韩国

来自吴语维基百科

대한민국
大韓民國


国旗	国徽

国家格言：使廣大人類得益（널리 인간을 이롭게 하라）；弘益人間（홍익인간）

国歌：愛國歌 (韓國)

自然地理
（实际管辖区）

首都

首尔（老早叫汉城）

最大城市

首爾,서울：10,229,262人(1995年)
釜山,부산：3,813,814人(1995年)
仁川,인천：2,307,618人(1995年)

面积

国土面积：99,274平方公里
水域率：0.3%

时区

东九区

人民生活

官方语言

韩语

人口

总人口：47,278,952人（2005年11月）
人口密度：474人（2005年）/km²

政治文化

国家领导人：

国家元首：总统：卢武铉
政府首脑：总理：韓明淑

主要节日

独立日：1948年7月17日

经济实力

货币单位

1韩元 (₩)=100錢

GDP

7875亿美元（2005年）

人均GDP

16305美元（2005年）

中央银行

韩国银行,한국은행

国家资料

国家象征

国花：無窮花(木槿花),무궁화(목근화)

国际域名缩写

.kr

国际电话区号

編輯

大韩民国（대한민국）是一个位于東北亚朝鲜半岛南许个国家。西南濒临黄海，东南是朝鲜海峡搭仔对马海峽，东边拨韩国东海（也叫日本海，有争议）包围。北面是非军事区搭朝鲜民主主义人民共和国对峙。原来搭朝鲜民主主义人民共和国是一个国家，脱离日本殖民统治仔，大韩民国勒1948年由原来大韩民国临时政府国会议长李承晚立国，搭朝鲜民主主义人民共和国分庭抗礼。

大韩民国简称韓國（한국），为仔搭朝鲜民主主义人民共和国区別，韩国人通常拿自己个国家称为“南韩”（남한），而拿朝鲜民主主义人民共和国称作“北韩”（북한）；而朝鲜民主主义人民共和国人老早通常拿自家国家叫“北朝鲜”（북조선），而拿大韩民国称为“南朝鲜”（남조선）。中华人民共和国勒朆搭韩国建交之前，一径拿大韩民国叫“南朝鲜”，1992年建交仔，已经改称“韩国”。香港搭台湾一直习惯拿大韩民国叫“韩国”或者“南韩”。日本也习惯称大韩民国为“韩国”（かんこく,罗马字：Kankoku），必过现在国内个朝鲜人有要求改用韩语发音，而弗是日语发音。

[编辑] 历史

韩国历史、大韩民国历史年表

[编辑] 政治

[编辑] 军事

实行普遍征兵搭招募志愿兵制。陆军搭海军陆战队服役期为两年半，空军搭海军为三年。总统为三军最高统帅。现有总兵力69.1万，其中陆军56万，海军6.8万，空军6.3万。预备役380万。2004年国防预算增长8%，占GDP3.2%。美国勒韩国有部队3.7万人。

[编辑] 行政区域

韩国行政图

韩国由8个道（도）、一个特別自治道（특별자치도）、一个特别市（특별시）和6个广域市（광역시）组成。

地域	名称	韩语	首府	人口	面积	二级行政区	号头
京畿	首尔特別市	서울 특별시	中区	9,853,972	606	25 区	1
	京畿道	경기도	水原市	8,937,752	10,136	27市 4郡 20区	8
	仁川广域市	인천 광역시	南洞区	2,466,338	958	8区 2郡	4
江原	江原道	강원도	春川市	1,484,536	16,536	7市 11郡	9
全罗	全罗北道	전라 북도	全州市	1,887,239	8,047	6市 8郡 2区	12
	全罗南道	전라 남도	务安郡（南岳）	1,994,287	11,956	5市 17郡	13
	光州广域市	광주 광역시	东区	1,350,948	501	5区	5
庆尚	庆尚北道	경상 북도	大邱广域市	2,716,218	19,021	10市 13郡 2区	14
	庆尚南道	경상 남도	昌原市	2,970,929	751	10市 10郡 2区	15
	釜山广域市	부산 광역시	莲堤区	3,655,437	886	15区 1郡	2
	大邱广域市	대구 광역시	中区	2,473,990	886	7区 1郡	3
	蔚山广域市	울산 광역시	南区	1,012,110	1,056	4区 1郡	7
忠清	忠清北道	충청 북도	清州市	1,462.621	7,433	3市 8郡 2区	10
	忠清南道	충청 남도	大田广域市	1,840,410	8,590	6市 9郡	11
	大田广域市	대전 광역시	中区	1,365,961	540	5区	6
济州	济州特別自治道	제주특별자치도	济州	512,541	1,846	2市	16

[编辑] 地理

韩国雪景

韩国位于朝鲜半岛南部。朝鮮半岛地处亚洲大陆个东北部，从北朝南延伸，全长1,100公里。韩国邻海搭太平洋最西部个海域交汇。朝鲜半岛北部搭中国、俄罗斯接壤，东部濒临东海(日本海)，搭邻国日本隔海相望。除脱搭大陆相连个半岛之外，韩国还有3,000个大大小小个岛屿。

