Traspuarts
De Vichipedie, la enciclopedie libare dute in marilenghe.
Par traspuarts si intint il moviment di oms o marcjanziis di un puest a chel altri. La peraule e derive di chês latinis trans (a traviers) e portare (puartâ). Il setôr dai traspuarts al pues jessi dividût in trê bandis val a stâi infrastruturis, veicui e gjestion. Une altre distinzion ca ven doprade e je chê fra traspuarts publics e traspuarts privâts.
Indis |
[cambie] Infrastruturis
Lis infrastruturis a son lis viis di comunicazion come lis stradis, lis feroviis, i canai, e v.i., e i ponts di partence e di rivade come lis stazions, i puarts, i aeropuarts, lis fermadis dai autobus e v.i.. A progjetâ lis infrastruturis e la rêt dai traspuarts e pense la inzegnerie civîl e la inzegnerie dai traspuarts.
[cambie] Veicui
I veicui a son i mieç ca si doprin par movisi e par puartà la robe. Su stradis fatis apueste (stradis asfaltadis o feroviis) si doprin lis machinis, i camions e i trenos. Invezit i aereos o lis nâfs a son plui libars di spostasi ancje se si doprin des rotis convenzionalis. Il progjet dai veicui al ven fat de inzegnerie mecaniche, de inzegnerie aeronautiche e de inzegnerie feroviarie.
[cambie] Tips di veicui
- Machine
- Camion
- Cjâr
- Animâi
- Caroce
- Aeroplan
- Nâf
- Coriere
- Autobus
- Metropolitane
- Treno
- Biciclete
[cambie] Gjestion dai traspuarts
La gjestion e je materie de inzegnerie dai traspuarts e de inzegnerie dai sistemis e e studie sedi lis misuris di sigurece sedi lis politichis di finanziament e i presits di meti.
[cambie] Traspuarts publics e privâts
La distinzion che si fâs a secont dal paron de rêt al puarte a fevelà di traspuarts publics e traspuarts privâts. Chei publics a àn une funzion sociâl oltri che economiche e a cirin di garantî a ducj i components de comunitât la pussibilitât di movisi. Chei privâts a son comandâts dai singui, in chest câs dispès a son plui impuartant i elements di economicitât e di sparagn.
[cambie] Leams
- Statistichis sui traspuarts europeans - Eurostat par inglês.
