Biebel
Van Wikipedie
De Biebel is et heilige boek van de kristenen. Et woord 'Biebel' stamt of van et Griekse woord βιβλια biblia (boeken), wat een meervoold is van βιβλιον biblion (wat oorspronkelik papyrus betekent en laeter bruukt wodde as anduding van pepier, geschrift, boek(rol)). Dit woord is op zien beurt te herleiden tot de Fenicische haevenstad Byblos.
De Biebel bevat twie verschillende verzaemelings boeken:
- Et Oolde Testement, ok wel de Hebreeuwse Biebel nuumd. Disse wodde schreven over een periode van vule ieuwen, veur et grootste diel in et Hebreeuws mit een peer stokkies in et Aramees.
- Et Ni'je Testement, schreven tiedens de 1e en 2e ieuw nao Kristus, in alledaegs-Grieks (Koinè-Grieks).
Inholdsopgaove |
[bewark] Invloed van de Biebel
Vanwegen de dominante rol van et kristendom in Europa vanof de laete Romeinse tied tot an de Verlochting het de (kristelike) Biebel niet allend godsdienst beïnvloed. Veural tael en wetgeving en ok de keunst en filesefie over de hiele wereld bin derop baseerd, wat veurnaemelik in de Westerse beschaeving tot uting kommen is.
Mit de Verlochting, de scheiding van karke en staot die nao de Fraanse revolusie, en de wetenschoppelijke revolusie in Europa en de Verienigde Staoten van Amerika is de invloed van et kristendom en daormit van de Biebel op et eupenbaore leven ofneumen. Der ontston ok bi'j veul meensken twiefel an de goddelike oorsprong van de Biebel.
Pattie wetenschoppers, waoronder pattie archeologen, nemen de Biebel as uutgaangspunt. De meeste wetenschoppers zien de Biebel as een kultureel, literair en religieus dokument.
[bewark] Et Oolde Testement
[bewark] Deutero-canonieke boeken
De koncilies van Florence (1441) en Trente (1546) bevestigden de plak van de zogenaemde deutero-canonieke boeken in de kanon van de Biebel, die ze ommes al in de Septuagint hadden, en ok in de Vulgaat behullen. Et bin de toevoegings op Ester, Judit, Tobit, I Makkabeeën, II Makkabeeën, de wieshied van Salomo, de wieshied van Jezus Sirach, Baruch en de toevoegings bi'j Toevoegings bi'j Daniël. Disse wodden onder invloed van Luther deur de protestaanten as apokrief zien.
[bewark] Apokriefen van et Oolde Testement
Deur zowel kattelieken, oosters-orthodoxen as protestaanten wodden Ezra III en IV, Makkabeeën III en IV, Psalm 151 as apokriefen zien.
[bewark] Et Ni'je Testement
[bewark] Apokriefen van et Ni'je Testement
Disse apokriefe boeken bin niet in et Ni'je Testement opneumen. Heur gezag wodt deur de karken niet erkend. Heur bestaon was altied bekend (zoas et Epistel van Barnabas), is bekend deur tekstvoonsten zoas die bi'j Nag Hammadi, of aanders bin ze te rekonstreweren uut verwiezingen die vrogge karkvaders geven. De Apokriefen bi'j et Ni'je Testement bin: Haandelings van Petrus, Haandelings van Paulus, Haandelings van Johannes, Haandelings van Tomas, Haandelings van Andreas, Evangelie van Tomas, Evangelie van de Hebreeën, Evangelie van de Ebionieten, Evangelie van de Nazareners, Evangelie van de Egypteners, Evangelie van de Naäsenen, Evangelie van Petrus, Eupenbaoring van Petrus, Verkondiging van Petrus, Evangelie van Maria Magdalena, Epistel van Barnabas en et Evangelie naor Judas.
[bewark] Externe verwiezing
 |
Meer ofbeeldingen dee bie dit onderwarp heuren ku-j vienen op de pagina Bible van Wikimedia Commons. |
