Ajuda:Preferéncias utilizaire
Un article de Wikipèdia, l'enciclopèdia liura.
La pagina de preferéncias permet de personalizar d'aspèctes de Wikipèdia.
Las preferéncias s'aplican solament quand sètz connectat. Çai-jos, trobaretz las explicacions sus las diferentas boitas de dialòg que rencontraretz sus vòstra pagina de preferéncias.
Dempuèi lo passatge a la version 1.5 del logicial Mediawiki, qualques exemples d'aquesta pagina pòdon èstre venguts obsolèts : desencusatz-nos-en. Consultatz la pagina d'ajuda associada sus Meta : Ajuda:Preferéncias qu'es mai a jorn.
Somari |
[Modificar] Informacions personalas
- Mon adreça electronica: podètz enregistrar vòstra adreça electronica (serà pas mostrada publicament sul siti). Aquò vos permetrà, se l'avètz doblidat, de cambiar de senhal en clicant sul boton "Mandatz-me un senhal novèl" dins la pagina d'identificacion. De mai, aquò permet als utilizaires enregistrats de vos mandar un corrièr electronic a partir del ligam "Mandar un messatge a aqueste utilizaire" situat sus sa pagina personala, a mens qu'ajatz seleccionat l'opcion seguenta.
- Recebre pas de corrièr electronic dels autres utilizaires: Se causissètz aquò, los autres utilizaires poiràn pas vos mandar de corrièr electronic, coma explicat çai-sús.
- Mon subrenom: podètz, se volètz, causir un subrenom diferent de vòstre nom d'utilizaire quand picatz vòstra signatura amb <còdi>~~~</còdi> o <còdi>~~~~</còdi>. (Cossí afichar mos ligams ?)
- Se remembrar mon senhal : aquesta opcion utiliza un cookies ; atal, vòstre navigaire se remembra vòstre senhal d'una session a l'autra. Val mai marcar pas aquesta casa se l'ordinator utilizat es partejat amb d'autres utilizaires.
Per cambiar vòstre senhal, picatz vòstre senhal actual, e dos còps vòstre senhal novèl (per lo verificar). Se volètz just cambiar las autras preferéncias, devètz pas recórrer a aquesta boita de dialòg.
[Modificar] Personalizacion de la barra d'espleches
La barra d'espleches es la lista de ligams cap a divèrsas paginas especialas que s'aficha sus cada pagina. La podètz far aparéisser a drecha o a esquèrra o pas. I a pas d'opcion que permeta de la far aparéisser en naut o en bas. La barra d'espleches deu èstre activada per que se pòsca accedir a certanas foncionalitats coma lo desplaçament d'una pagina.
[Modificar] Aparéncia
Wikipèdia vos permet de cambiar l'aparéncia d'una pagina. Ensajatz-las : concernisson essencialament la mesa en pagina. Avís ! certanas causidas modificaràn d'autras preferéncias.
[Modificar] Rendut de las matematicas
Wikipèdia vos permet d'entrar d'eqüacions matematicas al format TeX. Las formulas matematicas pòdon èstre pro complèxas, e son de còps de mal rendre en tèxt HTML estandard. Per remediar a aqueste problèma, Wikipèdia pòt crear d'imatges que representan fidèlament las formulas. Aquestes imatges (al format PNG) son plan mai lents a cargar qu'un tèxt ; vos es possible de causir los cases ont preferissètz l'afichatge en imatge o puslèu en tèxt.
Las opcions seguentas permeton de contrarotlar cossí aqueste còdi es afichat sus vòstra pagina :
- Totjorn produire un imatge PNG : produtz totjorn un imatge (al format PNG) a partir del còdi TeX.
- HTML s'es fòrça aisit, autrament PNG : se lo còdi TeX es fòrça aisit, coma « x = 3 », lo còdi es afichat en HTML, senon es un imatge (al format PNG) qu'es produit.
- HTML s'es possible, autrament PNG : amb aquesta opcion, solas las formulas fòrça complicadas son afichadas amb l'ajuda d'un imatge PNG, senon es de HTML.
- Produire lo TeX original : convertir pas lo còdi TeX, mas l'afichar tal coma es. Aquesta opcion es sustot utila pels navigaires en mòde tèxt coma Lynx.
- Pels navigaires modèrnes : s'utilizatz un navigaire pro recent, que supòrta plan lo HTML estandard, podètz utilizar aquesta opcion.
[Modificar] Fenèstra d'edicion
- Rem. : Pel bon fonccionament de las Boitas desrolantas,
ne pas cocher « Modificar una seccion en clicant a drecha sul títol de la seccion »
dins aquesta fenèstra de las preferéncias. Problèma discutit lo 3 de julhet de 2005.
Concernís la novèla version 1.5 del logicial Wikipèdia (novèla opcion) : l'imatge çai-jos es pas pel moment mes a jorn e presenta pas aquesta opcion.
- Talha de la fenèstra d'edicion. Podètz causir aquí la talha de la fenèstra utilizada per modificar o crear d'articles.
- La fenèstra d'edicion s'aficha en plena largor : quand aquesta opcion es causida, la zòna d'edicion que servís a modificar los articles prendrà tota la largor disponibla de la fenèstra, en prenent en compte la preséncia de la boita d'espleches.
- La previsualizacion s'aficha al dessús de la boita de redaccion : amb aquesta opcion, quand modificatz un article, la previsualizacion s'aficha al-dessús de la zòna de redaccion quand clicatz sul boton « Previsualizacion ».
