Che Guevara
Tikang ha Wikipedia
- Mayda impormasyon hini nga artikulo nga aada han Iningles nga bersyon nga angay ighubad ha Winaray
| Ernesto Guevara de la Serna | |
|---|---|
 |
|
| Natawo | Hunyo 14, 1928 Rosario, Argentina |
| Namatay | Oktubre 9, 1967 La Higuera, Bolivia |
Hi Ernesto Guevara de la Serna (Hunyo 14, 1928 (opisyal nga petsa) – Oktubre 9, 1967), nga kilalado komo Che Guevara o el Che, amo in Argentino-ha-katawo nga rebolusyonaryo nga Marxista , politiko, ngan Cubano nga namuno hin gerilya. Komo batan-on, hi Guevara nag-aram hin medisina ngan nagsudoy ha bug-os han Latin America, mga binuhat nga nakadara ha iya hin direkta nga pakakita han kakablasanon nga kabutangan hin kadam-an. Pinaagi hini nga mga eksperyensya, nakumbinse hiya nga rebolusyon la an makasolbar han waray-igualidad han rehiyon, nga nagdara ha iya nga mag-aram mahitungod han Marxismo ngan han iya kahi-apil han rebolusyon sosyal han Guatemala ha ilarom ni Presidente Jacobo Arbenz Guzmán.
Ha pag-ikaiha, hi Guevara nahimo nga api han kan Fidel Castro Movimiento han 26 han Julio nga nakakuha hin poder ha Cuba han 1959. Katapos hin pagsirbe hin mga dirudilain nga mga importante nga puesto han bag-o nga gobyerno ngan pagsinurat hin pira nga mga barasahon ngan libro mahitungod han teorya ngan praktika han gerilya nga pan-gyera, hi Guevara linmakat tikang ha Cuba han 1965 agod mag-aghat hin mga rebolusyon, ha syahan didto ha Congo-Kinshasa (nga ginngaranan ha pagka-iha nga Republika Demokrata han Congo) ngan sunod ha Bolivia, nga diin nadakpan hiya hin usa nga gin-organisa-hin-CIA nga operasyon. Ginpatay hi Guevara han Ehersito nga Boliviano ha La Higuera harani ha Vallegrande han Oktubre 9 1967. An mga partisipante ngan mga saksi han mga panhinabo han iya kataposan nga mga takna natestigos nga an mga nagdakop ha iya nagpatay ha iya, posible nga agod waray publiko nga trial katapos hin pagpriso ha Bolivia.
Katapos han iya kamatayon, hi Guevara nahimo nga simbolo han socialista nga mga pakigbisog rebolusyonaryo ha palibot han kalibutan. In litrato ni Guevara nga ginkuha ni Alberto Korda (ha tu-o) nagkamay-ada hin haluag nga pagpasamwak ngan pagmodifikar, ngan amo an gintawag nga "pinakasikat nga litrato han kalibutan ngan simbolo han ika-20 nga siglo."[1]
[igliwat] Mga Sumpay ha Gawas
Categories: Angay ighubad | Biyograpiya | Natawo han 1928 | Namatay han 1967 | Argentino nga komunista | Argentino nga physician | Vascongado nga Argentino | Cubano nga komunista | Cubano nga politiko | Cubano nga physician | Namatay tikang hin armas de fuego | Marxista nga teorista | Militar nga manunurat | Ginbitay nga mga rebolusyonaryo | Taga-Rosario | Rebolusyonaryo | Humanitariano
