Planeta
De Uiquipedia
Un planeta ye un cuerpu celeste esféricu, que gravita con una órbita elíptica alredor d'una estrella y nun emite lluz.
Tabla de conteníos |
[editar] Los planetes del sistema solar
Nel sistema solar hai ocho planetes que graviten alredor del Sol:
[editar] Etimoloxía y cronoloxía de les observaciones
La palabra planeta vien, al traviés del llatín, de la forma griega πλανήτης, derivada del verbu πλαναω (esviar del camín, andar al debalu) . La espresión πλανήτης αστέρες (astros que se mueven) estremaba a los planetes de les estrelles, que se mantienen inmóviles nel firmamentu.
Asina, la palabra planeta usábase na antigua astronomía xeocéntrica pa designar a los siete astros visibles a simple vista y que se desplacen con respectu a les estrelles del firmamentu: el Sol, la Lluna, Mercuriu, Venus, Marte, Xúpiter y Saturnu.
Cola teoría heliocéntrica de Nicolás Copérnicu, la tierra pasó a tar considerada un planeta y el sol y la lluna dexaron de selo, quedando reducíu a seis el númberu de planetes.
En 1781, William Herschel descubrió Uranu; en 1846, Johann Gottfried Galle y Urbain Le Verrier, basándose nes perturbaciones gravitacionales exercíes sobre Uranu, señalaron la esistencia de Neptunu. Por fin, en 1930, Clyde Tombaugh descubrió Plutón, que sedría consideráu planeta hasta'l 24 d'agostu de 2006, que pasaría a nomase planeta nanu.
[editar] Definición de los planetes
El descubrimientu de dellos oxetos asemeyaos a Plutón, como Sedna o 2003 UB313 punxo n'entredichu la definición tradicional del términu planeta. Dellos científicos proponen quitar a Plutón de la llista de los planetes y en cambiu otros proponen ampliar esta llista colos oxetos tresneptúnicos que formen parte del cinturón de Kuiper .
Según la definición que se -y dea al términu planeta, el so númberu ye diferente. Asina, l'Academia Nacional de ciencies de los Estaos Uníos considera que un planeta ye un cuerpu de menos de dos mases xupiterines que gravita alredor d'una estrella. Según esti criteriu, 2003 UB313 diba ser el décimu planeta del sistema solar.
Sicasí nun hai anguaño consensu nuna definición. En 2005 Michel E. Brown propunxo varies diferentes:
- Si aceptamos el puntu de vista históricu , los planetas son nueve : Mercuriu, Venus, la Tierra, Marte, Xúpiter, Saturnu, Uranu, Neptunu y Plutón.
- Según el puntu de vista históricu puestu al día han de tenese en cuenta los nuevos descubrimientos. Tienen asina la consideración de planeta tolos anteriores y cualquier oxetu nuevu que se descubra mayor que Plutón.
- El criteriu de la esfera gravitacional, define como planeta acualquier oxetu arredondiáu pola mor de la so fuercia gravitacional que gravita directamente alredor del sol y, por estensión d'una estrella. Según esta definición, el cuerpu Ceres del cinturón d'asteroides forma parte de los planetes.
[editar] Otros sistemes planetarios
Dende qu'en 1995 se descubrió'l primer planeta estrasolar o exoplaneta, tiense la certeza de qu'esisten otros planetes alredor d'otres estrelles.
D'entós pa acá identificáronse más de 170, lo que paez indicar que la esistencia de planetes extrasolares ye bastante corriente. Anque toos los detectaos hasta agora son planetes xigantes, polo menos de la talla de Xúpiter o Neptunu, los astrónomos esperen alcontrar dalgún planeta de característiques similares a la Tierra, lo que podía xustificar les investigaciones sobre la posible vida estraterrestre.
[editar] Tipoloxía y formación de planetes
Considérase que los planetes fórmense al tiempou que la so estrella por acrecimientu y condensación d'una nube de gas y de materia interestelar baxo influencia de la gravitación.
Los cuerpos planetarios nacen de les perturbaciones nel discu d'acrecimientu y atrayen oxetos nel so campu gravitacional. Esta fase de creación realízase por impactos sucesivos d'oxetos que circulen nel espaciu a velocidaes relativamente importantes (ente varios quilómetros y decenes de quilómetros por segundu ), produciéndose una gran cantidá de calor en cada colisión.
Los planetas formaos de recién tán asina compuestos de materiales en fusión, y la calor pu conservase varios millones d'años si la superficie enfría lo bastante pa endurecer en froma de roques o de gas.
Puen esistir dos tipos de planetes: los planetes gaseosos y los planetes telúricos (o rocosos)
