Wean
Aus Wikipedia
| Låndesflåggn | Låndeswåppn |
|---|---|
 |
 |
| Båsisdåtn | |
| ISO 3166-2: | AT-9 |
| Kråftfåhrzeigszeichn: | W |
| Gmeindekennzoi: | 90101 - 92301 |
| Postléitzoin: | 1010 - 1239, 1400, 1450 |
| Telefonvuawoi: | 01 |
| Hohmbäidsch: | www.wien.gv.at |
| Koatn: Wean in Östarreich | |
 |
|
| Politig | |
| Biagamasta | Michael Häupl (SPÖ) |
| Regiernde Bââtei | SPÖ |
| Sitzvateulung im Gmeinderåt | SPÖ 55 ÖVP 18 Griane 14 FPÖ 13 |
| letzte Woi: | 23. Oktoba 2005 |
| nächste Woi: | woascheinlich 2010 |
| Bevöikarung | |
| Eiwohna: Bålungsraum: |
1.651.437 (2005) 1.900.000 |
| Raung: | 1. von 9 |
| Bevöikarungsdichtn: | 3.931,3 Eiwohna/km² |
| Geografie | |
| Flächn: | 414,65 km² |
| - davo Laund: | 395,29 km² (95,33 %) |
| - davo Wåssa: | 19,36 km² (4,67 %) |
| - Raung: | 9. vo 9 |
| Geografische Lage: | Koordinaten: 48° 07' - 48° 19' N 16° 11' - 16° 34' O 48° 07' - 48° 19' N 16° 11' - 16° 34' O |
| Ausdenung: | Noad-Süd: 22,4 km West-Ost: 30,0 km |
| Héchsta Punkt: | 542 m {Hermannskogel) |
| Tiafsta Punkt: | 151 m (Lobau) |
| Verwoitungsgliedarung | |
| Bezirke: | 1 Statutarstât 23 Beziake |
| Gmeinden: | 1 |
| - davo Städt: | 1 |
| - davo Moaktgmeindn: | 0 |
| Koarte: Wean und Gmeindebeziake | |
Beziake vo Wean |
|
Wean auf an Satellitnfoto(dea 19., 20. und 21. Bez. ohgschnittn) |
|
Wean (Deitsch: Wien) is de Hauptstådt, owa ara Bundeslaund va Östarreich. Se is mit 1.651.437 (Staund 2005) de greaste Stådt va Östarreich, sowoi va de Leit, ois wiar a va da Flächn her gsengn. Im Gråßraum Wean lebm hibsch 2 Millionen Leit.
De Woahrzeichn va Wean san da Stephansdom und des Riesenradl im Pråda.
Wean is de dritte UNO-Stådt und da Sitz va häufti Organisationen, wiar zum Beispü d'OPEC, d'OSZE oda de Intanationale Atomenagiebehörde IAEA. D'Oidstådt va Wean is in Dezemba 2001 va da UNESCO zum Wödkulturerbe erklärt woarn.
Inhaltsverzeichnis |
[dro wärkln] Geografie
Wean håd a Flächn va 414.65 km² und is des kloanste Bundeslaund va Östareich. Außadem is es des oanzige, wås koa Grenz zu an benåchboarten Laund ned håd. Es håd quasi an Sondastatus, wei's Bundeslaund und Statutarstådt auf oanmoi is. Deswegn håd Wean a va olle Bundeslända den greßten Auntei aun Vakehrs- und Bauflächn, bezüglich seina Greß. 11.3% va da gesaumten Flächn san bebauds Laund, 11,1% san Flächn firn Stråssnvakehr und 2,2% san Gleiskörpa. Gleichzeitig is Wean oba a des Bundeslaund mid da, relativ gsengn, meistn Goartenflächn, de 28,4% va da Stådt ausmåcht und netta des Burgenlaund håd an hächan Auntei aun Wåssaflächn wiar Wean (4,6%). Wean is oans va de via Bundenslända in Östarreich, wo Wein aunbaut wird, insgesaumt san 1,7% va da Gesaumtflächn Weingoartn. Woid steht auf 16,6% va da Flächn und Laundwirtschaft wird auf 15,6% vam gaunzn Bundeslaund Wean betriem.
