Östareich
Aus Wikipedia
| Repubblik Östareich | |||||
|---|---|---|---|---|---|
|
|||||
| Åmtsspråch | Deitsch, Regionöie Åmtsspråchn: Kroatisch, Slowénisch, Ungarisch; Ånerkånnt: östareichische Gebärdnspråch | ||||
| Hauptstådt | Wean | ||||
| Stååtsform | Repubblik | ||||
| Bundespräsident | Dr. Heinz Fischer | ||||
| Bundeskånzla | Dr. Wolfgang Schüssel | ||||
| Gliedarung | 9 Bundeslända | ||||
| Flächn | 83.871,1 km² (Rång 113) | ||||
| Êîwohnazåih | 8,26 Mio. (2006) (ca. 1,8 % der EU) | ||||
| Bevöikarungsdichtn | 98 Êîwohna pro km² | ||||
| BIB | $39.292 pro Kopf | ||||
| Stååtsgrindung | Repubblik: 1918; Zwoate Repubblik 1945 (suwarän ab 1955) | ||||
| Bundeshümne | Land der Berge, Land am Strome | ||||
| Nazjonálfeiadåg | 26. Oktoba (Beschluss vaum Naitrálitätsgsétz) | ||||
| Stååtsfeiadåg | 1. Mai | ||||
| Währung | Euro | ||||
| Zeitzone | UTC+1 MEZ UTC+2 MESZ (März - Oktoba) |
||||
| Kfz-Kennzeichen | A | ||||
| Intanet-TLD | .at | ||||
| Vorwåih | +43 | ||||
|
|||||
De Repubblik Östareich is á demokratischa, födarála Bundesstååt mittn in Europa. Des Lånd is schau seid 1955 Mitgliad in da UNO und seid 1995 in da Europäischn Union. Im Nordn grenzt's ån Freistååt Baian in Deitschlånd, ån Tschechien und im Ostn ån de Slowákei und ån Ungarn, im Südn ån Slowénien und Italien und im Westn ån d' Schweiz und Liechtnstâ.
Inhaltsverzeichnis |
[dro wärkln] Bevökarung
Östareich håd zirka 8,2 Millionen Êîwohna. 90% von da Bevöökarung san deitsche Östareicha, dåvau san rund 90% boarisch sprochig und 7% alemannisch sprochig, 3% san autochtone östareicha Mindaheitn, wia Kärntna Slowénen, Burnglånd-Kroátn, Burnglånd-Ungarn, Roma und Sinti, Jénische, Tschechn und Slowákn. De Kärntna Slowénen, de Burnglånd-Kroátn und de Burnglånd-Ungarn håm an Ånspruch auf muadtaspråchlichen Untarricht im Büdungswesn, sowie de Vawendung von eanara Språch auf åmtlichen Weg und de zwááspråchige Beschüidarung von Ortschåftn wo autochtone Mindaheitn lebm (lt. östareichischa Váfåssung). Rund 10% san ausländische Mitbürga. De greßtn Grubbm san de Ex-Jugoslawn, de Türkn und de Bundesdeitschn (Boaiern, Hessen, Schwoaben, Nedersoachsen, usw.).
[dro wärkln] Språchn in Östareich
Hochdeitsch is åigemeine Åmtspråch und wird mit an ståarkn Akzent gredt. Da greßte Teil von da Bevöökarung redt im eigetlichm Lebm Boarisch; Alemannisch wird im Westn (vurållem in Vorarlberg und'm tirola Aussafern gredt), Slowénisch von rund 40.000 Östareicha in Süd-Kärntn und da südlichn Steiamårk und is doat nebm Hochdeitsch zusätzliche Åmtsspråch. Kroátisch und Ungarisch werdn im Burgnlånd nebm Boarisch gredt und san doat zusätzliche Åmtsspråchn nema'n Hochdeitschn, Tschechisch und Slowákisch werd voråim in Wean und Niedaöstareich gredt. Románes wird nua no von rund 120 Leid im Burnglånd gredt.
[dro wärkln] Östareichischs Essn
Östareich håt vü tradizionelle und siaße Speisn. Wia zum Beispüi dés Weana Schnitzl, dés wötbekaunt is: Tirola Speckknedl, Dåfispitz, Kärntna Káásnudln oda de gånzn Möispeisn wia Marünpalatschinkn oda Åpfistrudl.
[dro wärkln] Religion
73,6 % der Bevöökarung ghean da römisch-katholischn Kirchn, und 4,7 % da ewangelischn Kirchn aû. Zirka 180.000 Kristn san Mitglieda orthodoxa Kirchn. Zum Judntum bekénnan si ungefähr 8.140 Menschn (Stånd: Voikszöhlung 2001); nåch Ångåbm der Israelitischn Kultusgemeinde Wean san's sogåa 15.000. Rund 339.000 Leid ghean vaschiedenen muslimischn Glaubmsrichtungen aû. Zum Buddhismus, der in Österreich 1983 åis Religionsgemeinschåft ånerkånnt wordn is, bekénnan si etwås üwa 10.000 Menschn. 20.000 Personen san áktive Mitglieda da Zeugen Jehovas. Letztare strebm de volle gsétzliche Ånerkennung åis Religionsgemeinschåft aû. Etwoa 12 % von da Bevöökarung ghern káána der in Östareich gsétzlich ånerkånntn Religionsgemeinschåftn aû.
[dro wärkln] De Östareichischn Bundeslända
Östareich is in nêî Bundeslända aufdêit, wöiche wiedarum in 84 Bezirke und 15 Statutárstädte gliedert san.
| Bundeslånd | Hauptstådt | Bevöökarung | Flächn (in km²) |
Êîwohna (pro km²) |
Städte | Gemeindn (insgesamt) |
|
|---|---|---|---|---|---|---|---|
 |
Burgnlånd | Eisnstådt | 276.419 | 3.965 | 69,7 | 13 | 171 |
 |
Kärntn | Klångfurt | 559.440 | 9.536 | 58,7 | 17 | 132 |
 |
Niedaöstareich | St. Pöitn | 1.552.848 | 19.178 | 81,0 | 74 | 573 |
 |
Obaöstareich | Linz | 1.387.086 | 11.982 | 115,8 | 29 | 445 |
 |
Såizburg | Såizburg | 521.238 | 7.154 | 72,9 | 10 | 119 |
 |
Steiamårk | Gráz | 1.190.574 | 16.392 | 72,6 | 34 | 543 |
 |
Tiroi | Innschbrugg | 683.317 | 12.648 | 54,0 | 11 | 279 |
 |
Vorarlberg | Bregenz | 356.590 | 2.601 | 137,1 | 5 | 96 |
 |
Wean | Wean | 1.631.082 | 415 | 3.831,9 | 1 | 1 |
