Cawete -isse 1
Èn årtike di Wikipedia.
Li cawete -isse 1, c' est ene cawete, nén foirt vicante mins pår walone, ki si stitche après on no u après on viebe, et dene on no u èn addjectif.
Les sacwès lomêyes avou on no e "-isse" sont-st ene miete rabaxheyes. Po les addjectifs, c' est purade po djåzer di des dfåts.
Portant, sacwants mots n' ont nén (u ont pierdou) ci laid costé la (treyisse).
Li cawete -isse provént del cawete latene -iciu. Ele respond a ene cawete francesse -is, la k' on n' prononce nén li "S", di des mots comme "fouillis", "clapotis".
Li cawete est omonime del cawete -isse 2 (socialisse, comunisse).
Ådvins |
[candjî] Egzimpes d' addjectifs avou l' cawete -isse
[candjî] acawêye a on viebe
- taenisse, hodisse : refoircixhadje des mots sinomimes hodant, taenant (cawete -ant) et hodåve (cawete -åve).
- covisse
- endalisse
[candjî] acawêye a on no
- djivisse
[candjî] Egzimpes di nos avou l' cawete -isse
[candjî] Vicansté del cawete -isse
Li cawete -isse n' a nén siervou ås noûmots foirdjîs pås scrijheus lidjwès å cmince do 20inme sieke.
On tuze k' on mot come "endalisse" pôreut aveur stî foirdjî pa A. Laloux. Kécfeye bén ossu "djivisse".
Gn a waire yeu d' noûmots askepyîs påzès rfondeus avou l' cawete -isse, dandjreus paski c' est ene cawete ki dene on sintumint sol sacwè. Tolminme, on pout rilever : candjisse
[candjî] Vîs scrijhaedjes del cawete -isse
Dins l' sicrîta, ci n' esteut nén åjhey di ricnoxhe li cawete -isse, ca les mots estént sovint scrîts is ki pout esse eto li cawete -i (Stockis, Stoquis). Rilevans kel cawete -î, dins le scrîta, est pus sovint ortografieye -y (Stoky)
Dins les scrijhaedjes di dvant Feller, li cawete est ortografieye -iss dins l' Motî da Forir.
E sistinme Feller, li cawete -isse si scrît avou ene coron-faflote : -is´ po les addjectifs et les mots omrins, et -isse po les addjectifs et mots femrins.
E rfondou walon, shûte å disfaflotaedje, li coron-faflote n' est pus eployeye : on scrît li cawete omrinne et femrinne -isse.
[candjî] Parints foirdjîs sol cawete -isse
- avou l' cawete -reye : tchinisreye.
