பிரித்தானிக்கா கலைக்களஞ்சியம்
கட்டற்ற கலைக்களஞ்சியமான விக்கிபீடியாவில் இருந்து.
பிரித்தானிக்கா கலைக்களஞ்சியம் (Encyclopædia Britannica) உலகிலேயே மிகப் பழையதும், பெரு மதிப்புடையதுமான ஆங்கில மொழிப் பொதுக் கலைக் களஞ்சியம் ஆகும். இதனுடைய கட்டுரைகள், பொதுவாகச் சரியானவையும், நம்பிக்கைகுரியவையும், நன்றாக எழுதப்பட்டவையுமாகுமெனக் கருதப்படுகின்றன.
இது Scottish enlightenmentஇனுடைய ஒரு உற்பத்தியாகும். இது முதலில் எடின்பரோவில் அடம் (Adam) மற்றும் சார்லஸ் பிளாக் (Charles Black) என்பவர்களினால் 18 ஆம் நூற்றாண்டு தொடக்கம் பதிப்பிக்கப்பட்டது. பிரெஞ்சு Encyclopédie போலன்றி, பிரித்தானிக்கா பழமைவாதப் பதிப்பாகும். பிந்திய பதிப்புக்கள் வழமையாக ஆட்சியிலிருந்த சக்கரவர்த்திகளுக்கு சமர்ப்பணம் செய்யப்பட்டன. 1870 களில், இதன் 19 ஆம், 20 ஆம் பதிப்புக்களின் போது இவ் வெளியீடு ஸ்கொட்லாந்திலிருந்து இலண்டனுக்கு மாற்றப்பட்டு த டைம்ஸ் என்னும் செய்திப் பத்திரிகையுடன் இணைக்கப்பட்டது. 11 ஆவது பதிப்புக்காக, இவ்வெளியீடு, இங்கிலாந்திலேயே, கேம்பிறிஜ் பல்கலைக் கழகத்துடன் இணைக்கப்பட்டது. 11 ஆவது பதிப்புக்குப் பின்னர், இதனுடைய வியாபாரச் சின்னமும், பதிப்புரிமையும் சியர்ஸ் ரோபக் (Sears Roebuck) நிறுவனத்திற்கு விற்கப்பட்டதுடன், சிக்காகோ, இல்லினோயிஸ், ஐக்கிய அமெரிக்காவுக்கு மாற்றப்பட்டு அங்கேயே நிலைகொள்லலாயிற்று. தற்போதைய பதிப்பாளர்கள் "என்சைக்கிளோபீடியா பிரித்தானிக்கா நிறுவனம்" (Encyclopædia Britannica Inc.) ஆகும். இந்நிறுவனம் தற்போது "Britannica" (பிரித்தானிக்கா) என்னும் சொல்லுக்கு வியாபாரச்சின்ன உரிமை பெற்றுள்ளது.
2004 நிலையின் படி, மிக முழுமையான நிலையிலுள்ள, "பிரித்தானிக்கா கலைக்களஞ்சிய" (Encyclopædia Britannica) பதிப்பு, 4.4 கோடி சொற்களைக் கொண்ட 120,000 கட்டுரைகளை உள்ளடக்கியுள்ளது. இது புத்தக வடிவிலும் (32 பாகங்கள், குறிக்கப்பட்டுள்ள விலை 1400 அமெரிக்க டாலர்கள், 65,000 கட்டுரைகள்), இணையத்திலும் (120,000 கட்டுரைகள், கட்டுரைகளின் சுரக்கத்தை இலவசமாகப் பார்க்க முடியும், முழுமையான கட்டுரைகளைப் பார்க்கத் தனிப்பட்டவர்களுக்கு, மாதமொன்றுக்கு 10 அமெ.டாலர்கள் அல்லது ஆண்டுக்கு 60 அமெ.டாலர்கள் செலுத்தவேண்டும்.), CD-ROM மற்றும் DVD-ROMஇலும் (100,000க்கு மேற்பட்ட கட்டுரைகள், 50 அமெ. டாலர்கள்), பதிப்பித்து வெளியிடப்படுகின்றன.
