Samuel de Champlain
vanuit Wikipedia, die vrye ensiklopedie.
Samuel de Champlain (* 1567 in Brouage, Frankryk; † 25 Desember 1635 in Québec (stad), Kanada) is 'n Franse ontdekker, navorser, koloniale pionier en van 1633 tot 1635 die eerste goewerneur van Kanada. Hy word ook die "Vader van Nieu-Frankryk" genoem.
De Champlain stig in 1608 Québec (stad), die huidige hoofstad van die Provinsie Québec. Tydens sy ekspedisies in die binneland van Kanada doen hy navorsing oor die Saint-Laurentrivier en ontdek in 1615 die Huronmeer. Hy lewer 'n waardevolle bydrae tot die vroeë kartografie van Kanada en beskryf in sy etnologiese geskrifte die gebruike en sedes van die Eerste Nasies. 'n Aantal stamme van die Eerste Nasies word sy bondgenote in die stryd teen die Britse koloniale troepe in Noord-Amerika.
