Microsoft
De Uiquipedia
Microsoft (acrónimo de Microcomputer Software) ye una empresa d'Estaos Xuníos, fundada y dirixida por William H. Gates III (Bill Gates) y Paul Allen, siendo'l primeru'l so principal propietariu.
La empresa ye la dueña de los sistemes operativos Microsoft Windows.
Al entamu de 1998, Microsoft algamó un alcuerdu temporal col Departamentu de Xusticia estaunidense que-yos permitía a los fabricantes de PC ufiertar una versión de Windows 95 ensin Internet Explorer. De toles maneres, en mayu de 1998 el Departamentu de Xusticia y vente estaos más presentaron demandes a la escontra de Microsoft por supuestes práutiques monopolístiques y por abusar de posición dominante nel mercáu pa fundir la competencia. Estes demandes obligaron a Microsoft a vender Windows ensin Internet Explorer o a incluyir Netscape Navigator, el navegador web de Netscape Communications Corporation, la competencia. Les demandes tamién obligaron a camudar dalgunos contratos y la política precios.
En xunu de 1998 Microsoft sacó Windows 98, qu'incluye funciones integraes p'accesu a Internet. Al mes siguiente Bill Gates nomó presidente de la compañía a Steve Ballmer, dica entós vicepresidente executivu, y ésti fízose cargu de la supervisión de les actividaes empresariales diaries de Microsoft.
En 1999 Microsoft pagó 5000 millones de dólares a la compañía de telecomunicaciones AT&T Corp. pa emplegar el so sistema operativu Windows CE en dellos dispositivos diseñaos para ufiertar a los consumidores servicios integraos de televisión por cable, teléfonu y accesu rápido a Internet. Amás, esi mesmo añu, la compañía sacó Windows 2000, la versión más actualizada'l sistema operativu Windows NT. En xineru de 2000 Bill Gates pasó-y el so cargu de presidente executivo (CEO) a Steve Ballmer, una camuda que-y permitió a aquel centrase nel desendolcu de nuevos productos y tecnoloxíes.
En 2003 ente griesques llegales, nuevos mercaos y entamos, Microsoft ye un de les empreses más conocíes y que mantiénense con un puestu destacáu na bolsa.
[editar] Enllaces esternos
- Páxina oficial (n'inglés)
