Cinturón d'asteroides
De Uiquipedia
Cinturón d'asteroides ye'l nome que se-y da a la zona del Sistema Solar allugada ente Marte y Xúpiter, na que s'atopen gran cantidá d'asteroides.
[editar] Descripción
Anguaño se conocen más de 40.000 asteroides con un diámetru de más de 800 metros. El mayor d'ellos ye Ceres, mide 950 km de diámetru y por ello foi tamién el primeru en ser descubiertu. Namái los más grandes tienen forma esférica; la gran mayoría son enforma más pequeños y irregulares, presentando bultables fractures estructurales y incluso pudiéndose davezu considerar como cuerpos compuestos, como ye'l casu de Toutatis, magar que nun ye parte del cinturón d'asteroides. En conxuntu, formen un aniellu alredol del Sol.
Los asteroides nun se distribuyen uniformemente con la distancia al Sol. A determinaes distancies que se correspuenden con periodos de revolución que formen una relación sencilla col periodo de Xúpiter hai una drástica reducción d'asteroides, lo que se conoz como Güecos de Kirkwood y ta en relación fonda cola resonancia orbital de Xúpiter.
Hai bien delles teoríes sobre'l so orixe, pente les que destaca la que caltién que éste se debe a los restos d'un planeta vieyu, que popularmente recibiría el nome de Faetón, y que, por causes desconocíes, españó en dellos cachos.
[editar] Otros cinturones d'asteroides y asemeyaos
Esisten otres concentraciones d'asteroides nel Sistema Solar; pente les que destaquen el Cinturón de Kuiper y los asteroides Troyanos.
