തിരുവില്വാമല
വിക്കിപീഡിയ, ഒരു സ്വതന്ത്ര വിജ്ഞാനകോശം.
കേരളത്തിലെ തൃശ്ശൂര്‍ ജില്ലയിലെ ഒരു ഗ്രാമമാണ് തിരുവില്വാമല. ഭാരതപ്പുഴയുടെ തീരത്തായി പാലക്കാട് ജില്ലയിലെ ലക്കിടിക്ക് എതിര്‍വശത്തായി തിരുവില്വാമല സ്ഥിതിചെയ്യുന്നു. കേരളത്തിലെ മൂന്ന് ശ്രീരാമക്ഷേത്രങ്ങളില്‍ പ്രധാനമാണ് തിരുവില്വാമലയിലെ വില്വാദിനാഥക്ഷേത്രം. മറ്റു രണ്ടു ക്ഷേത്രങ്ങള്‍ തൃശ്ശൂരിലെ തൃപ്രയാറിലും വടക്കന്‍ കേരളത്തിലെ തിരുവങ്ങാടിലുമാണ്. ‘നിറമാല‘യാണ് ക്ഷേത്രത്തിലെ പ്രധാന ഉത്സവം. പ്രശസ്ത എഴുത്തുകാരനായ വി.കെ.എന്‍ തിരുവില്വാമലയിലാണ് ജനിച്ചത്. ഭാരതപ്പുഴയും സഹ്യപര്‍വ്വതവും തിരുവില്വാമലയ്ക്ക് സൌന്ദര്യം നല്‍കുന്നു. പ്രശസ്ത മദ്ദളവിദ്വാനായ കെ. അപ്പുക്കുട്ടിപ്പൊതുവാള്‍ തിരുവില്വാമലയിലാണ് ജനിച്ചത്.
അടുത്തുള്ള സ്ഥലങ്ങളില്‍ നിന്ന് എത്തുന്ന കസവു തുണികള്‍ക്ക് തിരുവില്വാമല പ്രശസ്തമാണ്.
-
ഈ താള്‍ പൂര്‍ണ്ണമല്ല, ഇതു പൂര്‍ണ്ണമാക്കുവാന്‍ വിക്കിപീഡിയ സംരംഭത്തില്‍ പങ്കാളിയാവുക (ശ്രദ്ധിക്കുക: നവാഗതര്‍ക്ക് സ്വാഗതം, സഹായക താളുകള്‍)
