Таската Серски
Од Википедија, слободна енциклопедија
Таската Серски во 1876 година во село Врања, Мелничко. Крстеното му име е Атанас Спасов. Завршил педагошко училиште во Сер. Неколку години работи како учител. Од рано се вклучува во револуционерните борби. Четник на Јане Сандански. Близок соработник на Гоце Делчев, бил учесник во борбата кај селото Баница, Серско, кога загинува Гоце. Голем противник на врховизмот и соидејник на Јане Сандански. По Илинденското востание е околијски војвода на чета во Серскиот револуционен округ и член на окружниот комитет. Зема учество во Младотурската револуција. Активист на Народната федеративна партија, во 1910 г. избран за член на Централното раководство на НФП (заедно со д-р Х.Тенчев, Д.Мирасчиев, Ч.Кантарџиев и А.Бујнов). За време на Првата Балканска војна е војвода на чета, заедно со Јане Сандански и останатите војводи влегуваат во Солун пред настапуването на бугарските единици, како претходница на бугарската коњаница. По војните живее како емигрант во Бугарија. Убиен од припадници на ВМРО во 1923, на операционата маса при операција на слепото црево од проф. Александар Станишев.
