Sterrenag oor die Rhône
vanuit Wikipedia, die vrye ensiklopedie.
 |
| Sterrenag oor die Rhône |
| Vincent van Gogh, 1888 |
| olie op doek, 72.5 × 92 cm |
| Musée d'Orsay |
Sterrenag oor die Rhône (September 1888) is een van Vincent van Gogh se nagtelike skilderye van Arles. Van Gogh se bekoring met die hemel en sterre was die inspirasie vir meeste van sy beroemde skilderye insluitend Kafeeterras in die aand en Sterrenag. Die tydperk in Arles was was een van die mees produktiewe in sy kort loopbaan. Sy skildery Kafeeterras in die aand het Sterrenag oor die Rhône met minder as 'n maand voorafgegaan. Sterrenag is in Junie 1889 geskilder.
Die uitdaging om in die nag te skilder het Van Gogh geboei. Die perspektief wat hy vir Sterrenag oor die Rhône gekies het het hom toegelaat om die weerkaatsings van die gasverligting in Arles oorkant die glinsterende water van die Rhônerivier vas te vang. Die hemel daarbo word verlig deur die Groot Beer-sterrebeeld. In die voorgrond geniet twee minnaars die sagte naglig terwyl hulle aan die oewer van die rivier wandel.
Die uitbeeld van kleur was vir Van Gogh baie belangrik. In briewe aan sy broer, Theo van Gogh, het hy baie maal voorwerpe in sy skilderye in terme van hulle kleur beskryf. Sy nagskilderye, insluitend Sterrenag oor die Rhône , het die belangrikheid wat hy daaraan geheg het om die skitterende kleure van die naghemel en die kunsmatige lig, wat nuut tot die tydperk was, vas te vang.
