Kamerun

From Wikipedia

Kamerun is een Land in Afrika. De Hööftstadt van Kamerun heet Yaoundé und hett bi 2 Millionen Inwohners. Dat Land Kamerun harr 2003 tosommen 15,2 Millionen Inwohners un leg dormit up Platz 62 in'd Welt. Kamerun is updeelt in 10 Provinzen und 58 Départements.

[Ännern] De gröttsten Städer

1.	Yaoundé	2.000.050	8.	Ngaoundéré	143.030
2.	Douala	3.500.120	9.	Kumba	143.014
3.	Garoua	287.586	10.	Loum	131.319
4.	Bamenda	229.109	11.	Nkongsamba	114.986
5.	Maroua	205.635	12.	Limbe	96.629
6.	Bafoussam	185.635	13.	Edéa	91.917
7.	Kousséri	176.241

[Ännern] De Lüde

Typisch Mützen ut dat Grasland vun Kamerun

Dat gifft in Kamerun bi 286 verscheden Volksgruppen un Spraakgruppen. In'n Süden leevt Bantu (Luanda, Ewondo, Kpe/Bakwiri, Duala [2% vun de Minschen in Kamerun], Basaa, Ngoumba, Beti/Mpongwe-Fang [15% vun de Minschen in Kamerun], Boulou, Makaa, Njem, Ndzimou u.a.), in de Midden un in'n Noorden Semibantu (Bamiléké [19% vun de Minschen in't Land], Bamoun [1,3% vun de Minschen in't Land], Chamba (Samba), Tikar, Vute un anner), dorto tschadsche (Kanuri, Massa, Moundang u. a.) un sudaansche Volksgruppen (Kirdi [11% vun de Minschen in't Land], Kotoko, Fulbe [10% vun de Minschen], Gbaya u. a.); in den Regenwoold in'n Süden gifft dat een Paar Dusend Pygmäen. Die europääsche Minnerheit sünd tomeist Franzosen. An'n meisten Minschen wahnt in dat Grasland vun de Bamileke, in de Provinz an de Küst bi de Habenstadt Douala un in de Gegend üm de Hööftstadt Yaoundé ümto. Dorgegen kann een in de Midden vun dat Land un in'n Südosten knapp man Minschen finnen.

Wie de Inwahnertall stegen is, in 1000

[Ännern] Spraken

Dat gifft in Kamerun soveel Spraken, as dat dor Volksgruppen gifft. Amtsspraken sünd Franzöösch (bi 80% vun de Inwahners) un Engelsch (bi 20% vun de Inwahners), just nahdem dat nah den Eersten Weltkrieg updeelt wurrn is. De Hööftspraken in den Noorden sünd Fulfulde, Kanuri, Kotoko un Shuwa, in den Süden (bi 40% vun de Inwahners) besunners Bantuspraken as Basaa, Douala, Kpe-Mboko, Malimba-Yasa, Makaa, Njem, Ndsimu, Ngoumba, Kounabémbé) un verscheeden Beti-Fang-Dialekten, dor mank Ewondo, Boulou un Fang. De Rest vun de Inwahners, besunners in dat Grasland vun Westkamerun, snackt de Spraken vun de Semibantu.

Länner in Afrika
Ägypten \| Äquatoriaal-Guinea \| Äthiopien \| Algerien \| Angola \| Benin \| Botswana \| Burkina Faso \| Burundi \| Dschibuti \| Elfenbeenküst \| Eritrea \| Gabun \| Gambia \| Ghana \| Guinea \| Guinea-Bissau \| Kamerun \| Kap Verde \| Kenia \| Komoren \| Demokraatsche Republiek Kongo \| Republiek Kongo \| Lesotho \| Liberia \| Libyen \| Madagaskar \| Malawi \| Mali \| Mauretanien \| Mauritius \| Marokko \| Mosambik \| Namibia \| Niger \| Nigeria \| Ruanda \| Sambia \| São Tomé un Príncipe \| Senegal \| Seychellen \| Sierra Leone \| Simbabwe \| Somalia \| Süüdafrika \| Sudan \| Swasiland \| Tansania \| Togo \| Tschad \| Tunesien \| Uganda \| Zentraalafrikaansche Republiek
Afhängige Rebeden: Kanarische Inseln \| Mayotte \| Réunion \| St. Helena \| Westsahara