పొన్నూరు
వికీపీడియా నుండి
| పొన్నూరు మండలం | |
|---|---|
 |
|
| జిల్లా: | గుంటూరు |
| రాష్ట్రము: | ఆంధ్ర ప్రదేశ్ |
| ముఖ్య పట్టణము: | పొన్నూరు |
| గ్రామాలు: | 19 |
| విస్తీర్ణము: | చ.కి.మీ |
| జనాభా (2001 లెక్కలు) | |
| మొత్తము: | 123.06 వేలు |
| పురుషులు: | 61.81 వేలు |
| స్త్రీలు: | 61.25 వేలు |
| జనసాంద్రత: | / చ.కి.మీ |
| జనాభా వృద్ధి: | % (1991-2001) |
| అక్షరాస్యత (2001 లెక్కలు) | |
| మొత్తము: | 71.91 % |
| పురుషులు: | 78.34 % |
| స్త్రీలు: | 65.48 % |
| చూడండి: గుంటూరు జిల్లా మండలాలు | |
పొన్నూరు (Ponnuru), గుంటూరు జిల్లాలోని ఒక చారిత్రక పట్టణము. ఇదేపేరిట గల మండలానికి కేంద్రం కూడా. పూర్వము పొన్నూరు స్వర్ణపురి (బంగారు భూమి) అని పిలవబడేది. గుంటూరు నగరానికి 29 కి మీ ల దూరంలో గుంటూరు, చీరాల రాష్ట్ర రహదారిపై ఉన్నది. చెన్నై-కోల్కతా రైలు మార్గం ఈ పట్టణం గుండా పోతుంది.
విషయ సూచిక |
[మార్చు] పట్టణ విశేషాలు
ప్రసిద్ధి చెందిన భావనారాయణ స్వామి గుడి పొన్నూరులో కలదు. ఇక్కడి ఆంజనేయస్వామి గుడి గుడిలోని 30 అడుగుల ఎత్తు హనుమంతుని విగ్రహము వలన చాలా ప్రసిద్ధికెక్కినది. పొన్నూరు ఒక శాసనసభ నియోజకవర్గ కేంద్రము. గుంటూరు జిల్లా లోని ముఖ్య పురపాలక సంఘాలలో ఒకటి. నిడుబ్రోలు పొన్నూరును ఆనుకుని ఉన్న ఒక ప్రముఖ గ్రామం. ఒకదానితో ఒకటి కలిసిపోయి ఒకే పట్టణం వలె అనిపిస్తాయి. రైల్వే స్టేషను నిడుబ్రోలు పేరిటే ఉంటుంది. అలాగే చుట్టుపట్ల ఉన్న ఎన్నో వ్యవసాయ ఆధారిత గ్రామాలకు పొన్నూరు కేంద్రంగా ఉన్నది.
ప్రముఖ గాంధేయవాది, స్వాతంత్ర్య సమర యోధుడు, పూర్వ కేంద్ర మంత్రి, స్వర్గీయ ఎన్‌జీ రంగా (గోగినేని రంగనాయకులు) పొన్నూరునే కార్యస్థలంగా చేసుకుని తమ కార్యక్రమాలు నిర్వహించే వారు. ఆంధ్ర ప్రదేశ్ వ్యవసాయ విశ్వవిద్యాలయానికి వీరి పేరిటే ఆచార్య ఎన్‌జీ రంగా వ్యవసాయ విశ్వ విద్యాలయము అని పేరు పెట్టారు.
స్థానికంగా మంచి వ్యాపార కేంద్రంగా పొన్నూరు ప్రసిద్ధి చెందింది. చుట్టుపక్కల గల గ్రామాల నుండి వచ్చే వ్యవసాయ ఉత్పత్తులు పొన్నూరు ద్వారానే ఇతర ప్రాంతాలకు తరలుతూ ఉంటాయి. ధాన్యం, తమలపాకులు, అరటి పళ్ళు, కూరగాయలు మొదలైనవి ఈ ఉత్పత్తులలో ప్రముఖమైనవి. కృష్ణా నదిపై విజయవాడ వద్ద గల ప్రకాశం బారేజి నుండి పొన్నూరుకు, చుట్టుపక్కల గ్రామాలకు బకింగ్‌హాం కాలువ ద్వారా సాగు నీరు సరఫరా అవుతుంది.
