Zuud-Korea

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.

Zuud-Korea


Officieel taol	Koreaans
Hoofstad	Seoul
Staotsvörm	Rippebliek (democratie)
Staotshoof	Roh Moo-Hyun (sins 2002)
premier	Lee Hae-Chan
Groondgebeed % water	99.274 km² 0,3%
Einwoeners	48,4 miljoen
Munt	Won
Tiedzaone	UTC +9
Nationale fiesdaag	15 augustus
Volkshymne	Aegukga
Landcode	KOR
TLD	.kr
Tillefoon	+82

Zuud-Korea, officieel de Rippebliek Korea (Koreaans 대한 민국, Daehan Minguk) is e land in Oos-Azië wat 't zuidelik deil vaan 't sjiereiland Korea besleit. 't land grèns in 't noorde aon Noord-Korea en is wijers aon drei kante door zie umgeve. Hoofstad is Seoul, ander groete stei (mèt d'n officiële status vaan metropool) zien Busan, Daegu, Incheon, Gwangju, Daejeon en Ulsan.

[bewirk] Administratief indeiling

De hoofstad (teukbyeolsi) Seoul en de zes ander metropole (gwangyeoksi, zuug bove bij de inleiing) vörme eige besteurlike einhede, die oonaofhenkelik zien vaan de neuge provincies (do) boe-oet de res vaan 't land besteit. De provincies zien:

Gyeonggi
Gangwon
Noord-Chungcheong
Zuud-Chungcheung
Noord-Jeolla
Zuud-Jeolla
Noord-Gyeongsang
Zuud-Gyeongsang
Jeju

[bewirk] Historie

Korea bestoont tot 't ind vaan d'n Twiede Wereldoorlog es ei land; zuug daoveur Korea.

Nao de Japanse capitulatie verdeilde de Vereinegde State en de USSR 't land in twie stökker; de Sovjetlegers zouwe tot aon de 38e breidegraad marsjere en in 't gebeed te zuide daovaan zouwe de Amerikane hun bezèttingsmach vestege. In 1948 woorte twie regeringe, 'n communistische en 'n vrijemerretregering, in 't zaodel gezat. In juni 1950 kaom 't tot 'nen oorlog, de Koreaansen Oorlog. Nao aonvenkelike successe vaan de communiste (die gesteund woorte neet allein door de USSR, meh ouch door de kortbij Volksrippebliek Sjina) kaome de Zuidkoreane trök, aongevuld mèt legers oet Europese len, boeoonder Nederland en 't Belsj. eteindelik woort in 1953 e stop-'t-veure aofgeslote, wat de facto 't ind vaan d'n oorlog beteikende, al is de vrei tösse de bei len noets geteikend.

In de jaore daonao kaom Zuud-Korea oonder 'n autocratisch beweend, wat iers nog ikkenomisch bij Noord-Korea achterleep, meh vaanaof de late jaore zesteg dit land inhaolde en 'n ikkenomische groetmach ("tieger") woort. Nao 'ne coup in 1980 kaome sociaal oonröste op geng, die oeteindelik leide tot de inveuring vaan de democratie in 't land. De president Kim Dae-Jung, dee vaan 1998 tot 2002 in functie waor, brach mèt de Zonnesjijnpolletiek de doej mèt naoberland Noord-Korea op geng, meh slaogde neet in echte touwnaodering, ouch al umtot ziene Noord-Koreaanse collega Kim Jong Il weineg tot niks touwgaof en -gif. Heer woort bij zien aoftrejje in 2002 opgevolg door de get rechlienegere Roh Moo-Hyun, dee zien zonnesjijnpolletiek neet veurzètde.

Len in Azië
Afganistan \| Armenië² \| Azerbaidzjan¹ \| Bahrein \| Bangladesj \| Bhoetaan \| Börma \| Broenai \| Cambodja \| Cyprus² \| Filipiene \| Georgië² \| India \| Indonesië \| Iraan \| Irak \| Israël \| Japan \| Jeme \| Jordanië \| Katar \| Kazachstan \| Kirgizië \| Koeweit \| Laos \| Libanon \| Maledive \| Maleisië \| Mongolië \| Nepal \| Noord-Korea \| Oesbekistan \| Omaan \| Oos-Timor \| Pakistan \| Palestiense Staot \| Papoea Nuuj-Guinea \| Rösland¹ \| Saoedi-Arabië \| Singapore \| Sjina³ \| Sri Lanka \| Syrië \| Tadzjikistan \| Thailand \| Törkieë \| Turkmenistan \| Vereinegde Arabische Emirate \| Viëtnam \| Zuud-Korea
Aafhenkelike gebejer: Akrotiri en Dhekelia² \| Gazastrook \| Hong Kong \| Makau \| Westelike Jordaanover
Status betwis: Palestiense Staot \| Sjina (nationalistisch) \| Sjina (volksrippebliek) \| Törks Cyprus
1. Dit land ligk gedeiltelik in Europa. 2. Dit land ligk geografisch in Azië, meh weurt óm cultureel en historische raejes bie Europa ingedeild. 3. Sins 1949 oonder twie regeringe verdeild.