Libanon
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
Libanon | |
Officieel taol | Arabisch, Frans |
Hoofstad | Beiroet |
Staotsvörm | Rippebliek |
Staotshoof | Émile Lahoud (sins 1998) |
premier | Najib Mikati |
Groondgebeed % water |
10.452 km² 1,6% |
Einwoeners | 3,8 miljoen |
Munt | Libanees poond (LBP) |
Tiedzaone | UTC +2 |
Nationale fiesdaag | 22 november |
Volkshymne | Kulluna Lilauatân Lil Ûla Lil Alâm |
Landcode | RL |
TLD | .lb |
Tillefoon | +961 |
Libanon is 'n Aziatisch land in 't Kortbij Ooste, aon de Middellandse Zie. In 't noorde en ooste weurt 't begrèns door Syrië, in 't zuide door Israël. De hoofstad is Beiroet, de twiede stad is Tripoli. De ceder is de nationale boum vaan Libanon, trök te veende in 't blazoen en de vlag.
[bewirk] Administratief indeiling
Libanon is ingedeild in zes gouverneursjappe en 25 distrikte. De gouverneursjappe zien:
- Beiroet
- Libanonberg
- Noord-Libanon
- Beqaa
- Zuud-Libanon
- Nabatjah
[bewirk] Historie
Libanon waor in de ajdheid 't toesland vaan de Feniciërs, e zievaorend Semitisch volk. Oonder de Achaemenide vereuverde de Perze 't gebeed, en maakde e satrapie devaan. Ouch Alexander de Groete vereuverde 't, mèt meujte, en vaanaof de ierste iew veur Christus waor 't Roemeins. In de zevende ieuw brachte de Arabiere d'n islam, dee ziech in dit christelik gebeed mer koelik verspreide. Nao de ierste en derde Kroestochte woorte hei Kroesvierdersstaote gestiech. In de zestiende ieuw vereuverde de Osmaanse Törke 't land, dat oonder Törkse regering blaof tot 't nao d'n Ierste Wereldoorlog aon Frankriek touwgeweze woort. Frankriek blaof tot 1943 't land kolonisere.
Vaanaof 1975 braoke versjeie börgeroologe oet tösse de versjèllende religieuze grope. Syrië mingde ziech vaanaof 1976 intens in 't land en Israël veel in 1978 't zuide vaan 't land binne, um ziech 'tzelfde jaor wier trök te trèkke. Vaan 1982 hoolt Israël dit gebeed laankdoreg bezat um de PLO droet te hawwe. In 1989 hoolt d'n oorlog, door intense oonderhandelinge binne de Arabische Liga, op mèt e vreisakkoord. In 2000 trok Israël zien lèste trope trök. Daomèt waor de Syrische aonwezegheid ouch euverbojeg en de oonvrei euver hun bemeujenis naom touw. In 2005 woort nao e paar bleujeg attentate op anti-Syrische politici de Cederrevolutie voltrokke, die de mach vaan Syrië braok en 't laand dwong al zien trope trök te trèkke.
Len in Azië |
---|
Afganistan | Armenië2 | Azerbaidzjan1 | Bahrein | Bangladesj | Bhoetaan | Börma | Broenai | Cambodja | Cyprus2 | Filipiene | Georgië2 | India | Indonesië | Iraan | Irak | Israël | Japan | Jeme | Jordanië | Katar | Kazachstan | Kirgizië | Koeweit | Laos | Libanon | Maledive | Maleisië | Mongolië | Nepal | Noord-Korea | Oesbekistan | Omaan | Oos-Timor | Pakistan | Palestiense Staot | Papoea Nuuj-Guinea | Rösland1 | Saoedi-Arabië | Singapore | Sjina3 | Sri Lanka | Syrië | Tadzjikistan | Thailand | Törkieë | Turkmenistan | Vereinegde Arabische Emirate | Viëtnam | Zuud-Korea |
Aafhenkelike gebejer: Akrotiri en Dhekelia2 | Gazastrook | Hong Kong | Makau | Westelike Jordaanover |
Status betwis: Palestiense Staot | Sjina (nationalistisch) | Sjina (volksrippebliek) | Törks Cyprus |
1. Dit land ligk gedeiltelik in Europa. 2. Dit land ligk geografisch in Azië, meh weurt óm cultureel en historische raejes bie Europa ingedeild. 3. Sins 1949 oonder twie regeringe verdeild. |