ప్రముఖ చారిత్రక స్థలాలైన చేబ్రోలు, చందోలు (చందవోలు) పొన్నూరుకు సమీపంలో ఉన్నాయి. బాపట్ల పట్టణం 19 కి మీ ల దూరంలో ఉన్నది.
[మార్చు] రవాణా వివరాలు
పొన్నూరు పట్టణం తోపాటు మండలం కూడా మంచి రవాణా వ్యవస్థ కలిగిఉంది. పట్టణం గుంటూరు-బాపట్ల-చీరాల రాష్ట్ర రహదారిపై ఉండటం చేత దూర, సమీప ప్రాంతాలతో చక్కని సంధానం కలిగిఉంది. ఆంధ్ర ప్రదేశ్ రాష్ట్ర రోడ్డు రవాణా సంస్థ యొక్క డిపో పొన్నూరు పట్టణంలో ఉండటంచేత పొన్నూరు, చుట్టుపక్కల గ్రామాలకు మంచి రవాణా వ్యవస్థ ఏర్పడింది.
చెన్నై-కోలంకతా ప్రధాన రైలుమార్గం పట్టణం గుండా పోతుండడం వలన రైలు సౌకర్యం కూడా బాగా ఉంది.
[మార్చు] మండల వివరాలు
అత్యధిక భాగం గ్రామీణప్రాంతమైన ఈ మండలంలో పొన్నూరు పట్టణంలోని 25 వార్డులు కూడా కలిసిఉన్నాయి. మండలం మొత్తం జనాభాలో పట్టణప్రాంత జనాభా 47%. ఆర్ధికవ్యవస్థ వ్యవసాయ ఆధారితము.
[మార్చు] మండలంలోని గ్రామాలు
పొన్నూరు, జూపూడి, బ్రాహ్మణ కోడూరు, వెల్లలూరు, మామిళ్ళపల్లి, ఆరెమండ, దండమూడి, మునిపల్లె (పొన్నూరు మండలం), పచ్చలతాడిపర్రు, దొప్పలపూడి, మన్నవ, ఉప్పరపాలెం, కొండముది, జడవల్లి, వడ్డెముక్కల, చింతలపూడి (పొన్నూరు మండలం), వల్లభరావుపాలెం,పెదపాలెం నండూరు, ములుకుదురు
[మార్చు] గుంటూరు జిల్లా మండలాలు
మాచెర్ల | రెంటచింతల | గురజాల | దాచేపల్లి | మాచవరం | బెల్లంకొండ | అచ్చంపేట | క్రోసూరు | అమరావతి | తుళ్ళూరు | తాడేపల్లి | మంగళగిరి | తాడికొండ | పెదకూరపాడు | సత్తెనపల్లి | రాజుపాలెం(గుంటూరు) | పిడుగురాళ్ల | కారంపూడి | దుర్గి | వెల్దుర్తి(గుంటూరు) | బోళ్లపల్లి | నకరికల్లు | ముప్పాళ్ల | ఫిరంగిపురం | మేడికొండూరు | గుంటూరు | పెదకాకాని | దుగ్గిరాల | కొల్లిపర | కొల్లూరు | వేమూరు | తెనాలి | చుండూరు | చేబ్రోలు | వట్టిచెరుకూరు | ప్రత్తిపాడు | యడ్లపాడు | నాదెండ్ల | నరసరావుపేట | రొంపిచెర్ల | ఈపూరు | శావల్యాపురం | వినుకొండ | నూజెండ్ల | చిలకలూరిపేట | పెదనందిపాడు | కాకుమాను | పొన్నూరు | అమృతలూరు | చెరుకుపల్లి | భట్టిప్రోలు | రేపల్లె | నగరం | నిజాంపట్నం | పిట్టలవానిపాలెం | కర్లపాలెం | బాపట్ల
