Lluna

La Lluna ye l'únicu satélite natural de la Tierra. Ye l'astru más cercanu a nós (la distancia media ente'l centru de la Tierra y la Lluna ye de 384.400 km) y el meyor conocíu. El so diámetru ye de menos d'un terciu del terrestre (3.476 km), la so superficie, una decimocuarta parte (37.700.000 km²), y el so volume al rodiu d'una quincuaxésima parte (21.860.000 km³).

Tabla de conteníos

1 Movimientu de tresllación llunar
2 Movimientu de rotación
3 Tresllación de la Lluna alredor del Sol
4 Los eclipses solares y lunares

[editar] Movimientu de tresllación llunar

La Lluna completa una vuelta alredor de la Tierra aprosimadamente una vegada al mes. Si la Tierra nun rotase sobro'l so propiu exe, sedría perfácil deteutar el movimientu de la Lluna na so órbita. Esti movimientu fae que la Lluna avance alredor de 12º nel cielo ca día. Si la Tierra nun rotare, lo que veríemos sedría la Lluna cruciando la bóveda celeste d'oeste a este demientres dos selmanes, y darréu taríe dos selmanes ausente (demientres les cuales la Lluna sedría visible nel llau opuestu del Globu).

Por embargu, la Tierra completa un xiru cada día (la direición de xiru ye tamién haza l'este). Asina, cada día-y lleva a la Tierra al rodiu de 50 min más pa tar de frente cola Luna nuevamente (lo cualo sinifica que nós podemos ver la Lluna nel cielu.) El xiru de la Tierra y el movimientu orbital de la Lluna combinense, de tal forma que la salida de la Lluna retrasase del orde de 50 min cada día.

Teniendo en cuenta que la Lluna tarda aprosimadamente 28 díes en completar la so órbita alredor de la Tierra, y ésta tarda 24 h en completar una revolución alredor del so exe, ye cenciellu calcular el "retrasu" diariu de la Lluna:

Mentantu qu'en 24 hores la tierra realiza una revolución completa, la Lluna namái recorre un 1/28 de la so órbita al rodiu de la Tierra, lo cual espresáu en graos d'arco mos dá:

$\frac{360^\circ}{28}={12^\circ} {51'}$

Si agora calculamos el tiempu que la Tierra na so rotación tarda en percorrer esti arcu,

$\frac{12^\circ 51'}{360^\circ}\times{24}\times{60}={50,4}$

dános aprosimadamente los 51 minutos que la Lluna retrasa la so salida ca día.

Pa notar el movimientu de la Lluna na so órbita, hai que tener en cuenta la so ubicación nel momentu de la puesta de Sol demientres dellos díes. El so movimientu orbital llevarála a un punto más haza l'este nel cielu ca día.

[editar] Movimientu de rotación

La Lluna xira sobre sí mesma y presenta-y a la Tierra constantemente'l mesmu hemisferiu y esta rotación dura un tiempouigual al d'una revolución sideral de la Lluna. L'enclín del exe de rotación ye de 88,3° con respeutu al planu de la eclíptica, la duración de la rotación de la Lluna ye esautamente igual a la de la so tresllación alredor de la Tierra.

[editar] Tresllación de la Lluna alredor del Sol

Al desplazase en tornu'l Sol, la Tierra arrastra al so satélite y la forma de la trayeutoria qu'ésta describe ye una curva de tal natura qu'empobina siempres la so concavidá haza'l Sol. La velocidá con que'l nuesu satélite se desplaza na so órbita ye de 1 km/s.

Fases de la Lluna

[editar] Los eclipses solares y lunares

Debense a una "estraordinaria" casualidá. El Sol ye 400 vegaes más grande pero tamién ta 400 vegaes más lloñe de mou que dambos tienen aprosimadamente'l mesmu tamañu angular. La Lluna nún eclipse lunar pue contener fasta trés vegaes el so diámetru dientru'l conu de solombra causáu pola Tierra. Pol contrariu nún eclipse solar la Lluna malpenes tapez al Sol (eclipse total) y en determinaes partes de la so órbita, cuandu ta más distante nun llega a ocultalu del tou, dexando una franxa anular (eclipse anular). La complexidá del movimientu llunar fae abegosu'l cálculu de los eclipses y se tien que tener presente na periodicidá en qu'éstos se producen (Periodu Saros).