Tirol

De Vichipedie, la enciclopedie libare dute in marilenghe.

Tirol
Non ufiziâl:	Tirol

Stât:	Austrie
Cjâflûc:	Innsbruck
Superficie:	12.647,71 km²
Popolazion: - Totâl - Densitât	(2003) 686.809 ab. 53 ab./km²

Sît istituzionâl

Il Tirol (todesc Tirol, talian Tirolo) al è un dai stâts federai (tod. Bundesländer) tal Jevât de Austrie. Il so teritori al consist inte part austriache de regjon storiche dal Tirol. La capitâl (tod. Landeshauptstadt) e je Innsbruck (134.000 ab. ce.), altris grandis citâts a son Landeck, Kufstein, Reutte e Schwaz. Il Tirol al è praticamentri dividût in dos partis, clamadis Tirol setentrionâl e Tirol orientâl. Il Tirol setentrionâl al confine a nord cun le Gjermanie (Baviere), cun il Salisburghês a Jevât, cun le Italie (province di Bolzan, Trentin-Sud Tirol) e le Svuizare (Cjanton Grisons) tal sud e cun il Vorarlberg a Bonât. Il Tirol orientâl al corispond al distret di Lienz e al confine cun le Carintie a Jevât, cun le Italie (province di Bolzan, Trentin-Sud Tirol e province di Belun, Venit) a sud e a Bonât e cun il Salisburghês a nord.

[cambie] Gjeografie

Il Tirol al è par grandece il tierç dai stâts federai austriacs, e al è scognossût par lis sieis monts. La so part orientâl e condivid insiemit al stât federal de Carintie la plui alte mont de Austrie: la Grossglockner (3797) m.

[cambie] Storie

Par le storie prime de Prime Vuere Mondiâl, chê de regjon storiche dal Tirol, viôt la pagjine Tirol - regjon storiche.

Il paesaç tipic tal Tirol

Cun il Tratât di Saint Germain (1919) il Tirol (cence la part meridionâl dal Sud Tirol) al devente un dai stâts federai de Republiche de Austrie.
Il 12 di Març dal 1938 l'esercit todesc al jentre in Austrie e il Tirol al ven anetût al Tierç Reich: la part setentrionâl e ven organizade tal distret Tirol-Vorarlberg, chê orientâl e ven anetude al distret dale Carintie.
1940 – Cui acuards tra Mussolini e Hitler i abitants dal Sudtirol di lenghe todesche a an di “optâ”: plui di 70.000 personis a emigrin e le metât cirche a si ferme tal Titol setentrionâl e ocidentâl.
3 di Mai dal 1945 – I americans a rivin a Innsbruck e al ven creât un guvier provisori par il Tirol.
Estât 1945 – Il Tirol setentrionâl al devente part dae zone di ocupazion francês; chel orientâl dae zone di ocupazion anglês.
1947 – Il Tirol orientâl al ven di gnûf unificât cul setentrionâl.
15 di Mai dal 1955 – Il Tratât austriac al ven firmât e le Austrie e torne a jessi libare.
Daspò la firme dal Tratât il setôr industriâl e chel dal turisim a tachin a svilupasi e par la fin dai agns '50 a tachin a jessi costruidis importantis autostradis.
1964 e 1976 – Innsbruck e ospite lis Olimpiadis invernalis.
Agns '80 – Protestis pai effets dal trafic e dal turisim sul paesaç e l'ambient.
Daspò le jentrade de Austrie ta Union Europeane (1995) e le firme dal Tratât di Schengen (1998) il Tirol al pues colaborâ mior cun le regjon dale altre bande dal Brennero, tant che al si pues ancje favelâ di Euroregjon Tirol- Sud Tirol-Trentin.

[cambie] Economie

La plui alte concentrazion industriâl a si à inte zone di Innsbruck, e tai distrets di Schwaz, Kufstein e Reutte; talis altris zonis a prevâlin impresis mediis o piçulis. Par il distret di Kitzbühel (ma ancje par il Tirol in generâl) al è une vore important il turisim. Tal Tirol la agriculture e je in mo un grum importante, specialmentri parcè e ude a mantignî in bonis in condizions il paesaç.

[cambie] Division aministrative

Il Tirol al è dividût in une citât statutarie (tod. Statutarstadt), che e je Innsbruck (Targhe: I) e 8 distrets (tod. Bezirke):

Distrets	Targhis
Imst	IM
Innsbruck-Land	IL
Kitzbühel	KB
Kufstein	KU
Landeck	LA
Lienz	LZ
Reutte	RE
Schwaz	SZ

[cambie] Situazion politiche

Dal 2003 il governadôr (tod. Landeshauptmann) dal Tirol al è Herwig van Staa, dal ÖVP (Österreichische Volkspartei, voltât “Partît popolar austriac”), ma il stât al è ret di une coalizion tra il partît dal governadôr e il SPÖ (Sozialdemokratische Partei Österreichs, il “Partît sociâldemocratic dale Austrie).

[cambie] Dialets

Tal Tirol a si favelin soredut dialets dal grup sudbavarês. A vegnin ancje favelâts dialets ch'a si svizinin al grup bavarês centrâl; tal Tirol orientâl a puedin sameâ a chei dale Pustertal (Sudtirol) o dale Carintie. In alcunis zonis a si favelin ancje dialets alemans.