Carlos Santana

Na Galipedia, a wikipedia en galego.

Carlos Augusto Alves Santana, máis coñecido como Carlos Santana é un guitarrista de rock e Jazz-Rock nado en 20 de xullo de 1947 na cidade de Autlán de Navarro, estado de Jalisco, México.

[editar] Biografía

O seu pai era violinista nunha banda de mariachi, e o mozo Carlos aprendeu a tocar o violín, pero mudou para a guitarra cando tiña 8 anos. En 1955 a súa familia mudouse para Tijuana, e Santana empezou a tocar en clubes e bares da zona turística. Ficou en Tijuana cando a súa familia mudou novamente de localidade, desta vez para San Francisco, California, pero despois seguiunos. En 1966 axudou a fundar a Santana Blues Band, que despois cambiou para Santana. A banda empezou a tocar en The Fillmore West, onde moitas das bandas lendarias de San Francisco tocaron. A súa estrea en gravación ocurreu con The Live Adventures of Mike Bloomfield and Al Kooper, con Al Kooper e Mike Bloomfield.

Despois de asinar coa Columbia Records, Santana lanzou un álbum chamado Santana. O grupo tiña a Carlos Santana na guitarra, Gregg Rolie (piano e voz), David Brown (baixo), Michael Shrieve (batería), Jose Areas (percusión) e Michael Carabello (percusión). Para promover o álbum, a banda Santana tocou en Woodstock. A presentación en Woodstock foi notábel e aumentou moito a súa popularidade. Santana tivo un grande éxito, así como Abraxas (1970) e Santana III (1971). A banda orixinal disolveuse. Rolie chegaría a ser un membro fundador de Journey.

Carlos Santana usou o nome Santana e unha serie músicos diferentes para continuar as súas presentacións nos Estados Unidos, lanzando varios discos. Durante este período, Carlos adoptou o nome "Devadip", conferido polo líder espiritual Sri Chinmoy. Lanzou ao mercado moitos traballos nas décadas de 70 e 80, incluindo colaboracións con Willie Nelson, Herbie Hancock, Booker T. Jones, Wayne Shorter, Ron Carter e The Fabulous Thunderbirds. En 1991, Santana apareceu no álbum de Ottmar Liebert Solo Para Ti, nas cancións "Reaching out 2 U" e nunha regravación da súa propia canción "Samba Pa Ti". Foi instalado no Rock and Roll Hall of Fame en 1998.

En 1992 cancelou o seu contrato coa Columbia e despois gravou con Polygram e Arista Records.

Santana surxiu novamente en 1999 co lanzamento de Supernatural, que incluiu colaboracións con Rob Thomas, Eric Clapton e Lauryn Hill. Supernatural foi o álbum de Santana de maior venda, alcanzando o número 1 na lista Billboard e mantendo esa posición por 12 meses, e gañando nove Premios Grammy.

A súa música integra elementos percusivos africanos, melódicos latinos e estruturais do rock anglosaxón e creou unha música nova.