朝鲜半岛面积为222,154平方公里，差勿多搭英国或者罗马尼亚大小相当。其中45%，即99,000平方公里土地，为可耕地（弗包括已经开垦个土地）。像葡萄牙、匈牙利、爱尔兰一样，朝鲜半岛个山地大约占领土个三分之二。

长白山沿半岛朝整个东海(日本海)海岸延伸。由于东海(日本海)波浪冲击，东海岸形成一片悬崖峭壁搭岩石岛。西部搭南部坡度平缓，形成平原搭交关近海岛屿、小港湾。

朝鲜半岛有交关风景优美个山川，因此韩国人往往帮伊称作“锦绣江山”。最高个山峰是位于朝鲜搭中国接壤个白头山（长白山），海拔2,744米。白头山是一座活火山，山口形成了一个叫“天池”个大来交关个火山湖。白头山是韩国民族精神特别重要个象征，拨写进韩国国歌当中。

洛东江（长525公里）和汉江（长514公里）是半岛南部地区两条主要河流。流经韩国首都首尔(汉城)个汉江是古代王国发展生息搭沿江人民个生命线，如今则成为现代韩国人口密集个中部地区生命线。

[编辑] 经济

韩国个经济一直侪是由好几个财团家族垄断，经济规模学个是日本财团模式，崇尚“大”。搿星财团，侪勒到朝鲜战争之后建立个。勒1995年，当时全国四大财团分别是：现代集团、三星集团、大宇集团搭LG集团。弗过勒1997年发生个亚洲金融风暴之后，30家财团平均债务资产比率达到379.8%，国家原来个18个财团，只剩下来4个，但是渠俚到现在仍勒到主导韩国个经济发展，2005年韩国前十大公司净赚250亿美元。三星公司目前掌握韩国大约22％个出口值，每年缴8％个税金。韩国媒体一例用“三星王国”、“三星共和国”、“李健熙时代”等来形容三星集团对韩国经济个影响力。2005年韩国国民收入突破16000美元，勒“亚洲四小龙”里向超过台湾，韩国总统卢武铉曾经话过一句话：“到2010年，韩国要实现挺进世界贸易前八强个目标，开创国民收入两万美元个时代。”

1997年之后，韩国个企业获得重生，三星、LG、现代，变成全球知名品牌，三星更加打败索尼（Sony），成为全球电子界个第一把手。2004年韩国出口增长率达到31％。但是勒2004年，韩国低收入个“非正式”工人达到全国就业人口个37%，每3个工人里向就有1个是非正式工人，搿星非正式工人弗算勒失业率里，个咾韩国员工失业率统计数据远远低于台湾，大概有500万非正式工人是韩国经济高速发展个牺牲品。贫富差距也是韩国个一大问题，成为韩国高度发展经济个阴影，越来越严重个通货膨胀使得韩国国民生活更加困难。个咾韩国政府面临个任务是解决产业发展失衡、贫富两极分化等其他社会问题。

[编辑] 人口

韩国人接近4728万人，全国为单一个韩族(朝鲜族)，通用韩语(朝鲜語)。

从古到今，韩国人多数侪是信韩传萨满教。现今，韩国有26%信仰佛教，另外26%信仰天主教搭基督教。剩下来个或者弗信教，或者信韩传萨满教、道教、天道敎搭伊斯兰教。

[编辑] 文化

韩国个报纸：东亚日报、朝鲜日报搭韩国日报等。搿星报刊有弗少侪另外发行体育报，专门报道体育搭娱乐新闻。

**韩国全国假日**
日脚	吴语名	备注
1月1号	元旦,신정	新年头一日
农历正月初一	民俗日	民俗日放3日假
3月1号	独立运动纪念日,삼일절	1919年3月1号大规模反抗日本统治独立运动周年纪念日
4月5号	植树节,식목일	搿日全国各地植树造林
5月5号	儿童节,어린이 날	搿日帮儿童举行各种庆祝活动
农历四月初八	浴佛节,석가탄신일	庙里向举行庄严仪式
6月6号	显忠日,현충일	全国勒搿日向阵亡将士献祭，勒首尔国立公墓举行纪念仪式
7月17号	制宪节,제헌절	纪念1948年颁布大韩民国宪法
8月15号	光复节,광복절	1945年8月15号，韩国从长达35年之久个日本殖民主义统治当中解放出来。故日还是1948年大韩民国政府成立纪念日
农历八月十五	中秋节,추석	居是顶大个节日之一，家家户户勒屋里祭祖或者到坟浪扫墓，夜来赏月，互致祝福
10月3号	开天节,개천절	纪念檀君勒公元前2333年建立第一个韩民族国家个一日
12月25号	圣诞节,성탄절	韩国基督教徒搭非教徒一道庆祝个节日

