Abĥazio

El Vikipedio

Geografio > Azio > Kartvelio > Abĥazio

Flago de sendependema Abĥazio

Blazono de Abĥazio

Abĥazio en Kartvelio

Aŭtonoma Respubliko estas fakte memregata respubliko, eksa aŭtonomio de Kartvelio, en nord-okcidenta parto de Suda Kaŭkazio. Situas ĉe la bordoj de Nigra Maro, sur la deklivoj de Granda Kaŭkazo kaj en Kolĥida malaltaĵo. Klimato subtropika. Riveroj Kodori, Bzibi; lago Rica. Arbaroj kovras 55% de la teritorio; ĉe la bordregiono subtropika plantaro.

Nomoj: abĥaze - Аҧсны [apsNI]; kartvele - აფხაზეთი [apĥazeti]; ruse - Абхазия [abĤAzija].

Surfaco: 8,6 mil kv.km.

Loĝantaro: 533,8 mil (1991), urba 48%; abĥazoj (93,3 mil, 1989), kartveloj, armenoj, rusoj. 5 distriktoj, 7 urboj (1991).

Ĉefurbo - Suĥum (Soĥumi kartvele, Suĥumi/Suĥum ruse).

[redaktu] Historio

Dum 6-4 a.K. la teritorio de Abĥazio prezentis parton de Kolĥeti reĝlando, en la fino de 1-a jc p.K - de Princlando de Abazgoj kaj Apsiloj. En 8-a jc kreiĝis Okcidentkartvela (Abĥaza) reĝlando kun centro en Kutaisi (de 975 en Unuiĝinta Kartvelio). En 13 jc estis konkerita de mongoloj, de 16a jc - dependa de Turkio. En 1810 estis aneksita de Rusio (de 1864 Sokhuma okrugo). 4.3.1921 kreiĝis Abĥaza SSR. De 16.12.1921 Abĥaza SSR en konsisto de Kartvela SSR, de 1931 kun statuso de ASSR.

De decembro 1990 Abĥaza Aŭtonoma Respubliko, de julio 1992 memdeklarita Respubliko Abĥazio. Dum 1992-94 en la teritorio de Abĥazio okazis konflikto pro la statuso, rezulte de kiu la tuta etne kartvela loĝantaro devis forlasi la regionon. Nun la respubliko estas fakte memregata. Prezidento ekde 2004 estas Sergej Bagapŝ.

[redaktu] Ekonomiko

Post konflikto ekonomiko kolapsis. Nun funkcias kelkaj malgrandaj entreprenoj de agrikultura kaj nutrada industrio. Relative flora industrio estas turismo, tamen nekomparebla kun la antaŭmilita tempo. Gravaj agrokulturoj estas: teo, citrusoj, tabako, tungo, maizo.

Ĉefa haveno: Suĥum.

Ĉemaraj kurortoj: Suĥum, Gagra, Picunda (Biĉvinta), Novij Afon (Aĥali Atoni), Gudauta. En Novij Afon estas rusa ortodoksa monaĥejo, kien venas pilgrimantaj turistoj.