Spanje

Van Wikipedie

Reino de España

Baosisgegevens

Officiële laanstaal: Spaans^[1]

Heufstad: Madrid

Regeringsvorm: Konstitusionele monarchie

Religie: Rooms-katteliek

Oppervlakte: 504.782 km² (1.04%waoter)

Inwoeners: 44.108.530 (87,41 / km²)

Overige

Volkslied: Marcha Real

Munteenheid: euro (EUR)

UTC: +1

Nasionale feesdag: 12 oktober

Web | Code | Til. .es | ESP | 34

Spanje is een laand in Zuud-Europa, en is lid van de Europese Unie. De heufdstad is Madrid. Spanje hef meer as 44 miljoen inwoners. Spanje is net Nederlaand een konstitusionele monarchie en is 506.013 vierkaante kilometer groot (zwat 13 keer zo groot as Nederlaand). 't Land beslaat grofweg 80% van 't Iberisch schiereilaand. Buten dat heuren ok de eilanengroep Balearen in de Middellaanse Zee, de Kenarische Eilanen in de Atlantische Oceaan en de Spaanse exclaves in Noord-Afrika bie 't laand.

In 't noordoosten grenst Spanje an Frankriek en Andorra, over de hele lengte van de Pyreneeën, in 't westen an Portugal en in 't zujen an de Britse kelonie Gibraltar. De heufdstad van Spanje is Madrid, een stad mit meer as 3 miljoen inwoners en leit in 't midden van 't laand.

Spanje is een divers laand mit iezig uutmekäärlopende culturen, tälen, eetgewoontes en klimaoten. 't Laand varieert van de regenachtige vissersdarpen in Galicië tot 't nachtleven van Madrid, de toeristische kusten an de Middellaanse Zee, 't flamencodansen en bollenvechten van Andalusië en 't moderne Barcelona in Kattelonië.

De Spaanse grondwet stamt uut 1978. Juan Carlos I is momenteel de Spaanse keuning. De hudige premier is José Luis Rodríguez Zapatero. Spanje wönnen lid van de NAVO in 1981 en is lid van de Europese Unie sinds 1986. De euro wönnen de Spaanse muntienheid op 1 jannewaori 1999, en verving daormit de peseta.

[bewark] Naam

Spanje dankt zien naam an 't knien. Oorspronkelijk was 't knien in zien verspreiding beparkt tot Zuudwest-Europa. De Feniciërs gaffen dit gebied daorumme de naam Isjephanim, knienenkust, waorvan Spanje of-eleid is.

[bewark] Bestuurlijke indeling

Spanje is onderverdield in 17 autonome gemienschappen (Spaans: comunidades autónomas), 50 pervinsies en twee autonome stejen.

Alle pervinsies bint weer onderverdield in comarcas en die bint weer onderverdield in gemientes. Comarcas hebt allinnig niet in elke gemeenschap dezelfde formele staotus.