Siervu
De Uiquipedia
La pallabra siervu (del llatín servus) designa una forma de venceya social y xurídica -típica del feudalismu- ente una persona, davezu un campesín, y un señor feudal.
El siervu estrémase del esclavu en que nun pue ser vendíu, en xeneral, por separtáu de la tierra a la que trabaya, y xurídicamente ye un home llibre.
Carauterísticu de la servidume d'un siervu yera'l conxuntu d'ubligaciones consinaes tales como la incapacidá del siervu d'alquirir o viender bienes raíces, sometimiento a l'autoridá política, xudicial ya fiscal del señor feudal, ubligación d'emprestar servicios militares al so señor y la entrega de parte del so trabayu o productu. La condición de siervu yera hereditaria y nun podía abandonar la so tierra ensin el permisu del so señor.
Normalmente, cuando predominaba la servidume, la tierra por sí sola nun podía ser vendida porque taba asociada con poderes políticos (de la mesma manera que'l Rei d'España nun pue viender España). En cambeu, la tierra podía ser tresferida mediante guerres o esponsales.