- Seguir los articles qu'ai creat o modificat : s'aquesta opcion es seleccionada, totes los articles que creatz o modificatz seràn automaticament ajustats a vòstra lista de seguit.
- Mas modificacions son consideradas coma menoras per defaut : aquesta opcion marca automaticament la casa « Modificacion menora » quand editatz un article.
[Modificar] Zòna orària
- Escart orari. Aquò es lo nombre d'oras d'ajustar o de sostraire a l'ora UTC per correspondre a vòstra ora locala. Se precizatz pas d'escart orari, es l'ora de l'Euròpa de l'oèst que serà utilizada. Aquesta ora locala es utilizada per calcular las datas e oras afichadas e pòt èstre temporàriament incorrècta s'utilizatz l'ora d'estiu. Oblidetz pas de metre a jorn aquesta valor per la far correspondre a vòstra ora locala, perque lo Wiki pòt pas saber dins quina zòna oraria vos trobatz, ni quora cambiatz d'ora d'estiu en ora d'ivèrn e vice-versa. Qualques valors tipicas se tròban çai-jos.
[Modificar] Modificacions recentas e afichatge dels ensages
Imatge:WP Aide MR et ebauches.jpg
- Nombre de títols dins las modificacions recentas: podètz causir los nombres de modificacions qu'apareisson per defaut dins las Modificacions recentas e vòstra lista de seguit. Un còp sus aquestas paginas, podètz causir d'autras opcions.
- Escondre las modificacions recentas menoras : quand legissètz la lista de las darrièras modificacions, las enregistradas coma menoras seràn pas afichadas.
- Modificacions recentas melhoradas : concernís solament qualques navigaires ; permet de regropar las modificacions recentas del jorn per articles, en afichant lo títol dels articles, de la modificacion mai recenta a la mai anciana. Dins lo cas que l'opcion precedenta es estada seleccionada, solas las modificacions majoras son afichadas.
- Talha minimala d'afichatge dels articles corts: podètz causir lo nombre de caractèrs (500, 1000, etc.) d'un article en dejós delqual sera afichat dins una color diferenta. Aquò es per ajudar a identificar los articles corts qu'es preferible d'estendre un pauc.
[Modificar] Afichatge dels resultats de recèrca
- Nombre de responsas sus cada pagina: podètz causir lo nombre de resultats retornat a l'ocasion d'una recèrca.
- Nombre de linhas per cada responsa es un pauc misteriós : causir un nombre significa "afichar pas de contèxt se lo tèrme apareis al delà de la linha de l'article"; atencion ! totes los retorns a la linha, quitament los qu'afèctan pas la presentacion de l'article, son aicí preses en compte. Una valor de 5000 o mai balha lo contèxt de totas las ocurréncias.
- Nombre de caractèrs del contèxt sus cada linha: lo nombre de caractèrs de contèxt per ocurréncia ; mas lo contèxt es subjècte a la nocion de "linha" çai-sus. Per aver tota la linha, utilizatz una granda valor coma 5000.
[Modificar] Preferéncias divèrsas
- Afichar d'infò-bullas suls ligams wiki : amb certans navigaires, quand òm poncha la mirga sus un iperligam, lo nom del ligam pòt s'afichar. Aquesta opcion permet pas gaire de contrarotlar aquesta foncionalitat, segon la natura del navigaire utilizat.
- Ligams joslinhats : normalament, los iperligams son joslinhats. Amb aquesta opcion podètz causir de los joslinhar pas, quitament se certans navigaires respèctan pas aquesta opcion.
- Ligams cap als subjèctes non existents en roge : aquesta opcion es activada per defaut. Normalament, los ligams cap a d'articles qu'encara existisson pas (coma La sexualitat de las moscas dins lo Vercòrs oriental) apareisson en roge. Amb aquesta opcion, los podètz far aparéisser puslèu seguits d'un punt d'interrogacion (coma aquò ?), es mens perturbant per certanas personas.
- Paragrafs justificats : podètz causir que los paragrafs sián afichats plenament justificats.
- Numerotacion automatica dels títols : aquesta opcion permet de numerotar automaticament los títols de las seccions dins lo còs dels articles.
- Doble-clicar per editar una pagina (JavaScript) : s'aquesta opcion es activada e que vòstre navigator supòrta Javascript, podètz editar una pagina en doble-clicant dessús.
- Editar una seccion via los ligams [editar] : amb aquesta opcion, podètz editar pas qu'una sola seccion d'un article, sens deure cargar tot lo contengut.
- Editar una seccion en clicant a drecha sul títol de la seccion : coma per l'opcion precedenta, vòstre navigaire deu suportar JavaScript.
- Afichar la taula de las matèrias : en seleccionant aquesta opcion, los articles que contenon mai de tres seccions seràn afichats amb una taula de las matèrias.
- Desactivar l'amagatal de las paginas : aquò permet de suprimir la mesa en amagatal de las paginas. Es util se volètz pas que s'afiche una version en amagatal (doncas de còps anciana) d'una pagina, al prètz d'un temps de cargament mai long perque totas las paginas devon èstre cargadas dempuèi lo serveire a cada consultacion.
[Modificar] Nòtas
- Un compte d'utilizaire, un còp qu'es creat, pòt pas èstre suprimit. Çaquelà, Wikipèdia reconeis a cadun lo drech de disparéisser.
- Normalament, es pas possible tanpauc de modificar son pròpri nom d'utilizaire. Çaquelà, jos certanas condicions, aquò pòt èstre envisatjat. Se lo renomenatge vos pareis inevitable, seguètz la procedura per cambiar de nom d'utilizaire.
