Bernhard Kellermann
El Vikipedio
Bernhard KELLERMANN [bernhart kelerman] (naskiĝis la 4-an de marto 1879, mortis la 17-an de oktobro 1951) estis germana verkisto.
Li naskiĝis en Fürth, Bavario. Li studis en Munkeno, unue natursciencon, poste ĝermanistikon kaj pentradon. Lia unua romano Yester und Li, aperinta en la jaro 1904, gajnis grandan atenton. Mondfamon Kellermann atingis per sia socikritika sciencfikcia romano Der Tunnel, kiu priskribis la konstruadon de tunelo, sub Atlantiko inter Ameriko kaj Eŭropo. Krom romanojn li verkis dramojn, eseojn, rakontojn kaj vojaĝraportojn.
Bernhard Kellermann en 1926 fariĝis membro de la prusa poeta akademio (Preußische Dichterakademie), sed en 1933 la nazia reĝimo forbaris lian anecon. Li ne elmigris, pli/malpli silentis pri la politika situacio en Germanio. Post la Dua mondmilito Kellermann aktive subtenis la politikan sistemon de GDR.
Li mortis en Klein-Glienicke (nuntempe parto de Pocdamo).
[redaktu] Listo de verkoj
- Yester und Li (romano, 1904)
- Ingeborg (romano, 1906)
- Das Meer (romano, 1910)
- Der Tunnel (romano, 1913)
- Der 9. November (romano, 1920)
- Die Brüder Schellenberg (romano, 1925)
- Totentanz (romano, 1948)
