Cíes, Vigo
Na Galipedia, a wikipedia en galego.
As Illas Cíes están situadas na ría de Vigo.
Teñen 4 habitantes permanentes (2003).
Constitúen un dos maiores atractivos turísticos do sur da Galiza. Foron declaradas parque natural no ano 1980 e forman parte do Parque Nacional das Illas Atlánticas dende 2002. O arquipélago está formado por tres illas principais: Monteagudo, Monte Faro e San Martiño, xunto a pequenos illotes como Agoeira, Viños, Carabelos e O Ruzo.
A parte das praias o seu grande atractivo son os seus cantís e os denominados niños de abellas e as cacholas (cavidades redondeadas producidas na superficie das rochas que acaban fusionándose dando lugar a oquedades maiores).
Tense constancia da existencia dun poboado castrexo na aba do Monte Faro, datado nos inicios da Idade de Ferro.
No século XVI desembarcan nas Cíes o corsario inglés Drake e piratas berberiscos. As continúas invasións provocan o abandono das illas dende o 1700 ata o século XIX, cando se constrúe o primeiro faro.
Na segunda década do século XX foron sede dunha factoría baleeira noruega.
Foi unha zona fortemente afectada polo desastre do afundimento do petroleiro Prestige.
Actualmente, só os gardas forestais e un nativo permanecen na illa durante todo o ano.
[editar] Galería de Imaxes
- Vexa o artigo principal en: Galegía de imaxes do concello de Vigo
 Solpor |
 Vista das Cíes dende Monte Ferro |
 Praia |
 |
[editar] Véxase tamén
- Illas de Galicia (Categoría)
- Ría de Vigo
| Illas das Cíes no concello de Vigo na Provincia de Pontevedra | |
|---|---|
|
Monteagudo | Monte Faro | San Martiño |
|
Referencias relacionadas con Galicia |
||
