Snie
Snie is delfal út iiskristallen dy't foarme binne om stofdieltsjes út de atmosfear hinne.
As de temperatuer ûnder it friepunt is komt wurde yn de hegere luchtlagen reindrippen feroare yn sniekristallen. De sniekristallen falle stadich, wylst se oanwaakse. As de temperatuer yn in legere luchtlaach ticht by it friespunt is, dan frieze de kristallen troch wetterdrippen oan elkoar, en foarmje gruttere snieflokken, dy't somtiden wol 7 - 10 cm grut wurde kinne. It grutste part fan eltse snieflok, oant 95%, is lykwols lucht. Dêrtrocht falt de snie mar stadich, likernôch 0,2 m/s. Troch alle flakken fan de kristallen wurdt hast al it ljocht dat op de snie falt reflektearre, wat de snie in wite kleur jout.
Mear as normaal snijen kin de diken blokkearje, wêrtroch it ferkear stilfalt. Minken kinne har net fier mear ferpleatse en goederen kinne net mear oan- en ôffierd wurde. Foar de tiid oant de dyken freimakke wurde kinne, leit it sosjale libben stil: bussen en treinen ride net, bêrn kinne net nei skoalle, wurknimmers net nei it wurk. Yn gebieten dêr't dit faker, en foar langere tiid, in probleem wêze kin, hawwe minsken winters in eigen foarrie oan iten ensfh. yn 'e hûs.
Snie wurdt ek brûkt foar wintersport. Gebieten dêr't normaal in protte snie falt binne winters faak wichtiche toeristesintrums, dêr't in soad minksen hinne gean te skyen, of foar oare besibbe sporten. Dat hat laat ta grutte skisentrums dy't wintersdeis romte foar it sporten biede, en foar jûns in grut útgeanssintrum hawwe. It fakânsjegefoel, it ekstra ljocht reflektearre troch de snie, de bûtenlucht, en it sporten jouwe it útgean hjir in bysûndere sfear.
