Commission Europee
De Wikipedia, le encyclopedia libere
Pecietta concernente politica
Iste articulo es ancora in stato embryonic: illo es un pecietta. Nos te invita cordialmente a completar lo pro meliorar Wikipedia in Interlingua.[modificar] Le cargas del Commission
Le Commission Europee o le Commission del UE es le organo executive le plus alte del Union Europee (UE). Le function primari del Commission es proponer legislation del union e postea executar le decisiones que es resolvite in le Consilio del Union Europee (le Consilio de Ministros) e le Parlamento Europee. Il non es permittite al Commission reciper alcun instructiones ab le statos-membros. Le Commission es intendite a functionar como un organo independente, malgrado le facto que su membros es appunctate per le governamentos del statos-membros.
Su function primari es proponer e executar legislation e ager como guarda del tractatos que constitue le base legal del Union Europee. Le function del Commission Europee ha plure parallelos con le function executive de un governamento national, ma tamben plure differentias.
Alcun cargas importante:
- Derecto reservate pro propositiones de actos juridic concernente le Parlamento Europee e le Consilio del Union Europee (le Consilio de ministros)
- Assecurar uso correcte del jurisdiction del Union Europee
- Negotiar conventiones international, specialmente conventiones de commercio e cooperation
Le presidente es proponite per le Consilio Europee ma debe esser acceptate per le Parlamento Europee. Postea le 25 statos-membros, in cooperation con le presidente, cata uno propone un commissario. Le presidente da un dominio de labor pro cata commissario e postea le Parlamento debe acceptar le commission complete. Le parlamento solmente pote dicer "si" o "no".
[modificar] Le commissionarios
Le commission consiste de 25 commissionarios, appunctate pro 5 annos, uno de cata stato-membro del UE, assistite per un equipa administrative que consiste de 24 000 (2004) personas dividite in departamentos appellate le Directorates General, partialmente simile a ministrerios de governamentos statal. Le termino “Commission” es usate pro e tote le equipa administrative e solo le gruppo de commissionarios qui lo duce.
Contrari al Consilio del Union Europee le Commission es intendite esser independente del statos-membros. A causa de isto un commissionario non es permittite reciper instructiones ab le governamento del pais que le ha appunctate. Ille sempre es expectate representar le interesses de omne concitatanos del Union Europee complete.
Le Commission es dirigite per un presidente, al presente José Manuel Durão Barroso de Portugal. Su quartiero general es situate in Brussel e su linguas de labor es anglese, francese e germano. Regrettabilemente non ancora interlingua que esserea un lingua juste pro iste scopo.
Commissionarios pro le annos 2004-11-01 - 2009-11-01
| Dominio | Nomine | Pais |
|---|---|---|
| Presidente | José Manuel Barroso | Portugal |
| Prime vice presidente; Relationes institutional e strategia de communication | Margot Wallström | Svedia |
| Vice presidente; Politica de interprisa e industria | Günter Verheugen | Germania |
| Vice presidente; Affaires juridic, libertate e securitate | Franco Frattini | Italia |
| Vice presidente; Transportos | Jacques Barrot | Francia |
| Vice presidente; Administration, revision e impugnation de fraude | Siim Kallas | Estonia |
| Economia e moneta | Joaquín Almunia | Espania |
| Mercato interior e affaires de servicios | Charlie McCreevy | Irlanda |
| Agricultura e developpamento del campania | Mariann Fischer Boel | Danmark |
| Concurrentia | Neelie Kroes | Nederlandia |
| Commercio | Peter Mandelson | Regno Unite |
| Pisca e affaires maritim | Joe Borg | Malta |
| Ambiente | Stavros Dimas | Grecia |
| Sanitate e protection de consumitores | Markos Kyprianou | Cypro |
| Developpamento e assistentia | Louis Michel | Belgica |
| Divulgation del union | Olli Rehn | Finlandia |
| Empleo, affaires social, equalitate | Vladimir Spidla | Tchechia |
| Taxation e union douanal | László Kovács | Hungaria |
| Programmation financial e budget | Dalia Grybauskaite | Lituania |
| Relationes externe e politica vicinal europee | Benita Ferrero-Waldner | Austria |
| Education, cultura e multilingualismo | Ján Figel | Slovakia |
| Politica regional | Danuta Hübner | Polonia |
| Energia | Andris Piebalgs | Lettonia |
| Scientia e recerca | Janez Potočnik | Slovenia |
| Societate de information e media | Viviane Reding | Luxemburg |
