Sünn
From Wikipedia
 |
Dit Woort hett noch annere Bedüden, kiek dorför ünner Sünn (Religion). |
De Sünn is de Steern, üm den de Eer un de annern Planetens vun dat Sünnsystem sick dreihn.
De Sünn is veel grötter as de Eer, man as Steern is se lütt. Se liggt op een vun de büteren Arms vun de Melkstraat, wat een Galaxie in dat Universum is.
Dat de Sünn lücht, dat kümmt dorvun, dat de Sünn as een Fusionsreaktor funktschoneert. De Sünn besteiht to'n gröttsten Deel ut Waterstoff un Helium. De Waterstoff (nipp un nau seggt, dat swore Isotop Tritium) reageert to Helium. Un dorbi ward Masse in Energie ümsett. Bannig veel Energie. Und düsse Energie, de as Hitt un Licht dör den Weltruum geiht, mookt denn ook uns Eer un de annern Planetens warm un hell.