பிரித்தானிக்காவின் தற்போதைய பதிப்பு 4000 க்கு மேற்பட்டவர்களால் எழுதப்பட்டுள்ளது. இவர்களுள் பிரபல அறிஞர்களான மில்டன் பிறீட்மன் (Milton Friedman), கார்ல் சாகன் (Carl Sagan) மற்றும் மைக்கேல் டிபேக்கே (Michael DeBakey) என்பவர்களும் அடங்குவர். 35 வீதமான கலைக்களஞ்சியத்தின் உள்ளடக்கங்கள் கடந்த இரண்டு வருடங்களுக்குள் திருத்தி எழுதப்பட்டுள்ளன.
[தொகு] பதிப்பு வரலாறு
| பதிப்பு | வெளியீடு | அளவு |
|---|---|---|
| 1வது | 1768–1771 | 3 பாக. |
| 2வது | 1777–1784 | 10 பாக. |
| 3வது | 1788–1797, 1801 sup. | 18 பாக. + 2 இணை. |
| 4வது | 1801–1809 | 20 பாக. |
| 5வது | 1815 | 20 பாகங்கள் |
| 6வது | 1820–1823, 1815–1824 sup. | 20 பாக. + 2 இணை. |
| 7வது | 1830–1842 | 21 பாக. |
| 8வது | 1852–1860 | 21 பாக. + சொல்லகராதி |
| 9வது | 1870–1890 | 24 பாக. + சொல்லகராதி.¹ |
| 10வது | 1902–1903 | 9வது பதிப்பு + 9 இணை.² |
| 11வது | 1910–1911 | 29 பாகங்கள்³ |
| 12வது | 1921–1922 | 11வது பதிப்பு + 3 இணை. |
| 13வது | 1926 | 11வது பதி.+ 6 இணை. |
| 14வது | 1929–1973 | 24 பாக. |
| 15வது | 1974–1984 | 28 பாக. |
| 16வது | 1985– | 32 பாகங்கள் |
பாக. = பாகங்கள், இணை. = இணைப்பு, பதி. = பதிப்பு
(1) 9வது பதிப்பு, அக்காலத்தில் பிரபலமான ஜேம்ஸ் கிளாக் மக்ஸ்வெல் என்பவரால் எழுதப்பட்ட மின்னியல் மற்றும் காந்தவியல் தொடர்பான கட்டுரைகளையும், வில்லியம் தொம்சன் என்பவரால் எழுதப்பட்ட வெப்பவியல் தொடர்பான கட்டுரைகளையும் கொண்டிருந்தது.
(2) 10வது பதிப்பில் ஒரு தேசப்படப் பாகமும், சொல்லகராதி (index) கொண்ட பாகமும் சேர்க்கப்பட்டிருந்தன.
(3) 11வது பதிப்பு, பிரித்தானிக்கா கலைக்களஞ்சியத்தின் classic பதிப்பாகக் கருதப்பட்டது. இப்பதிப்பு பொதுக்கள ஆவணமாகக் கிடைக்கும் (பார்க்கவும் 1911 Encyclopædia Britannica)
முதலாவது CD-ROM பதிப்பு 1994ல் வெளியிடப்பட்டது.
[தொகு] வெளியிணைப்புகள்
- Encyclopædia Britannica — உத்தியோகபூர்வ இணையத்தளம்
- Dusting off the Britannica — பிஸ்னஸ் வீக் (Business Week ) இலிருந்து ஒரு கட்டுரை (1997)
- The Lies And Fallacies Of The Encyclopædia Britannica. How Powerful And Shameless Clerical Forces Castrated A Famous Work Of Reference by Joseph McCabe, c. 1947. Tract that claims to show systematic religious bias in the Britannica of the time.
- m:Errors in the Encyclopædia Britannica which have been corrected in Wikipedia, பிரித்தானிக்காவில் இருந்ததாகக் கருதப்படும் பிழைகளின் பட்டியலும் விக்கிபீடியாவில் அவை எவ்வாறு திருத்தப்பட்டன என்பதுவும்.
