Kniende (dier)
Van Wikipedie
Een kniende (Latien: Oryctolagus cuniculus) is een zoogdier en beheur tot de orde Lagomorpha. Ondanks dat 't oppervlakkig op een knaogdier liek, beheuren de knienen neet tot de knaogdierenorde. 't Is de enigste soort uut 't geslach Oryctolagus. Knienen wonnen vake ehouwen as huusdier.
Knienen zitten wat grootte betref tussen de echte haozen en de fluithaozen in. De achterpoten van de knienen bin veul korter as de achterpoten van de haozen, mar langer as dee van de fluithaozen. De buuk is veul lichter van kleur as de rogge, vake wit van kleur. Oek de onderkaante van de start en de poten bin wit. Knienen leven allinnig van plaantaorig voedsel. Vremd genog eet de kniende oek zien eigen uutwarpsels op.
Knienen koemen oorspronkelijk van 't Iberisch Schiereilaand, daor wönnen ze i-saphan-im eneumd, de naam Spanje is hier van of-eleid. De Romeinen hem de knienen laoter in 't Romeinse Riek in-evoerd, knienen koemen noen veural veur in Eurazië; roeweg van Europa totan Ruslaand en Centraal-Azië. Veerder koemen knienen oek veur in aandere delen van de wereld waor ze in-evoerd wönnen.
[bewark] Wild kniende
't Wild kniende hef een kop-romplengte van 34 tot 50 centimeter en een lichaomsgewich van 1,2 tot 2,5 kilogram. 't Startjen is 4 tot 8 centimeter lange. Wilde knienen hem veurnamelijk een griesbrune kleur, wildkleur of agoeti enaamd. De dieren hem oek een roodbrune vlekke in de nek. De oren hem een bruun puntjen, de bovenkaante van de start is zwartbruun. De buukzied is blauwig gries van kleur, de onderkaante van de start is wit. Disse val iezig op as e op-ewip wonnen. Bie 't wilde kniende bin de oren minder lang as de lengte van de kop.
[bewark] Nedersaksisch
- Drèents: knien
- Grunnegs: knien(e), kanien(e)
- Stellingwarfs: knien(e)
- Tweants: knien
- Veluws: knien(de)
 |
Meer ofbeeldingen dee bie dit onderwarp heuren ku-j vienen op de pagina Oryctolagus cuniculus van Wikimedia Commons. |