[编辑] 宗教

韩国人有信教个自由。古代从中国传进来个佛教，1784年从中国传进来个天主教，搭1885年从美国传进来个基督教（也称为改新教）是勒韩国起主导地位个三大宗教，有交关信徒，特别是基督教搭天主教还勒到扩展当中。同样中国传进来个儒教作为支配大多数韩国人生活伦理，而仍占有一席之地。今朝个世界浪，比较之后得出，韩国是原来儒教文化圈当中受儒教影响最深个国家。

[编辑] 基督教

朝鲜战争结束仔，韩国基督教发展得交关快，信徒人数多年来爆炸性增长，一径到今朝，韩国个基督教徒大约有1800万人，勒总人口里向个比例达到39％，再拿天主教算进去就突破50%。韩国变成勒菲律宾、东帝汶之后个亚洲第三个以基督教为主导个国家。该个里向首尔是韩国改新教个大本营，渠个总人口个46%是改新教徒（天主教徒为17%），教堂林立，夜来交关霓虹灯个十字架是搿敦突出个景观之一。

现在韩国教会还勒到海外进行传教活动，而且争取成为世界顶大个传教国家。

基督教勒教育领域有重要影响。延世大学是韩国享有盛誉个常春藤盟校之一。

韩国基督教现在顶大个教派是属于灵恩派个五旬节派。

- - 韩国顶大个基督宗派是韩国基督长老会***

另外，基督教个一个异端派别－－文鲜明个统一教扩展也蛮迅速。

[编辑] 天主教

1784年，有星儒家学者从中国北京带回转天主教信仰。初期（一径到大院君失势），因为搭朝鲜社会个传统价值观弗合，信徒受到过严重个迫害，有交关信徒殉道死亡。韩国个天主教圣徒人数居世界第四位。

现在韩国有天主教友500来万人（人口比例超过10%）。现在，韩国天主教会是世界浪成年人信仰皈依顶多个教会，年年有超过15万以上成年人进教。同时，韩国天主教会还向世界各国（甚至向缺少司铎个法国搭仔德国）派遣2400来名传教士。最近两届总统金大中搭卢武铉侪是天主教徒。

天主教西江大学也是韩国常春藤盟校之一，勒韩国社会享有盛誉。

[编辑] 勒韩国个中国人

勒韩国大约蓦匝有30万中国人，里向作兴有25万是中国朝鲜族人，还有个5万是汉族人，大部分侪勒韩国做生活。

[编辑] 外部链接

亚洲

东亚搭北亚	：	中华人民共和国（中国大陆）\| 中华民国（台湾）¹\| 日本 \| 朝鲜民主主义人民共和国（朝鲜） \| 大韩民国（韩国） \| 蒙古国 \| 俄罗斯
东南亚	：	缅甸 \| 文莱 \| 柬埔寨 \| 东帝汶 \| 印度尼西亚 \| 老挝 \| 马来西亚 \| 菲律宾 \| 新加坡 \| 泰国 \| 越南
南亚	：	孟加拉国 \| 不丹 \| 印度 \| 马尔代夫 \| 尼泊尔 \| 巴基斯坦 \| 斯里兰卡
中亚	：	哈萨克斯坦 \| 吉尔吉斯斯坦 \| 塔吉克斯坦 \| 土库曼斯坦 \| 乌兹别克斯坦
西亚	：	阿富汗 \| 亚美尼亚 \| 阿塞拜疆 \| 巴林 \| 塞浦路斯 - 北塞浦路斯 \| 格鲁吉亚 \| 伊朗 \| 伊拉克 \| 以色列 \| 约旦 \| 科威特 \| 黎巴嫩 \| 阿曼 \| 巴勒斯坦 \| 卡塔尔 \| 沙特阿拉伯 \| 叙利亚 \| 土耳其 \| 阿拉伯联合酋长国 \| 也门
其他特殊政区	：	香港（中华人民共和国）\| 澳门（中华人民共和国）

世界地理索引 | 非洲 | 美洲 | 南极洲 | 欧洲 | 大洋洲 | 各国首都

(1) 请查看台湾问题

Retrieved from "http://wuu.wikipedia.org../../../%E9%9F%A9/%E5%9B%BD/_/%E9%9F%A9%E5%9B%BD.html"

Category: 地理

韩国

来自吴语维基百科

内容

[编辑] 历史

[编辑] 政治

[编辑] 军事

[编辑] 行政区域

[编辑] 地理

[编辑] 经济

[编辑] 人口

[编辑] 文化

[编辑] 宗教

[编辑] 基督教

[编辑] 天主教

[编辑] 勒韩国个中国人

[编辑] 外部链接

Views

导航

搜寻

别样闲话版本

韩国

来自 吴语维基百科

内容

[编辑] 历史

[编辑] 政治

[编辑] 军事

[编辑] 行政区域

[编辑] 地理

[编辑] 经济

[编辑] 人口

[编辑] 文化

[编辑] 宗教

[编辑] 基督教

[编辑] 天主教

[编辑] 勒韩国个中国人

[编辑] 外部链接

Views

导航

搜寻

别样闲话版本

来自吴语维基百科