Lëtzebuerger Guiden a Scouten

Vu Wikipedia, der fräier Enzyklopedie.

LGS Logo

D'Lëtzebuerger Guiden a Scouten, kuerz LGS, sinn de gréissten Verband vu Guiden a Scouten vu Lëtzebuerg. Mat ongeféier 5.000 Memberen sinn d'LGS och déi gréisst Jugendorganisatioun zu Lëtzebuerg. 62 lokal Gruppen ginn et am Land. D'LGS sin 1994 aus dem Zesummeschloss vun den zwee kathouleschen Verbänn Lëtzebuerger Guiden a Lëtzebuerger Scouten entstaanen. Haut spillt Relioun an der Methode vun den LGS keng Roll méi. Amplatz get Wert op de perséinlechen Fortschrett vun dem Jugendlechen geluecht, zu deem och fier deen eenzelnen déi perséinlech Spiritualitéit ka gehéieren.

Zum Verband vun de Lëtzebuerger Guiden a Scouten gehéieren och nach folgend Organisatiounen:

ONG Guiden a Scouten mat der Drëtter Welt
Fondatioun Guiden a Scouten am Dengscht vun de Jonken
Lëtzebuerger Guiden a Scouten A.S.B.L.
Centre de Formation et d'Animation um Neihaischen
Relais de l'Amitié zu Bilschdref
Jugendhaus Bissen
Foulards Blancs
Gamma Scouten

D'Lëtzebuerger Guiden a Scouten sin als eenzege Lëtzebuerger Verband Member vun der Guideweltorganisatioun WAGGGS (World Association of Girl Guides and Girl Scouts) a vun der Scoutsweltorganisatioun WOSM (World Organization of the Scout Mouvement). Déi aaner zwee Verbänn (FNEL an AGGL) si just Member vun enger vun desen zwou Weltorganisatiounen.

WOSM

WAGGGS

[Änneren] Geschicht

1919 huet de Verband vun de Lëtzebuerger Scouten (Fédération Nationale des Scouts du Luxembourg - FNSL) déi Scoutstruppen zesummegefaasst, déi deemools - deelweis schonn zënter 1913/1914 - als Sektioune vum "Verband der luxemburgischen katholischen Jugendvereine" bestan hun.
Am November 1938 gouf de Verband vun de Lëtzebuerger Guiden (Catholic Luxembourg Girl Guides) vum Mgr. Pierre Posing gegrënnt. Déi éischt Guidesektioun war d´Sektioun Notre-Dame, Lëtzebuerg-Kathedral.
D´Lëtzebuerger Scouten an d´Lëtzebuerger Guiden waren zwee Jugendmouvementer, denen hirt Haaptzil d´Erzéiung vun de Kanner a Jugendleche war. Allebéid hu se dobäi nom Erzéiungskonzept vum Baden-Powell geschafft. Hien huet séng Iddiën a seng Method ufanks vum 20 Jorhonnert, entspriechend de gesellschaftleche Strukture vun deemools, wuel getrennt fir Jongen a Medercher formuléiert, mee all Kéier an der selwechter Zilsetzung an am selwechte Geescht.
Haut hun déi gesellschaftlech Strukture geännert. Dofir hun déi zwee chrëschtlech orientéiert Verbänn, déi déi selwecht Ziler ustriewen, no intensivem Iwwerleën an Zesummenaarbecht de 15. Mee 1994 décidéiert, an engem eenzege Verband ze fusionéieren.
Am Hierscht 2004 hun d'Arbechten ugefaangen fir déi nei Zentral vun de Guiden a Scouten. Ab 2007 wärt d'Géisserei dann de Centre Convict als Zentral ofléisen.

[Änneren] Struktur

D'Leedung vum Verband vun de Lëtzebuerger Guiden a Scouten ennerläit dem Commissaire générale, dem Commissaire générale adjoint an dem Aumônier général. Eng Rei Commissairen mat speziellen Chargen stin hinnen zur Säit. Si alleguer zesummen bilden den Comité fédérale.

