Werner Heisenberg
From Wikipedia
Werner Heisenberg (* 5. Dezember 1901 in Würzburg; † 1. Februar 1976 in München) weer en düütsche Physik-Nobelpriesdräger. Sien Vader weer de Byzantinist August Heisenberg. Heisenberg worr 1924 Assistent vun Max Born in Göttingen. Denn begrünnt he mit Max Born un Pascual Jordan de Quantenmechanik. 1927 worr he Professor an de Universität in Leipzig. Al 1932 kreeg he de Nobelpries för Physik. Heisenberg is de Begrünner vun de Matrixmechanik. Vun 1942 bet 1945 weer he de Direkter vun't Kaiser-Wilhelm-Institut för Physik in Dahlem. 1945/1946 weer he in Ingland, wo ok anner düütsche Physiker weern Vun 1946 bet 1958 weer he de Direkter vun't Max-Planck-Institut för Physik in Göttingen. Dat Isospin is sien Wark. In de Tied vun de Natschonalsozialismus worr he vun de Behörden in't Heereswaffenamt beropen. Dat weer dat Uranprojekt. Werner Heisenberg harr Probleme mit rassistische Physiker, de de Relativitätstheorie nich glöövten, ten Bispeel de Nobelpriesdräger Johannes Stark. Werner Heisenberg weer ok Direktor vun de Max-Planck-Gesellschap.
Heisenberg weer Lidmatt vun de Sassisch Akademie vun de Wetenschapen in Leipzig. Der Teil und das Ganze. Gespräche im Umkreis der Atomphysik is de Titel vun sien Book över sik.
