496
Us der alemannische Wikipedia, der freie Dialäkt-Enzyklopedy
Jôhrestag | Jôhrzehnt | Jôhrhundart | Jôhrtousend | Kalendar
◄ | 4. Jahrhundert | ◄ 5. Jahrhundert ► | 6. Jahrhundert | ►
◄ | 460er | 470er | 480er | ◄ 490er ► | 500er | 510er | 520er | ►
◄◄ | ◄ | 491 | 492 | 493 | 494 | 495 | ◄ 496 ► | 497 | 498 | 499 | 500 | 501 | ► | ►►
S'Johr 496 isch e Schaltjohr mit 366 Däg gsi.
Inhaltsverzeichnis |
[ändere] Ereignisse
[ändere] Alemannischi Gschicht
S'Johr 496 markiert e Zäsur in dr Geschicht vu dr Alemanne. D'Alamanne verliere d'Schlacht vu Zülpich gege d'Franke underem Chlodwig I. un chumme in dr folgende Johre gänzlich under fränkischi Herrschaft. Si müen ihri nördliche Sidligsgebite rüme un dr Franke ybergä. Sälli verlorene Gebite sin im wesetliche s'hütig nördlich Bade-Württeberg.
Demit het s'alemannisch Sidligsgebit bis uf einigi Alpedäler si hütigi Usdähnig erreicht.
Dr Chlodwig, verhirotet mit dr Christin Clothilde, nimmt nooch em Siig yber d'Alamanne dr christlich Glaube a, agäblich will er vor dr Schlacht dr Christegott um Bistand bäte het.
Es isch allerdings froglich, ob die Schlacht so stattgfunde het. Zülpich lit in Nordrhi-Westfale un demit witt weg vu alamannischem Gebiit. Mer nimmt eher a, dass do mehreri Schlachte us herrschaftliche Propagandagründe später zue einere zämmegfasst worre sin, um d'Bedütig vum Chlodwig z'betone.
Datsach isch, dass d'Franke d'Alamanne um 500 underworfe un zur Ufgab vu dr nördliche Sidligsgebiite zwunge hän un dr Chlodwig um sälli Zitt die katholisch (un nit wie d'Gote die arianisch) Form vum Christetum agnumme het. Demit hän au die fränkische Eroberer dr Glaube vu dr underworfene Romane agnumme.
Dr Bericht yber d'Annahm vum Christetum nooch ere Aruefig vor ere Schlacht erinnert starch an dr Konstantin dr Grosse wo s'gliich vor dr Schlacht an dr Milvische Bruck gmacht häb: in hoc signum vincas (Mit sällem Zeiche wirsch du siige). Es klingt dorum arg nooch herrschaftlicher Legendebildig. Dr Chlodwig, fer sini romanische Undertane de iure Statthalder vum Kaiser in Konstantinopel. stellt sich mit dr Anahm vu dr katholisch-orthodoxe Staatsreligion in bewusste Gegesatz zum Gotekönig Theoderich dr Gross, wo domols - de iure ebefalls als kaiserlicher Statthalter, sowohl s'Ostgoterich (Italie, Provence) regiert het wie au dur e dynastischi Hirot grosse Ifluss im Westgoterriich (Spanie) gha het. Dr Chlodwig nimmt statt desse d'Religion vum Kaiser a und stellt sich mit dr Alähnig an dr Kaiser Konstantin ganz in die römisch Tradition.
[ändere] Politik un Weltgschähe
- 24. November: Dr Anastasius II. wird Papst als Noochfolger vum Gelasius I.. Dr Anastasius zeigt Bereitschaft, s'akakianisch Schisma z'yberwinde.
- Dr Thrasamund wird als Noochfolger vum Gunthamund Chönig vu dr Vandale, D'Vandale sin s'einzig Germaneriich, wo sich offiziell vum Römische Riich uabhängig erchlärt het un beherrsche mit ihrer Flotte vu Karthago us s'Middelmeer.
- Mit em Decretum Gelasianum, wo uf eme Konzil z'Rom vorgstellt wird, wird vu dr Chilche e Liste vu verbotene Büecher rusgäbe - was e uschöni Tradition begründet: dr Index Librorum Prohibitorum
- Dr Kaiser Anastasios I. setzt dr Patriarch vu Konstantinopel, Euphemios, ab un schickt ihn in d'Verbannig. Si Noochfolger wird dr Makedonios II.
[ändere] Gstorbe
- 21. November: Gelasius I., Papst
- Gunthamund, Chönig vu dr Vandale