[dro wärkln] Låg
Dåss se Wean zu oana va de wichtigstn und greßtn Städt in Mittleuropa entwückit håd, vadaungt's unta aundam da guaden geografischen Låg. De Stådt liegt zwischn de nordöstlichn Ausläufer va de Oipn, im nordwestlichen Bereich vam Weana Beckn. De historische Stådt is ursprünglich südlich va da Donau entstaundn, heint liegt des Stådtgebiet auf oi zwoa Seitn vam Fluss. Wean is entstaundn an am Kreizungspunkt va oide Vakehrsstråssn in West-Ost- (Donau) und Nord-Süd-Richtung (Berstoanstråss). De Donau håd se dåda leicht ibaquern låssn, wei se da Fluss im Weana Beckn in häufti Seitnoarm mit lauta Insln dazwischen zateit.
Seid da Eisane Vorhaung 1989 gfoin is, wåchsn de Vakehrs- und wiartschåflichn Beziehungen zu de nördlichn und östlichn Nåchbarn va Östarreich wiada aun. De geografische Nähad zum ehemåligen Ostblock måcht se a wieda stårk bemerkbår. So is Wean zum Beispü netta 60 km va Pressbuag, da Hauptstådt va da Slowakei, wegga; so nåhad banaund san koane zwoa aundan Hauptstädt in Europa ned.
[dro wärkln] Laundschåft
Van Weana Stådtgebiet is netta a relativ kloana Auntei zuabaut. Hibsch de Höfte va Wean is greans Laund, a gressana Tei wird a laundwirtschåftlich gnuzt.
Da tiaftste Punkt va Wean ist mid 151 m Meereshecht in da Lobau, da hechste is da Hermannkogö mit 542 m. Dåda, im Nordwestn und a im Westn und im Südwestn va Wean glaungt da Weanawoid mid seini Güpfün (Leopoidsberg, Kahlenberg) und seini Wöda bis ins Stådtgebiet eini. De Donau kimmt durch de Weana Pfortn, oana Engstö zwischndm Leopoidsberg aufn rechten Ufa undm Bisamberg aufn linkn Ufa, nåch Wean eina. Vam Weanawoid oba rinnan außadem an Haufn kloane Fluss in d'Stådt eini, da bekaunteste va de is woi da Weanfluss. De Berg im Westn gengan in Süden in eiszeitliche Terassen (Weanaberg, Laaer Berg) umi. Des gaunze Gebiet wird zum Wein aunbaun gnumma und büdet de Weinbauregion Wean.
Da Osten va da Weanastådt is geprägt va de flåchn Laundschåftn vam Marchföd, de laundwirtschåftlich gnutz wean. Im Südosten san de Donauauen, a Aulaundschåft entlaung va da Donau, de zum Nationalpark erklärt woan san.
De bessan Gegenden zum wauhna san, wia a in aundane europäische Städt a, eha am westlichn Raund, hauptsächlich wei's Wedda va Westn kimmt und de Luft dortn nu saubana is. De oidn Industriegegendn lingan dagegen ehenta am östlichn Raund va da Stådt.
[dro wärkln] Stådtgliadarung
Wean wiad heint in 23 Bezirke untateit, de då san:
1.Beziak Innere Ståt 2.Beziak Leopoidståt 3.Beziak Låndstråßn 4.Beziak Wiedn 5.Beziak Margaredn 6.Beziak Mariahüf 7.Beziak Neibau 8.Beziak Josefståt 9.Beziak Oisagrund 10.Beziak Favoritn 11.Beziak Simmaring 12.Beziak Meidling 13.Beziak Hietzing 14.Beziak Penzing 15.Beziak Rudoifsheim-Fünfhaus 16.Beziak Ottakring 17.Beziak Hernois 18.Beziak Währing 19.Beziak Döbling 20.Beziak Brigittenau 21.Beziak Floridsduaf 22.Beziak Donauståt 23.Beziak Liesing
