Naruto
Mula sa Tagalog Wikipedia, ang malayang ensiklopedya.
Ang Naruto (Hapon: ナルト) ay isang manga ni Masashi Kishimoto at ang adaptasyon nitong anime-teleserye na tungkol sa isang madaldal at makulit na binatilyong ninja na nagngangalang Uzumaki Naruto na paulit-ulit na naghahanap ng pagtanggap at pagkilala.
Una itong nailathala ng Shueisha sa Japan sa ika-43 isyu nito noong 1999 ng Shonen Jump magasin. Sa ngayon mayroon nang 30 bolyum ng manga na nailathala na sa bansa.
Mga nilalaman |
[baguhin] Buod
Labindalawang taon bago maganap ang mga pangyayari na pokus ng serye , ang Kyūbi no Yōko (Ang Demonyong Lobong May Siyam na Buntot) – ay umatake sa Konohagakure, ang tagong bayan ng dahon. Isa nga siyang malakas na demonyo; ang hampas ng kahit isang buntot ng Nine-Tails ay pwedeng makagawa ng tsunami at makapipi ng mga bundok. Ito ay nagsimula ng kaguluhan at pumatay ng mga tao, hanggang sa ang pinuno ng Konoha – ang Ikaapat na Hokage – ang tumalo dito sa pamamagitan ng pagsasakripisyo ng kanyang sariling buhay para makulong ang Kyūbi sa loob ng isang sanggol.
Ang pangalan ng bata ay Uzumaki Naruto.
Ang Ikaapat na Hokage ay nakilala bilang isang bayani dahil sa kanyang pagkulong ng Demonyong Lobo, at gusto rin niyang makilala si Naruto bilang bayani dahil sa pagiging kulungan niya sa Demonyong Lobo. Pero ang kinalakihang bayan ni Naruto ay may hinanakit sa kanya dahil sa delubyong naranasan ng mga tao sa harap ng mismong demonyo na nabubuhay sa loob ng katawan ni Naruto.
Pinagbawalan ang ibang nakatira sa bayan na pagusapan at i-kwento ang pangyayari sa sinuman, kahit sa kanilang mga anak. Pero hindi ito pumigil sa kanila na ituring si Naruto na taong desterado. Kahit hindi alam ng kanilang mga anak kung bakit itinatrato si Naruto sa ganoong paraan, sa halimbawa nila natutunang dustain siya, lumaki si Naruto bilang isang ampon sa isang nakalulungkot na lugar na wala man lamang kaibigan o pagkikilala. Hindi niya naibalik ang kanyang mga magulang o ipuwersa ang maga tao na kaibiganin siya, kaya nakakuha siya ng atensyon sa mga inutil na gawain - pambibiro at kapilyuhan. Pero yan ay magbabago. Haharapin niya ang eksameng pagtatapos sa Akademyang Pang-ninja - ang daan sa mga pangyayari't tao na magbabago at huhubog sa mundo at ang pagiging ninja habangbuhay.
[baguhin] Pag-ere sa Japan
Ang seryeng pantelebisyon na Naruto ay unang ipinalabas sa Japan noong Oktubre 3, 2002 sa TV Tokyo sa tulong ng Studio Pierrot. Ito ay nasa wikang Hapon. Mayroon nang higit sa 155 na kabanata ang naipalabas na roon.
[baguhin] Pag-ere sa Pilipinas
Sumunod naman ang Pilipinas sa pagpapalabas ng Naruto sa pamamagitan ng ABS-CBN. Ito naman ay nakasalin sa wikang Tagalog. 157 mula sa higit sa 170 na kabanata ang naipalabas dito. Ang programa ay unang lumabas sa ABS-CBN noong March 1, 2004 pero panandaliang pinalitan ng Tokyo Underground noong June 21, 2004 dahil sa ilang problema. Sinimulan uli ang palabas noong March 7, 2005 at tuloy-tuloy na ipinapalabas hanggang ngayon.
Ang programa ay binigyan ng rating na PG (Parental Guidance o nangagailangan ng gabay ng magulang), isang karaniwang rating para sa mga anime na ipinapalabas sa Pilipinas, pero ito ay nagbibigay ng babala bago magsimula ang palabas na ang programa'y naglalaman ng ilang tema na hindi angkop para sa mga bata. Ito ay nakaskedyul na magpalabas mula Lunes hanggang Biyernes, 5:30 - 6:00 ng hapon (lokal na oras sa Maynila, GMT +8).
Natapos muli ang pag-eere ng Naruto sa ABS-CBN noong ika-21 ng Abril, 2006, sa kalagitnaan ng paghuli ni Naruto at grupo ni Gai (Rock Lee, Neji, Tenten) kay Raiga. Pinalitan ito ng Yakitate!! Japan, isang anime tungkol sa tinapay.
Ito ay pinapalabas na rin sa katangi-tanging Tagalog anime channel, ang Hero TV sa mga piling oras. Hindi sila sabay na nagpalabas ng parehong kabanata sa ABS-CBN.
[baguhin] Tagalog Cast
Ang impormasyong ito ay galing sa Anime News Network.
Direktor ng Pag-du-dub: Roni Abario
| Si... | Bilang... |
|---|---|
| Blair Arellano | Uzumaki Naruto, Maito Gai |
| Katherine Masilungan | Sakura Haruno, Hinata Hyuuga, Anko Mitarashi |
| Alejandro Lim | Sasuke Uchiha, Iruka Umino |
| Bernardo Malejana | Rock Lee |
| Ana Fe Marasigan | Tenten |
| Grace Raymundo | Tsunade, Temari |
| Ron Matias | Gaara |
| Yeyet Masangcay | Kakashi Hatake, Shikamaru Nara |
| Erwin Jason Mendoza | Neji Hyuuga |
| Jose Amado Santiago | Chouji Akamichi, Orochimaru |
| Mark Gutierrez | Kiba Inuzuka, Sarutobi/Ikatlong Hokage |
| Marvi Medina | Inari, Ino Yamanaka, Kurenai Yuuhi |
| Marvin Aquino | Itachi Uchiha, Zaku |
| Rhoel Thaddeus Mangulabnan | Zabuza |
| Roni Abario | Haku, Itachi Uchiha (4th Season), Yashamaru, Neji Hyuuga (5th Season) |
| Ruel Juanta | Shino Aburame |
| Tony Malejana | Konohamaru |
[baguhin] Japan Cast
- Junko Takeuchi bilang Uzumaki Naruto
- Noriaki Sugiyamabilang Uchiha Sasuke
- Chie Nakamura bilang Haruno Sakura
- Akira Ishida bilang Gaara
- Souichiro Hoshi bilang Yashamaru
- Romi Paku bilang Temari
- Ikuo Ohtani bilang Konohamaru
[baguhin] Pag-ere sa Amerika at Canada
Sumunod rin ang Amerika sa pagpapalabas nito sa pamamagitan ng Toonami na timeslot ng Cartoon Network simula noong Setyembre 10, 2005. Pagkatapos ng anim na araw, ipinalabas din ito sa bansang Canada sa pamamagitan ng Bionix na timeslot ng YTV. Ang parehong broadcast ay nakasalin sa wikang Ingles. Pareho rin silang naka-rating na PG, gaya nang sa Pilipinas.
[baguhin] Panlabas na link
PAALALA: Ang mga external na link na ito ay nasa wikang Ingles. Sa ngayo'y wala pang external na link ng Naruto na nasa wikang Tagalog.
