Hamilkar Barka
Wikipedia(e)tik
Hamilkar Barka (Barka hitzak punikoan tximista esan nahi du) (K. a. 270 inguru - K. a. 228) jeneral eta politikari kartagotarra izan zen, Barka familiako burua eta Hanibalen aita.
Lehen Gerra Punikoan Siziliako armada zuzendu zuen. Irla ia guztia erromatarren menpe egon arren, eraso guztiei aurre egin zien eta irlaren barrualdea kontrolpean izatea lortu zuen. K. a. 241ean, bakea sinatu zenean, Hamilkarrek armada Siziliatik eraman ahal izan zuen errendizio-ikurrarik eman gabe.
Afrikara itzulitakoan, haren soldaduak ,agindutako ordainak jaso ez zituztela eta, matxinatu ziren. Hamilkarren nobleziaren arteko aurkariak galarazi zioten. Hamilkarren ospe pertsonalarengatik mertzenarioen artean eta estrategia hobeari esker, matxinada suntsitu zuen K. a. 237an.
Horren ostean, Hamilkarrek eskuratutako entzuteak de facto-ko diktatore izatea ahalbidetu zion. K. a. 236an, Hispaniara abiatu zen, inperio berri bat eraikitzeko asmotan. Zortzi urteetan, borrokei zein diplomaziari esker Hispaniako hegoaldea bere menpe jarri zuen. K.a . 228an hil zenez, konkista ezin izan zuen burutu.
