Burgenland
De Vichipedie, la enciclopedie libare dute in marilenghe.
| Burgenland | |
|---|---|
| Non ufiziâl: | Burgenland |
 |
 |
| Stât: | Austrie |
| Cjâflûc: | Eisenstadt |
| Superficie: | 3.965,46 km2 |
| Popolazion: - Totâl - Densitât |
(2001) 277.569 ab. 70 ab./km2 |
 |
|
| Sît istituzionâl | |
Il Burgenland (leteralmentri tiere dai ciscjiei - ongjarês Várvidék, Felsőőrvidék, Őrvidék o Lajtabánság, crauat Gradišće, sloven Gradiščansko) al è il plui orientâl dai stâts federai (tod. Bundesländer) austriacs. La capitâl (tod. Landeshauptstadt) e je Eisenstadt (12.000 ab. ce.). Al confine a setentrion cun le Slovachie, a Jevât cun le Ongjarie, a sud cun le Slovenie e a Bonât cui stâts federai di Stirie e Basse Austrie.
Indis |
[cambie] Gjeografie
La part setentrionâl dal pais al rientre tal bassopian panonic e achì a si cjate il lâc di Neusiedl. La plui grande mont dal Burgenland e je la Geschriebenstein (884 m).
[cambie] Storie
- Tal Imperi roman il so teritori al è part dale provincie dale Pannonia.
- 955 – Daspò dale bataie di Augsburg popolazions di lenghe gjermaniche a tachin a insediâsi sul teritori.
- 1043 – Trattât di pâs tra il re Aba Sámuel di Ongjarie e l'imperadôr Indrì III: il cjermin orientâl dal ream di Ongjarie al devente il flum Leitha (e cussì chel che in di di vuê al è il Burgenland al devente il confin orientâl de Ongjarie par plui secui).
- XVI-XVII secul – Protestants todescs a rivin culì par salvâsi dalis vueris di religjon.
- XVII-XVIII secul – Fameis catolichis (come, par esempli, le Esterhazy) al an un grum di podê sul teritori.
- 28 di Avost 1921 – Daspò i tratâts di pâs di Saint German e di Trianon, in cheste date le regjon al varès di jessi anetude ae Austrie, ma formis di resistence, cun il jutori de Ongjarie, a fermin l'insediament dai gnûfs governadôrs.
- Atom 1921 –La Ongjarie e disarme i tiradôrs in gambi di un referendum sule unificazion di alcuns teritoris. Chescj teritoris (8 comunitâts e le citât che e veve di jessi le capitâl dal Burgenland) a finisin cul restâ cun la Ongjarie.
- 1922 – Primis elezions pal parlament de regjon.
- 1925 – Eisenstadt e devente capitâl.
- Periodi nazist – Il Burgenland al ven anetût a altris distrets (Niederdonau, Stirie) e i Ebreus e lis minorancis lenghistichis a vengnin perseguitâts.
- 1 di Otubar 1945 – Il Burgenland al ven tornât a meti in vore e assegnât alis fuarcis sovietichis: chest periodi al è segnât da maltrataments dale popolazion locâl e al termine dome cun le firme dal Tratât di indipendence dale Austrie.
- 1956 – Daspò la sconfite Rivoluzion ongjarês, une vore di sfolâts a rivin de Ongjarie.
- 1957-1989 – La cortine di fier e isole il Burgenland dai paîs sovietics.
[cambie] Minorancis
Tal Burgenland a son consistentis minorancis cravuatis (29.000 personis seont il guvier, 45.000 seont i cravuats) e ongjaresis (5.000 seont il guvier, 15.000 seont i ongjarês). Il cravuat ch'al ven favelât achi al è une variant dal XVI secul. Al è avonde difarent dal cravuat standard e al è pericul ch'al vegni assimilât, tant che al è stât inserît tal Livri ros dal UNESCO.
[cambie] Economie
Important pal stât al è le produzion vinicole. Par chest al si pues dividilu in cuatri regjons produtivis: Neusiedlersee, Neusiedlersee-Hügelland , Mittelburgenland e Südburgenland.
[cambie] Organizazion aministrative
Il Burgenland al è dividût in 2 citâts statutariis (tod. Statutarstädte) e 7 distrets (tod. Bezirke):
| Citâts statutariis | Targhis |
|---|---|
| Eisenstadt | E |
| Rust | RU |
| Distrets | Targhis |
|---|---|
| Eisenstadt-Umgebung | EU |
| Güssing | GS |
| Jennersdorf | JE |
| Oberpullendorf | OP |
| Oberwart | OW |
| Mattersburg | MA |
| Neusiedl am See | ND |
[cambie] Situazion politiche
Dal 2000 il governadôr (tod. Landeshauptmann) dal Burgenland al è Hans Niessl, dal SPÖ (tod. Sozialdemokratische Partei Österreichs, voltât: "Partît sociâldemocratic dale Austrie").
 |
Länder austriacs |  |
|---|---|---|
| Burgenland | Carintie | Alte Austrie | Basse Austrie | Salisburghês | Stirie/Staiar | Tirol | Vorarlberg | Viene | ||
