París - Paris
Na Galipedia, a wikipedia en galego.
En galego: París. En francés: Paris. En portugués: Paris. En castelán: París. En inglés: Paris. En catalán: París. En alemán: Paris.
Capital de Francia, situada á beira do Sena, é chamada a 'Ville Lumiére' (Vila de Luz) pola súa grandiosidade nos comezos do século XX.
É unha das cidades máis visitadas de Europa e do mundo, cada ano millóns de persoas achéganse a París tanto polos seus monumentos como pola súa historia ademais de por ser considerada a Cidade do Amor.
Son famosos os Campos Elíseos, paseo de 2 km e medio de longo e gran anchura, que conduce os xardíns do palacio do Louvre (que contén no seu interior o célebre museo) ó Arco de Triunfo, continuando despois con outros nomes por varios km máis ata un novedos complexo nas aforas da vila. O barrio latino, Montmartre, o Centro Georges Pompidou, Tullerias, etc, configuran unha cidade que ten no turismo unha parte importante da súa vitalidade.
Evolución da poboación de: París - Paris desde 1801 ata 1926 | |||
1801 | 1851 | 1881 | 1926 |
547 800 | 1 053 000 | 2 240 000 | 2 871 000 |
[editar] monumentos máis importantes
- A Torre Eiffel
- Catedral de Nôtre Dame
- parque do Bois de Boulogne
- Museo do Louvre
- Arco do Triunfo
- Os Campos Elíseos.
[editar] Historia
O seu núcleo parece que é debido a un poboado romano chamado 'Lutecia', encravado na 'Île de la Cité' ou illa da cidadenas que na actualidade está a catedral de Nôtre Dame: A mediados do Século III a.C., os Parasii, un pobo celta, fortificaron a Illa de la Cité e batizaronna como Lutecia. No 52 a.C., os Parasii queimaron a fortificación da illa e entregaronna ós Romanos, quen a ampliaron ata a marxe esquerda do río Sena, onde construíron baños, un foro e sinalaron o trazado da maior parte das rúas Parisinas. Na Galia romana Lutecia comezou a coñecerse como a cidade dos parisinos, ou París, cidade por aquela de escasa importancia.
Segundo a tradición medieval, San Dionisio foi o primeiro obispo da cidade que a mediados do Século III. Outra lenda conta que Xenoveva, patroa de París, axudou no 451 á defensa da cidade contra os hunos.