Opera (Navegador)
Na Galipedia, a wikipedia en galego.
 Opera Browser |
|
|---|---|
 Pantallazo do navegador Opera en galego |
|
| Desenvolvedor: | Opera Software |
| Lanzamento: | 9.0.2 / 21 de setembro de 2006 |
| Sistema operativo: | Windows, Macintosh, Linux, |
| Xénero: | Navegador web |
| Licenza: | Freeware desde a versión 8.51 |
| En galego: | Si (Dende a versión 8.00 en www.egalego.com) |
| Web: | http://www.opera.com |
O navegador Opera é un navegador web creado pola empresa noruega Opera Software en 1994. Opera é de balde dende a súa versión 8.50, sendo anteriormente shareware ou adware (con publicidade), e antes da súa versión 5.0 era de pago exclusivamente.
O navegador Opera é coñecido pola súa velocidade, seguridade, soporte de estándares (especialmente CSS), tamaño reducido, intercionalidade e constante innovación. Foi un dos primeiros navegadores en implementar "lapelas" para a navegación pola web, sendo esta a principal característica nas súas primeiras versións. A versión 6 foi a primeira en contar con soporte de codificacións internacionais, e non foi ata a versión 7, reconstruída dende os cimentos, que contou con compatibilidade total con especificacións como DOM (Document Object Model),CSS2 (Cascading Style Sheets, segunda revisión) e XHTML (Extensible Hypertext Markup Language ou HTML extensible). A versión 7.6, unha versión de previsualización técnica ou Alfa, incluíu un novedoso sistema de recoñecemento de voz basado en XML (VoiceXML), facilitando así a accesibilidade, que se mantivo na versión 8. Posteriormente, á mesma versión 8 agregóuselle soporte nativo de gráficos SVG Tiny.
As súas maiores distribucións son para Windows, Apple Macintosh e Linux, mais atópase tamén dispoñible para unha variedade doutras plataformas, incluíndo OS/2, Solaris e FreeBSD. Ademáis, existen versións para unha ampla variedade de dispositivos móbiles (xeralmente, de pago).
[editar] Historial das versións para Windows
- Opera versión 2.1 - 1996
- Opera versión 3.0 - 1998
- Opera versión 4.0 - 28 de xuño do 2000
- Opera versión 5.0 - 6 de decembro do 2000
- Opera versión 6.0 - 29 de novembro do 2001
- Opera versión 7.0 - 11 de xaneiro do 2003
- Opera versión 7.54 - 5 de agosto do 2004
- Opera versión 8.00 - 21 de abril do 2005
- Opera versión 8.50 - 20 de setembro do 2005
- Opera versión 9 - 21 de setembro do 2006
