Laos
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
Laos | |
Officieel taol | Laotiaans |
Hoofstad | Vientiane |
Staotsvörm | Volksrippebliek |
Staotshoof | Khamtai Siphandon (sins 1998) |
premier | Boungnang Vorachith |
Groondgebeed % water |
236.800 km² 2% |
Inwoeners | 6,1 miljoen |
Munt | Kip (LAK) |
Tiedzaone | UTC +7 |
Nationale fiesdaag | 19 juli |
Volkshymne | Pheng Xat Lao |
Landcode | LAO |
TLD | .la |
Tillefoon | +856 |
Laos is e land in Zuidoos-Azië, in Achter-Indië. 't Grèns aon Vietnam, Thailand, Cambodja, Börma en Sjina. Hoofstad is Vientiane, ander stei zien Savannakhet, Pakse en Luang Prabang. Door Laos struimp de Mekong. Laos is veural in 't naorde hendeg bergachteg en is in verglieking mèt naoberland Vietnam dunbevolk.
[bewirk] Administratief indeiling
Laos is ingedeild in 16 provincies, ein zelfstandeg gemeinte (*) en ei speciaol gebeed (**).
|
|
[bewirk] Demografie
68% vaan de bevolking, veural geconcentreerd in 't laogland, zien etnische Lao. Dees lui spreke 'n toentaol die aon 't Thais verwant is. In de heuvele en berg leve versjèllende ander volker, wie de Hmong, de Miën en de Zwarte Thai, die vaanajds aofgesjeie vaan de Lao leve. In 't noordelike hoeggebèrgde veent me stamme mèt gemingden achtergroond.
De veurnaomste religies zien 't boeddhisme en 't animisme. De christelike en islamitische minderhede weure door de regering strik gecontroleerd en bij tied en wijl oonderdrök.
[bewirk] Historie
Roond de negende ieuw woort 't modèrn Laos gedommeneerd door 't Zuud-Sjinees Nanzhao-keuninkriek. In de veertiende ieuw naom de Lan Xang-dynastie de mach euver. Ze wiste hun mach te behawwe tot d'n opkoms vaan Thailand in de achtiende ieuw; dit land vereuverde 't Laotiaans groondgebeed. In 1893 kaome de gebejer oonder Franse control; 't woort noe deil vaan Frans Indochina. Frankriek maakde Laos weer los vaan Thailand. Nao de Japanse bezètting in d'n Twiede Wereldoorlog woort Laos in 1949 'n oonaofhenkelik keuninkriek oonder keuning Sisavang Vong.
Wie in Vietnam 'nen oorlog oetbraok naome ouch de oonröste in Laos touw, wat al snel tot 'ne börgeroorlog leide. Vietnam en de USSR zörgde veur 'n communistische partij in Laos, die in 1975 de regering vaan de door 't weste gesteunde keuning Savang Vatthana te val brach en vaan Laos 'n volksrippebliek maakde. Allewel tot 't land ziech in 't begin èng bij Vietnam aonsloot, maakde 't ziech dao later mie vaan los um 'n beperkde merretikkenomie touw te laote en in 1997 tot de ASEAN touw te trejje.
Len in Azië |
---|
Afganistan | Armenië2 | Azerbaidzjan1 | Bahrein | Bangladesj | Bhoetaan | Börma | Broenai | Cambodja | Cyprus2 | Filipiene | Georgië2 | India | Indonesië | Iraan | Irak | Israël | Japan | Jeme | Jordanië | Katar | Kazachstan | Kirgizië | Koeweit | Laos | Libanon | Maledive | Maleisië | Mongolië | Nepal | Noord-Korea | Oesbekistan | Omaan | Oos-Timor | Pakistan | Palestiense Staot | Papoea Nuuj-Guinea | Rösland1 | Saoedi-Arabië | Singapore | Sjina3 | Sri Lanka | Syrië | Tadzjikistan | Thailand | Törkieë | Turkmenistan | Vereinegde Arabische Emirate | Viëtnam | Zuud-Korea |
Aafhenkelike gebejer: Akrotiri en Dhekelia2 | Gazastrook | Hong Kong | Makau | Westelike Jordaanover |
Status betwis: Palestiense Staot | Sjina (nationalistisch) | Sjina (volksrippebliek) | Törks Cyprus |
1. Dit land ligk gedeiltelik in Europa. 2. Dit land ligk geografisch in Azië, meh weurt óm cultureel en historische raejes bie Europa ingedeild. 3. Sins 1949 oonder twie regeringe verdeild. |