Physica de particulas

De Wikipedia, le encyclopedia libere

In physica de particulas, un particula elementari es un particula del qual altere, plus large particulas, es composite. Per exemplo, atomos es facite de particulas plus parve cognoscite como electrones, protones e neutrones. Le proton e le neutron, intertanto, es composite de particulas plus elementari cognoscite como quarks. Un del eminente problemas del physica de particulas es trovar le particulas plus elementari, o le assi-appellate particulas fundamental, que face tote le altere particulas incontrate in natura e que non es illos mesme facite de altere plus parve particulas. Le Modelo Standard del physica de particulas contine 12 specie elementari de fermiones (“particulas de materia”) e 12 specie de bosones (“particulas de radiation”), plus lor correspondente antiparticulas e le totevia nontrovate boson de Higgs. Nonobstante, le Modelo Standard es largemente considerate como essente un theoria provisori in vice de un theoria vermente fundamental, proque illo es incompatibile con le Theoria del Relativitate General de Einstein. Il ha probabilemente altere particulas elementari non describite per le Modelo Standard, tal como le graviton, le particula que portarea le fortia gravitational o le sparticulas, partenarios supersymmetric del particulas ordinari. Le 12 particulas fermionic fundamental es dividite in tres familias de quatro particulas cata. Sex del particulas son quarks. Le restante sex son leptons, tres del quales son neutrinos e le restante tres ha un carga electric de –1: le electron (e^-) e su duo cosinos, le muon (μ^-) e le tauon ( $τ -$ ). Assi, le prime familia include le electron (e^-), le lectron-neutrino ( $ν e$ ), le up-quark (u) e le down-quark (d). Le secunde familia include le muon (μ^-), le muon-neutrino ( $ν μ$ ), le charm-quark (c), le strange-quark (s). Le tertie familia include le tauon ( $τ -$ ), le tauon-neutrino ( $ν τ$ ), le top-quark (t), le bottom-quark (b). Il ha etiam 12 antiparticulas fermionic fundamental que corresponde al 12 particulas citate. Le positron (e⁺) corresponde al electron (e^-) e ha un carga electric de +1. Su cosinos son le muon positive (μ⁺) e le tauon positive (t⁺). Le antiquarks son: le up-antiquark ( $\bar{u}$ ), le down-antiquark ( $\bar{d}$ ), le charm-antiquark ( $\bar{c}$ ), le strange-antiquark ( $\bar{s}$ ), le top-antiquark ( $\bar{t}$ ), le bottom-antiquark ( $\bar{b}$ ). Le antineutrinos son le electron-antineutrino ( $\bar{\nu}_e$ ), le muon-anti-neutrino ( $\bar{\nu}_\mu$ ) e le tauon-antineutrino ( $\bar{\nu}_\tau$ ).

Recuperate de "http://ia.wikipedia.org../../../p/h/y/Physica_de_particulas.html"

Category: Physica

Physica de particulas

De Wikipedia, le encyclopedia libere

Views

Navigation

Recercar

Altere linguas