Wikipedia:Merourien

Diwar Wikipedia, an holloueziadur digor

Skrivet eo ar pennad-mañ e Peurunvan

Pal ar pennad-mañ eo deskrivañ statud merourien (sysop, diwar system operator e saozneg) Wikipedia e brezhoneg.

Wikipedia:Goulenn ouzh ar verourien : M'hoc'h eus ezhomm eus skoazell ur merour bennak
Wikipedia:Roll ar verourien : evit mont war-eeun e darempred gant ur merour resis
Wikipedia:Dont da vezañ merour : en em ginnig pe votiñ war anv unan bennak aet war ar renk

Taolenn

1 Da betra kaout merourien ?
2 Gwirioù ha dleadoù ar verourien
3 Heuliadoù kammimplijoù beli
4 Skoazell d'ar merañ
- 4.1 Skoazell deknikel
- 4.2 Skoazell aozañ
5 Heuliañ labour ar verourien
6 Liammoù all

[kemmañ] Da betra kaout merourien ?

Ar skridaozerien, enrollet pe get, o deus galloudoù ledan war ar Wikipedia memestra. Gallout a reont kemmañ lodennoù pajennoù, adenvel anezho, nullañ ar freuzañ, kas ur galv evit un diviz reolata, etc…

Evit ober war-dro ul lec'hienn evel Wikipedia ma c'hall pep gweladenner mont da cheñch diouzh e c'hoant kement pajenn zo koulz lavaret e ranker kaout ostilhoù kreñv evit, da skouer, ingalañ fazioù, diverkañ pajennoù didalvez pe er-maez ar jeu, prennañ pajennoù (evit o gwareziñ) pe mirout ouzh ar freuzerien ar gwir da cheñch pajennoù e-pad ur frapad amzer bennak.

Evit abegoù surentez anat n'hall ket seurt binvioù bezañ lakaet etre daouarn an holl. Setu perak eo bet krouet ar statud merour. Deroet e vez da dud a gemer perzh e Wikipedia, a c'houlenn kaout ar statud-se, hag a zo bet lakaet he fiziañs enno gant ar gumuniezh. Sellet ouzh Wikipedia:Roll ar verourien.

[kemmañ] Gwirioù ha dleadoù ar verourien

Dlead ur merour eo lakaat e pleustr an divizoù bet kemeret gant ar gumuniezh (m'emañ ezel anezhi) .

[kemmañ] Ur merour a rank kemer perzh

Evel skridaozer ez eus gant ar merour an hevelep gwirioù ha dleadoù hag an holl wikipedourien all :

kemer perzh er pennadoù m'eo dedennet ganto ;
respont d'ar goulennoù e kement ha ma c'hall ;
reiñ un degemer c'hwek d'ar wikipedourien nevez ; sellet ouzh Wikipedia:Kemennadenn_degemer
ober un tamm kempenn (evel, da skouer e An ti-chopin) ;
gwiriañ n'eus ket gwirioù eilañ (copyright) gant ar pennadoù hag ar skeudennoù war ziskouez ;
diverkañ an danvez a seller outañ evel vandalerezh (en ur skarzhañ tenor ar bajenn).

Daoust d'ar pezh a c'hall tud zo soñjal, naetaat ha gwiriañ ar gwirioù eilañ pe plediñ gant ar vandalerezh n'int ket just labour ar verourien. Gallout a ra bezañ graet gant an holl hag an holl o deus ar gwir d'en ober.

[kemmañ] Ar pezh a c'hall ar verourien ober

Gwir zo gant ar verourien da implijout arc'hwelioù dibar war Wikipedia n'hallont ket bezañ implijet gant ar wikipedourien all : gallout a reont

prennañ ha dibrennañ pajennoù, embann pajennoù prennet evit cheñch tra pe dra enno (gwelet Wikipedia:Pajennoù prennet)
diverkañ pajennoù hag an istor stag outo (gwelet Wikipedia:Pajennoù da nullañ)
sellet ouzh pajennoù bet diverket gant ur merour all ha divizout adlakaat anezho en ur sellet ouzh dielloù ar verourien (gwelet Wikipedia:Pajennoù da ziziverkañ)
stankañ ar moned ouzh chomlec'hioù IP hag ouzh implijerien enrollet (gwelet Wikipedia:Stankañ)
aozañ pajennoù an etrefas a-drugarez da korn MediaWiki
~~sevel rekedoù war-eeun ouzh ar bank titouroù (gwelet Wikipedia:Rekedoù SQL (pe Database queries)~~ (arc'hwel diweredekaet evit poent)
Sellet ouzh Special:unwatchedpages ma roller ar pajennoù n'emaint ket heuliet gant implijer ebet, ha sellet ouzh Special:Undelete ma roller holl stummoù bet diverket ur bajenn.
kendivizout war ur roll-skignañ dibar

[kemmañ] Ar pezh n'hall ket ar verourien ober

E nep doare n'eus gant ar verourien muioc'h a c'halloud eget gant ar wikipedourien all e-keñver krouiñ, kemm, adstummañ, pe sturiañ danvez ar pennadoù. Rankout a ra ar verourien klask ober a seurt ma vo aesaet an eskemm etre ar pajennoù (liammoù, rummadoù, adkasoù, pajennoù digejañ....). C'hoari a reont ivez ur roll evit gwareziñ danvez ar pennadoù diouzh ar vandalerezh.

