Heidi Abel
Us der alemannische Wikipedia, der freie Dialäkt-Enzyklopedy
Quelle: www.premiosondas.com
 |
Dialäkt: Baseldytsch |
D' Heidi Abel (* 21. Februar 1929, † 23. Dezember 1986) isch e schwyzer Färnsee- und Radiomoderatorin gsi.
[ändere] Biografi
S'Heidi Abel hett nooch dr Matura am Maidligymnasium und nooch dr Usbildig a dr Kunschtgwärbschuel z'Basel zeerscht als Operatrice und Asagerin bi dr Basler Radio- und Kabelgsellschaft Radibus gschafft und denne als Asagerin, vor allem aber au Moderatorin und Redaktorin fyr verschideni Sändige bim Schwyzer Färnsee in Zyri. Si isch e Fernsehfrau vo dr erschte Stund bim dämzumoll junge Schwyzer Färnsee und e prägends Gsicht vom Färnsee vor dytsche Schwyz (DRS) gsi.
S'Heidi Abel het Kindersändige wie Die Welt ist rund (D'Wält isch rund), Was man weiss und doch nicht kennt (Was me weiss aber doch nit kennt), und e Viilzahl vo Noochrichte-, Diskussions- und Unterhaltigssändige moderiert, wie "Heidi Abel sucht Plätze für Tiere (Heidi Abel suecht es Plätzli fyr Tier), DRS-aktuell, Musik und Gäste (Musik und Gescht), Telefilm und anderi mee. Zletscht hett die TV-Frau d'Sändig "Karambuli" moderiert. S'Heidi Abel isch au am Schwyzer Radio DRS z'heere gsi (Talk-Show "Persönlich" (Perseenlig)).
S'Heidi Abel het zahlriichi Uszeichnige fyr ihr Schaffe bikoo. (1956 Uszeichnig vom spanische Färnsee als beschti Sprächerin, 1976 MUT-Priis fyr bsunderi Verdienscht um dr Mensche-, Umwelt- und Tierschutz, 1983 "Tele"-Priis fyr d Gsprächsfyerig in dr Sändig "Telefilm"). Im 2000 isch s'Heidi Abel postum vonere Färnsee-Zittschrift zur schwyzer Färnseefrau vom 20. Johrhundert gwählt worde.
1986 isch dur's Legat vo dr Heidi Abel dr Innovationsfonds vo dr Stiftig fyr Apassti Technologi und Sozialökologi (SATS) vom Ökozentrum Langebruck begrindet worde.
Z'Zyri isch uf si dr Heidi-Abel-Wäg tauft worde.
[ändere] Webgleicher
- Wärk vo und über s'Heidi Abel im Katalog vo dr Schwizerische Landesbibliothek
| Persoonedaate | |
|---|---|
| NAME: | Abel, Heidi |
| ALTERNATIVNAMEN: | |
| KURZBESCHREIBUNG: | Schweizer Fernseh- und Radiomoderatorin |
| GEBURTSDATUM: | 21. Februar 1929 |
| GEBURTSORT: | |
| STERBEDATUM: | 23. Dezember 1986 |
| STERBEORT: | |
