Maleisië

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.

Maleisië


Officieel taol	Maleis
Hoofstad	Kuala Lumpur
Staotsvörm	Käörmonarchie
Staotshoof	Tuanku Syed Sirajuddin (sins 2001)
premier	Abdullah Ahmad Badawi
Groondgebeed % water	329.750 km² 0,3%
Inwoeners	15,7 miljoen
Munt	Ringgit (MYR)
Tiedzaone	UTC +8
Nationale fiesdaag	31 augustus
Volkshymne	Negaraku
Landcode	MYS
TLD	.my
Tillefoon	+60

Maleisië is e land in zuidoos-Azië, wat in twie deile verdeild is. 't Westelik deil ligk op de uterste punt vaan Achter-Indië en hèt Malakka; 't oostelik deil ligk op Borneo en is verdeild in de streke Sarawak en Sabah. Maleisië grens aon Thailand, Singapore, Broenei en Indonesië. Hoofstad is Kuala Lumpur, ander stei zien Pinang, Kuala Terengganu, Ipoh, Kuching, Sibu en Sandakan.

[bewirk] Administratief indeiling

Maleisië is ingedeild in elf staote. De nege vastelandsstaote weure door sultans besteurd.

Johor
Kedah
Kelantan
Melaka
Negeri Sembilan
Pahang

Perak
Perlis
Pulau Pinang
Sabah
Sarawak
Selangor
Terengganu

Daoneve zien nog twie federaol territoria: Kuala Lumpur en Labuan (veur de kös bij Sabah).

[bewirk] Demografie

Twie-daarde vaan de bevolking besteit oet etnische Maleisiërs, die veural op Malakka geconcentreerd zien. Vaan de minderhede zien de Sjineze wiedoet de groetste, mèt bekaans e kwart vaan de populatie. 7% is vaan Indiasen aofkóms. Op Sarawak en Sabah leve in mierderheid neet-Maleise volker, boe-oonder väöl inheimse stamme wie de Dayaks.

D'n islam in d'n euverhiersende religie; al etnische Maleisiërs zien volges de groondwèt per definitie moslim. Väöl Sjineze zien boeddhistisch, en door de Indische aonwezigheid is ouch 't hindoeïsme vertegewäördeg. De inheimse natuurvolker hange 't animisme aon.

[bewirk] Historie

Maleisië ligk op 'ne drökken handelsweeg vaan Sjina nao Indonesië, en bleujde in de tiende iew op es verzoameling vaan klein keuninkriekskes; dees waore waorsjijnlik boeddhistisch. D'n islam maakde zien antree in de veertiende iew. Vaanaof de zestiende iew raakde de rieke op Malakka hun mach euver de Straot vaan Malakka kwiet aon de Europeane: achterein dómmeneerde de Portugeze, de Hollenders en de Britte 't. De Britte begóste Maleisië ouch te kolonisere: in 1826 woort de kroenkolonie de Malaysian Settlements opgeriech, die laanksem oetgebrejd woort. Nao de bezètting door Japan in d'n Twiede Wereldoorlog koam ouch hei 't nationalisme op en in 1957 woort Maleisië oonaofhenkelik; 't moch Singapore evels neet behawwe. In 1963 woort 'n nui federatie gestiech mèt Sarawak en Sabah debij, al maakde zoewel Indonesië es de Filipiene aonspraok op 't gans gebeed of e deil devaan. Vaan 1963 tot 1965 maakde ouch Singapore deil oet vaan Maleisië.

[bewirk] Externe links

Maleisie.be (Nederlandstaoleg)

Len in Azië
Afganistan \| Armenië² \| Azerbaidzjan¹ \| Bahrein \| Bangladesj \| Bhoetaan \| Börma \| Broenai \| Cambodja \| Cyprus² \| Filipiene \| Georgië² \| India \| Indonesië \| Iraan \| Irak \| Israël \| Japan \| Jeme \| Jordanië \| Katar \| Kazachstan \| Kirgizië \| Koeweit \| Laos \| Libanon \| Maledive \| Maleisië \| Mongolië \| Nepal \| Noord-Korea \| Oesbekistan \| Omaan \| Oos-Timor \| Pakistan \| Palestiense Staot \| Papoea Nuuj-Guinea \| Rösland¹ \| Saoedi-Arabië \| Singapore \| Sjina³ \| Sri Lanka \| Syrië \| Tadzjikistan \| Thailand \| Törkieë \| Turkmenistan \| Vereinegde Arabische Emirate \| Viëtnam \| Zuud-Korea
Aafhenkelike gebejer: Akrotiri en Dhekelia² \| Gazastrook \| Hong Kong \| Makau \| Westelike Jordaanover
Status betwis: Palestiense Staot \| Sjina (nationalistisch) \| Sjina (volksrippebliek) \| Törks Cyprus
1. Dit land ligk gedeiltelik in Europa. 2. Dit land ligk geografisch in Azië, meh weurt óm cultureel en historische raejes bie Europa ingedeild. 3. Sins 1949 oonder twie regeringe verdeild.