N'emañ ket gant an implijerien titouroù ouzhpenn evel chomlec'h IP pe chomlec'h postel ar wikipedourien.

N'hall ket ar verourien cheñch statud un implijer bennak. Kement-se n'hall bezañ graet nemet gant ur Penn-bras. Ha n'eus nemet ur steward a c'hall tennañ e wirioù merañ digant unan bennak.

[kemmañ] Ar pezh a rank ar verourien ober

A-raok implijout an arc'hwelioù ouzhpenn zo en e gerzh e rank ar verourien goulenn aotre ar gumuniezh atav.

Ne zle ket, e mod ebet :

prennañ ur bajenn ma'z eus gantañ un tabut skridaozañ gant implijerien all war ar bajenn-se ;
stankañ ouzh un implijer all ar gwir da vont war ar pajennoù hep tremen dre an argerzh boas evit se war Wikipedia:Vandalerezh war ober ;
diverkañ ur bajenn hep bezañ enskrivet anezhi en a-raok war ar bajenn Wikipedia:Pajennoù da nullañ ;

Nemet evel-just evit an taolioù vandalerezh bihan (lakaomp unan bennak a grou ur bajenn evir lavaret koukou d'e vignoned) a c'hall bezañ goullonderet gant an implijerien all ivez ha diverket gant ar verourien hep tremen dre ar bajenn Wikipedia:Pajennoù da nullañ. Se ne dalvez nemet evit ar pajennoù warno tamm titour talvoudus ebet evit ar c'helc'hgeriadur.

N'haller ket morse diverkañ danvez pajennoù boulc'het gant danvez enno hep kas keloù a-raok.

[kemmañ] Ar pezh eo arabat d'ar verourien ober

Dre vras ne zle ket ur merour kemer divizoù hep ali hag asant ar gumuniezh en a-raok. Arabat eo dezhañ implijout e ostilhoù evit ur gounid personel ivez pe en un doare dizonest. Ma vez seurt emzalc'hioù gant ur merour e c'haller soñjal e kammimplij e veli.

[kemmañ] Heuliadoù kammimplijoù beli

Graet e vez kammimplij beli eus un implij dizonest a-berzh ur merour bennak eus an ostilhoù trezalc'h zo bet lakaet en e gerzh (gwelet #gwirioù ha dleadoù ar verourien).

Ma kav deoc'h bezañ merzet kammimplijoù a seurt-se ez oc'h pedet d'ober anv anezho war ar bajenn " Wikipedia:Merourien/Klemmoù" en ur reiñ skouerioù resis (un diforc'h kemm en ur pennad, da skouer), ha da ginnig ur c'hastiz a zlefe, hervezoc'h, bezañ kemeret. Ma vez reizhabeget an evezhiadenn e vo kaset ur goulenn kemer divizoù war ur c'hastiz da gemer pe get a-enep d'ar merour e kaoz.

Chom a ra da zivizout dre ar munud petra a lakaer dindan ar c'hammimplijoù beli ha petra eo ar c'hastizoù azasañ evit se. Lakait hoc'h ali war ar bajenn : Wikipedia:Kemer divizoù/Merourien/Kammimplij ha kastizoù.

[kemmañ] Skoazell d'ar merañ

Pajennoù zo war Wikipedia zo o fal skoazellañ en ur c'heñver teknikel pe evit ar pezh a sell ouzh an aozañ pe merañ ar rakrtes.

[kemmañ] Skoazell deknikel

Penaos ez a en-dro dreistgalloudoù ar verourien ?

Taolenn stur ar verourien

Penaos en em gemer a verourien evit …

Prennañ ur bajenn
Diverkañ pajennoù
Diziverkañ ur bajenn
Herzel un implijer

[kemmañ] Skoazell aozañ

War Kannadig ar verourien emañ roud o labour, o c'hoantoù, o c'hudennoù, o displegadurioù...
Dre Kenurzhiañ ar verourien e c'haller eskemm kemennadennoù evit ma yafe ar verourien gant an hevelep hent. Evit ar c'hinnigoù teknikel e vint lakaet war ar bajenn gaozeal pe, gwelloc'h, war Kannadig ar verourien.

[kemmañ] Heuliañ labour ar verourien

Istor an oberoù melestradurel :

Istor an oberoù burokratel :

Heuliañ an akwizitadurioù statud
Heuliañ ar c'holloù statud war kazetenn Pennoù-bras lec'hienn meta.wikipedia.org : klask an implijerien brezhonek a c'haller adkavout dre al lostger @brwiki.
Heuliañ an implijerien adanvet

[kemmañ] Liammoù all

Wikipedia:roll ar verourien
Wikipedia:Pennoù-bras
Wikipedia:Stewarded
Wikipedia:Diorroerien
Wikipedia:Gwirier chomlec'hioù IP
Wikipedia:Reolennoù melestradurel
Skoazell:FAG Merañ

Adtapet diwar "http://br.wikipedia.org../../../m/e/r/Wikipedia%7EMerourien_2263.html"

Rummadoù ar bajenn: Pennad e Peurunvan | Merañ Wikipedia | Kumuniezh Wikipedia