Biografía
Na Galipedia, a wikipedia en galego.
A biografía consiste no relato que pode ser didáctico ou expositivo da historia da vida dunha persoa. Dito relato pode ser oral ou rexistrado de forma escrita onde constitúe un xénero literario.
Como xénero literario, o termo data do século XVII e con el denomínase a un xénero autónomo cultivado dende a antigüidade. Nos seus comenzos, xa dende as Vidas Paralelas de Plutarco, a biografía responde a un propósito edificante e moralizador, orientación que seguíu na Idade Media.
No Renacemento, cando comeza en Italia o estudio de persoas ilustres na súa individualidade, contribuíron a esta concepción da biografía Boccaccio, Vasari, Vilani e Maquiavelo. Posteriormente, no Romanticismo, o xénero biográfico toma dúas direccións diferentes: profundiza na vida psíquica do biografiado ou procura, por enriba de todo, a amenidade literaria, sacrificando a verdade do personaxe.
