Ajuda:Compte utilizaire

Un article de Wikipèdia, l'enciclopèdia liura.

Aquesta pagina vos explica çò que s'entend per compte utilizaire, sos avantatges, sos inconvenients, lo biais de ne crear un, etc. Vos informarem tanben sus las informacions que son reculhidas, quinas son visiblas e quinas o son pas.

[Modificar] Informacions vos concernent

Abans d'anar mai luènh, prenètz coneissença del biais de tractar vòstras donadas.
Per aquò, consultatz l'article Informacions rendudas publicas

Vesètz tanben m:privacy policy/Oc per una descripcion completa de la politica sus l'anonimat.

[Modificar] Qu'es un compte utilizaire ?

Abans tot, amb un compte utilizaire, los autres contributors vos reconeisseràn, que siá dins vòstras contribucions o dins vòstras discussions. Vos reconeisseràn a partir del pseudonim que causiretz en creant vòstre compte. Aquò permetrà de crear de ligams entre contributors e de far partida d'una comunautat totjorn mai importanta.

Pasmens, un compte utilizaire es pas limitat a aquò. Après la creacion de vòstre compte, Wikipèdia se dobrirà e vos donarà accès a divèrsas opcions reservadas als utilizaires enregistrats. Ne vaquí qualques exemples :

• auretz vòstra pròpria pagina personala ont poiretz vos presentar e metre, per exemple, una fotò. Aquesta pagina, l'organizaretz a vòstra idèa ;
• en mai de vòstra pagina personala, auretz vòstra pròpria pagina de discussion ont los autres contributors poiràn postar un messatge. Seretz alavetz avertit rapidament (quand vos connectaretz a Wikipèdia) qu'un messatge novèl es estat postat.
• poiretz seguir certans articles e veire se son estats modificats. Es fòrça util per exemple quand creatz un article e desiratz de contrarotlar que cap de vandale o venga pas tot saquejar ;
• poiretz modificar vòstras preferéncias ;
• poiretz veire la lista de totas vòstras contribucions a Wikipèdia ;
• poiretz importar d'imatges, de sons o de videos dins Wikipèdia ;
• vos serà possible de renomenar las paginas dels articles.

Un avantatge suplementari es que vòstra adreça IP apareisserà pas mai : las personas malvolentas auràn pro pena per reconéisser vòstre ordinator.

[Modificar] Cossí crear un compte

Per crear un compte utilizaire :

• clicatz sur le ligam « Crear un compte o se connectar » en naut de la pagina (a drecha) puèi sus Creatz un compte ;
• emplenatz los dos camps obligatòris del formulari que son lo Nom e lo Senhal ; l'indicacion d'una adreça electronica es facultativa ;
• validatz l'inscripcion en clicant sul boton « Crear un compte novèl ».

[Modificar] Causida del nom

Podètz utilizar vòstre nom real se o desiratz, mas podètz tanben utilizar un escais. Causissètz convenablament vòstre escais que lo poiretz pas mai modificar. Un senhal quin que siá pòt èstre utilizat coma nom d'utilizaire ; çaquelà, avètz de respectar las precaucions seguentas :

1. es probable qu'un nom insultant seriá pas ben vist per la comunautat e que vos seriá demandat de lo cambiar ;
2. utilisetz pas lo nom real de qualqu'un mai, e mai siá una celebritat que ne sètz fan : constituiriá una usurpacion d'identitat.
3. coma la sillaba "bòt" pòt entraïnar una confusion amb los robòts, es preferible de la defugir ;
4. d'un biais general, los títols que pòdon entraïnar una confusion amb los estatuts dels utilizaires (administrator, arbitre, etc.) son de defugir ;
5. es conselhat d'evitar de causir un nom d'utilizaire semblant una adreça IPv4 (serias de quatre nombres entre 0 e 255) que designa generalament los utilizaires non inscriches. Una tal causida poiriá per exemple engendrar la confusion a l'ocasion d'un vòte ;
6. es tanben preferible de defugir un nom d'utilizaire reprenent vòstra adreça electronica (coma titi@toto.com), e mai, tanben, es desconselhat de far figurar aquesta dins una pagina (per evitar lo spam). Avètz en efièch la possibilitat, via vòstras preferéncias utilizaire, de permetre als autres utilizaires enregistrats (e qu'an eles-meteisses causit la meteissa opcion), de vos jónher per email via l'interfàcia de Wikipèdia (ligam « Mandar un messatge a aqueste utilizaire » dins lo menut a esquèrra).

[Modificar] Domeni d'utilizacion

Quand creatz un compte sus la Wikipèdia occitanofòna, aqueste es pas aplicable sus las autras Wikipèdias. Devètz doncas crear un compte sus caduna de las Wikipèdias ont desiratz èstre enregistrat.

[Modificar] Se connectar al compte

Per vos connectar a vòstre compte, clicatz sul ligam « Crear un compte o se connectar », picatz vòstre escais e mai vòstre senhal e enfin clicatz sus « Identificacion ».

[Modificar] Preferéncias utilizaire

Un utilizaire enregistrat pòt personalizar cèrts aspèctes de Wikipèdia :

• tèma (skin) utilizat, per cambiar l'aparéncia del siti ;
• numerotacion dels títols ;
• possibilitat d'editar las paginas per tròces ;
• copia d'imatges sur Wikipèdia ;
• etc.

Vesètz Ajuda per las preferéncias per una descripcion completa del biais de cambiar vòstras preferéncias.

[Modificar] Se desconnectar

S'utilizatz un ordinator que d'autras personas utilizan, vos podètz desconnectar per evitar que qualqu'un se fasca passar per vos. Per aquò, clicatz sus « desconnexion » en naut de la pagina.

[Modificar] Que far s'avètz oblidat lo senhal

Clicatz sus « Crear un compte o se connectar » en naut a drecha de la pagina. Sus aquesta pagina, picatz vòstre escais e clicatz sus « Mandatz-me un senhal novèl ». Un senhal novèl vos serà mandat a vòstra adreça email. Aquò significa que s'avètz oblidat d'indicar vòstra adreça email quand avètz creat vòstre compte, serà pas possible d'aver un senhal novèl.

Nòta : es totjorn possible, se sètz encara connectat, de cambiar vòstra adreça email dins las preferéncias utilizaires.

[Modificar] Cambiar de nom d'utilizaire

Es possible jos cèrtas condicions. Veire : Cambiar de nom d'utilizaire.