersburg ciudá de la que se abastecía Lee, la guerra entró n'una fase de guerra de trincheres, la Confederación tuvo que dixebrar los abastecimientos ente Lee y Joseph Johnston, lo cual implicó que'l exércitu de Sherman avanzase hacia la mar con mayor facilidá.
El intentu de reconquistar Atlanta pol exércitu Confederau de John Bell Hood fracasó y con él la resistencia Sureña nel Oeste. N'avientu d'esi añu Sherman incendió Atlanta, avanzando y arrasando Georgia al so pasu. Tomó Savannah enantes de Navidá y adentrose en Carolina ensin oposición Confederada. N'abril de 1865 Mobile, Selma y Montgomery ya taben en manes Xunionistes.
Tres l'avance de Sheridan los exércitos desti y de Grant xuntaronse pa realizar l'ataque definitivu a Lee. Grant apoderose de les llinies del ferrocarril qu'abatecíen a los Confederaos, polo cual los Sureños viéronse obligaos a dexar Petersburg y Richmond, Lee avanzó hacia l'oeste pretendiendo xunise con Joseph Johnston en Carolina, pero l'exércitu de Grant interceptolu en Appomatox(Virginia), Lee rindió les sos fuercies a Grant. Tras la rendición de Lee el resto de los exércitos Confederaos cayeron tres d'el.
[editar] Posguerra y les sos consecuencies
La guerra movilizara más de cuatro millones de persones de les cuales un millón fueron muertos o feríos. Inmensos territorios sureños fueron arrasaos polos exércitos o polos esclavos emancipaos. El coste económicu de la guerra foi de 4 millones de dólares pa los Estaos Confederaos y de 16 millones pa los Federales. Esta guerra marcó a fueu a les siguientes xeneraciones sobremou nel sur.
