Leonardo da Vinci

Frå Wikipedia – det frie oppslagsverket

Leonardo da Vinci

Leonardo da Vinci (15. april 1452 – 2. mai 1519) er eit av dei mest kjente universalgenia i verda, og han markerte seg som mellom anna ingeniør, anatom, målar, bilethoggar, musikar, arkitekt, zoolog, filosof, astronom, og paleontolog.

Han vart fødd utanfor ekteskap den 15. april 1452, i småbyen Vinci nær Firenze i Italia, og skal alt som ung ha vist lovande talent. Far hans, advokaten Ser Piero da Vinci, innsåg sønnen sin overlag store intelligens, og sendte han i ca. 1466 til Firenze for å studere som lærling under målaren og bilethoggaren Andrea del Verrocchio. Der utvikla han fort sin eigen målarstil, ein stil karakterisert av subtile fargar og diffuse skyggar.

Leonardo da Vinci reiste i ca. 1482 til Milano, der hertugen av Milano tok han inn som målar og ingeniør. Her fullførte han seks måleri, og vart òg konsultert om arkitektur og militære forhold. Det var i denne perioden at Leonardo da Vinci fekk interesse for geometri, og han fann etter kvart blant anna fleire metodar for å kvadrere ein sirkel. Han skreiv òg ei bok om den elementære teorien i mekanikk, og ho vart gjeve ut i ca. 1498.

Da nokre pergament vart funne i Paris i 1957 vart det sagt at Leonardo da Vinci var medlem av Sions priori og så stormeister. Dokumenta har seinare vorte avslørt som falskneri, produsert av ein person knytta til prioriet.

Leonardo sitt mest berømte studium av den menneskelege anatomien

Etter overfallet frå franskmennene i 1499 flytta han tilbake til Firenze, og ikkje lenge etter, i perioden 1503–1506, måla han det som skulle bli eit av dei mest kjente måleria i verda, nemleg Mona Lisa.

Dan Brown har bruka Leanardo da Vinci som bakgrunnsmateriale for bestseljaren sin Da Vinci-koden, der m.a. den påståtte bakgrunnen hans i sion-ordenen er skildra.