Eng Lëscht vun alle Commissairen:

Commissaire générale
Commissaire général adjoint
Aumônier général
Biber-Commissaire
Biber-Commissaire adjointe
Wëllefchers-Commissaire
Wëllefchers-Commissaire adjointe
AvEx-Commissaire
AvEx-Commissaire adjoint
CaraPio-Commissaire
CaraPio-Commissaire adjoint
RaRo-Commissaire
RaRo-Commissaire adjoint
Commissaire fir Gruppechef
Programm-Commissaire
Internationale Commissaire WAGGGS
Internationale Commissaire WOSM
Technesche Commissaire
Commissaire fir Public-Relations
Finanzcommissaire
Commissaire au développement communautaire
Secherheetscommissaire

[Änneren] Method

D'Method vun de Lëtzebuerger Guiden a Scouten besteet aus folgenden Haaptpunkten:

Léieren duerch Selwermaachen (learning by doing)
Andeelung an Altersgruppen (Branchen)
Spill an Aarbecht a klengen Equipen
Liewen an der Natur
den Asaz fir anerer
den Engagement, d´Matbestëmmung an d´Matverantwortung

[Änneren] Branchen

Foulard AvEx

All Grupp ass opgedeelt an déi verschidden Branchen. Dëss gi vu forméierten Chef enkadréiert. Déi eenzel Branchen ennerscheeden sech äusserlech duerch d'Faarw vun der Sträif op hierem Foulard.

Branche	Faarw	Alter
Biber	Hell blo	6-8 Joer
Wëllef	Giel	8-11 Joer
AvEx	Moov	11-14 Joer
CaraPio	Rout	14-17 Joer
RaRo	Beige	17-23 Joer

Zousätzlech gëtt et nach Foularden mat enger wäisser Sträif, déi fir Commissairen, Aumonieren a Gruppechef geduecht sin.

[Änneren] Uniform

LGS Uniform

[Änneren] Ofzeechen

[Änneren] Gruppen

D'LGS bestinn aus 62 méi oder wéineger grousse Gruppen, déi sech virun allem no hirer geographescher Lag andeelen.

Uertschaft	Numm (Schutzpatroun)	Spaweck
Äischen	Saint Pierre
Bartreng	Saint Exupéry
Beetebuerg	Abbé Pierre'
Biekerech	Mahatma Gandhi
Bieles	Saint Paul
Bieles-Metzlerlach	Don Bosco
Briddel	Saint Hubert
Clausen	P.E. Mansfeld
Déifferdeng	Sainte Barbe
Diddeleng	Saint Jean
Dikrech	Saint Laurent/Tony Noesen
Duelem	Saint Martin
Esch-Grenz	Hl Baarbel
Esch-Uelzecht	Saint François
Esch-Uelzecht	Saint Joseph (Scouten)
Esch-Uelzecht	Saint Joseph (Guiden)
Ettelbréck	Ermesinde (Guiden)
Ettelbréck	Saint Sébastien (Scouten)
Gréiwemaacher	Saint Laurent
Groussbus	Saint Maximilien Kolbe
Housen-Houschent	Mère Thérèse
Houwald	Don Bosco
Iechternach	Saint Willibrord	http://www.lgs-echternach.org
Jonglënster	Saint Martin
Käerjeng	Saint Willibrord
Käl	Sainte Marie (Scouten)
Kënzeg	Saint Remy
Kiischpelt	Saint Maurice
Klierf	Saint Benoît
Leideleng	LGS
Lëtzebuerg	Foulards Blancs
Lëtzebuerg	Saint Georges (Gamma Scouten)
Lëtzebuerg	Pierre d’Aspelt (Gamma Scouten)
Lëtzebuerg	Saint Alfonso (Groupe Portugais)
Lëtzebuerg-Beggen	Saint Christophe
Lëtzebuerg-Belair	Jang de Blannen	http://belair.lgs.lu/
Lëtzebuerg-Bouneweg	Saint Louis/Sainte Irmine
Lëtzebuerg-Cents	Saint François d'Assisi
Lëtzebuerg-Gaasperech	Georges Everling
Lëtzebuerg-Gare	Sacré-Coeur
Lëtzebuerg-Kiem	Robert Schuman
Lëtzebuerg-Lampertsbierg	Immaculée
Lëtzebuerg-Zéisseng	Notre-Dame de la Route
Luerenzweiler	Saint Laurent
Miersch	Saint Michel
Monnerech	Jules Bleser	http://www.jbm.lu/
Nidderaanwen	Schetzel
Péiteng	Hl Franz vun Assisi	http://www.lgs.lu/peiteng/
Réimech	Saint Cunibert
Réiserbann	Saint Donat
Rodange-Rolleng	Sainte Amalberge
Rued-Sir	Saint Jacques
Sandweiler	Saint Marc
Schëffleng	Saint Martin (Scouten)
Schëffleng	Yolande (Guiden)
Stengefort	Saint Hubert/Sainte Bernadette
Suessem	Sainte Catherine
Uewerkuer	Raoul Follereau
Vum Séi	Saint Pirmin
Walfer	Mahatma Gandhi
Wolz	Saint Sébastien
Wuermeldeng	Saint Jean Baptiste